Read Dogri यूहन्ना 1 Bible Online

यूहन्ना 1 - Dogri bible

यूहन्ना 1

¹सारे थमां पैले वचन हा, ते वचन परमेसर दे कन्ने हा, ते वचन परमेसर हा।

²इयै शुरुआत च परमेसर दे कन्ने हा।

³सब केश ओदे कोलां गै पैदा ओया, ते जे केश पैदा ओया ऐ एस दे बिचा कोई बी चीज ओसदे बगैर पैदा नेई ओई।

⁴ओसदे बिच जांन ही; ते ओ जांन मनुक्खें दी लो ही।

⁵ते लो नेरे च चमकदी ऐ, पर न्हेरे ने उसी कबूल नेई कित्ता।

⁶एक मनुक्ख परमेसर थमां पेजया जेसदा नां यूहन्ना हा।

⁷ओ ए गवाही देने गी आया के लो दी गवाही दियै, तां जे, सब ओस थमां बश्वास लेई औन।

⁸ओ अप्पुं ते, ओ लो नेई हा, पर ओस लोई दी गवाही देने आसतै आया हा।

⁹सच्ची लो जेड़ी अर एक मनुक्खें गी लो करदी ऐ, दुनियां च औने आली ही।

¹⁰ओ दुनिया च हा, ते दुनियां ओदे थमां गै पैदा ओई, ते दुनियां ने उसी नेई पंछानया।

¹¹ओ अपने कर आया ते ओस दें अपने उसी कबूल नेई कित्ता।

¹²लेकन जिनैं-जिनैं उसी कबूल कित्ता, ओसने उनेंगी परमेसर दे बच्चे ओनें दा आक्क दिता, मतलब उनेंगी जेड़े ओसदे नां उपर बश्वास करदे न

¹³ओ नां तां खूने कन्ने, नां गै जिंदु दी मर्जी कन्ने, नां गै मनुक्खें दी मर्जी कन्ने, लेकन परमेसर थमां पैदा ओये।

¹⁴ते वचन देहतारी ओया; ते अनुग्रह ते सच्चाई कन्ने परपुर ओईयै साड़े बिच वास कित्ता, असैं ओसदी ऐसी मैमा दिखी, जियां पिता दे इको एक दी मैमा।

¹⁵यूहन्ना ने ओदे बारै च गुआई दिती, ते पकारीयै आखया, “ए उवै ऐ, जेसदे बारै च मैं तुसेंगी सनाया के जेड़ा मेरे बाद आवा करदा ऐ, ओ मेरे थमां बड़ा ऐ किके ओ मेरे कोलां पैलैं दा ऐ।”

¹⁶किके ओसदी परपुर्ता बिचा असैं सारें आसल कित्ता मतलब अनुग्रह दी परपुरी।

¹⁷एसकरी के कनून तां मूसा थमां दिता गीया, लेकन अनुग्रह ते सच्चाई यीशु मसीह थमां दसेया गीया।

¹⁸परमेसर गी कुसे कदें बी नेई दिखया, इकै एक पुत्तर जेड़ा पिता दी गोदी च ऐ, ओसने गै उसी परकट कित्ता।

¹⁹यूहन्ना दी गुआई ए ऐ, के जेलै यहूदीयें यरूशलेम चा याजकें ते लेवीयें गी ओदे कोल ए पूछन आसतै पेजया, “तू कोन ऐं?

²⁰तां ओसने मनी लेता ते मना नेई कित्ता, लेकन मनी लेता, आऊँ मसीह नेई ऐं”

²¹ओस बेलै उनै उसी पूछया, तां पी कोन ऐं? के तू एलिय्याह ऐं? ओसने आखया, आऊँ नेईयैं। तां के तू ओ पविखवक्ता ऐं? ओनें जबाब दिता, नेई।

²²ओस बेलै उनै उसी पूछया, ते पी तू कुन्न ऐं? तां जे अस अपने पेजने आलें गी जबाब देचै। तू अपने बारै च के आखना ऐ?

²³ओसने आखया, जियां यशायाह पविखवक्ता ने गलाया ऐ, आऊँ जंगलें च एक पकारने आले दी बाज ऐं के तोस प्रभु दा रस्ता त्यार करो।

²⁴ओ फरीसियें थमां भेजे गेदे हे।

²⁵उनै उसी ए सुआल पूछया, “जेकर तू नां मसीह ऐं, ते नां एलिय्याह, ते नां गै ओ पविखवक्ता ऐं, ते पी पवित्रशनांन कि दिना ऐं?”

²⁶यूहन्ना ने उनेंगी आखया, “आऊँ तां तुसेंगी पानी कन्ने पवित्रशनांन दिना ऐं, लेकन थुआड़े बेच मानु खडोते दा ऐ जिसी तोस नेई जांनदे।

²⁷मतलब मेरे थमां बाद औने आला ऐ, जेसदी नोक्क दा तस्मा खोलने दे आऊँ काबल नेई।”

²⁸ए गल्लां यरदन दे परली बक्खी बैतनिय्याह च ओईयां, जिथें यूहन्ना पवित्रशनांन दिंदा हा।

²⁹अगलै धयाडै ओनें यीशु गी अपनी बक्खी औंदे दिखियै आखया, “दिख्खो, ए परमेसर दा लेल्ला ऐ जेड़ा दुनियां दा पाप चुकी लेई जंदा ऐ।

³⁰ए उवै जेसदे बारै च मैं गलाया हा, के एक मनुक्ख मेरे पिछें आवा करदा जेड़ा मेरे थमां आदरमान आला ऐ, किके ओ मेरे थमां पैलैं दा ऐ।

³¹ते आऊँ तां उसी पनछांनदा नेई हा, लेकन एस लेई आऊँ पानी कन्ने पवित्रशनांन दिंदा आया के ओ इस्राएल च परकट ओई जा।”

³²ते यूहन्ना ने ए गुआई दिती “मैं आत्मा गी कबूतर दे रूप च सोर्गा चा उतरदे दिखया, ते ओ ओसदे उपर रुकी गीया।

³³आऊँ तां उसी पनछांनदा नेई हा, लेकन जेस ने मिगी पानी कन्ने पवित्रशनांन देने गी पेजया, उसै मिगी आखया, जेसदे उपर तू आत्मा गी उतरदे ते ओदे उपर रुकदै दिखगा, ओ गै पवित्र आत्मा कन्ने पवित्रशनांन देने आला ऐ।

³⁴ते मैं दिखया, ते गुआई दिती ऐ के इयै परमेसर दा पुत्तर ऐ।”

³⁵“अगलै धयाडै यूहन्ना ते ओदे चेलें बिचा दो मानु खड़ोते दे हे।

³⁶ते ओसने यीशु उपर जेड़ा जा करदा हा दिखियै आख्या, दिख्खो ए परमेसर दा लेल्ला ऐ।”

³⁷ओस बेलै ओ दमै चेलें ओदी सुनीयै यीशु दे पिछें आई गै।

³⁸यीशु ने मुड़ीयै ते उनेंगी पिछें औंदे दिखया ते आखया, “तोस कुसी तुप्पा दे ओ?” उनै उसी आखया, “ए गुरु, तू कुत्थें रौना ऐं?”

³⁹ओसने उनेंगी गी आखया, “चलो, ते दिखी लैगे।” ओस बेलै उनै आईयै ओदे रौने दी जगा दिखी, ते ओस धयाडै ओदे कन्ने गै रे। ते ए गल्ल दसमे कैंटे दे लग-भग ही।

⁴⁰उन्दे दौनी चा, जेड़े यूहन्ना दी गल्ल सुनीयै यीशु दे पिछें आए दे हे, एक शमौन पतरस दा प्रा अन्द्रियास हा।

⁴¹ओसने ऐसहां पैलैं अपने सक्के प्रा शमौन कन्ने मिलीयै उसी आखया, “असेंगी ख्रिस्तुस, मतलब मसीह, मिली गीया ऐ।”

⁴²ओनें उसी यीशु दे कोल अन्दा। यीशु ने दिखियै आखया, “तू यूहत्रा दा पुत्तर शमौन ऐ, तू कैफा मतलब तुगी पतरस आख्या जाग।”

⁴³दूऐ धयाडै यीशु ने गलील जिले गी जाना चाया। ते फिलिप्पुस कन्ने मिलीयै आखया, “मेरे पिछें चली आ।”

⁴⁴फिलिप्पुस, अन्द्रियास तां पतरस दे शैर बेतसैदा दा रौने आला हा।

⁴⁵फिलिप्पुस नतनएल कन्ने मिलया ते उसी आखया, “जेसदे बारै च मूसा दे कनून च ते, पविखवक्तें आखे दा हा, ओ असेंगी मिली गीया; ओ युसूफ दा पुत्तर यीशु नासरत दा रौने आला ऐ।”

⁴⁶नतनएल ने ओसदे कन्ने आखया, “के कोई छैल चीज बी नासरत बिचा निक्क्ली सकदी ऐ?” फिलिप्पुस ने उसी आखया, “चलीयै दिखी लै।”

⁴⁷यीशु ने नतनएल गी अपनी बक्खी औंदे दिखियै ओदे बारै च आखया, “दिखखो, ए सच-मुच्च इस्राएली ऐ, एदे च कपट नेई।”

⁴⁸नतनएल ने उसी आखया, “तू मिगी कियां जाननां ऐं?” यीशु ने उसी जबाब दिता, “एस थमां पैलैं के फिलिप्पुस ने तुगी बलाया, जेसलै तू अंजीर दे बूट्टे दे थल्लै हा, ओस बेलै मैं तुगी दिखया हा।”

⁴⁹नतनएल ने उसी जबाब दिता, “ए, गुरु तू परमेसर दा पुत्तर ऐं तुं इस्राएल महाराजा ऐ।”

⁵⁰यीशु ने उसी जबाब दिता, “मैं जेड़ा तेरे कन्ने गलाया के मैं तुगी अंजीर दे बूट्टे थल्लै दिखया, के तू एस लेई बश्वास करना ऐं? तू एदे कोलां बी बडे-बडे कम्म दिखगा।”

⁵¹पी ओदे कन्ने आखया, “आऊँ तेरे कन्ने सच-सच आखना के तू सोर्गे गी खुले दा, ते परमेसर दे सोर्गदूतें गी मनुक्ख दे पुत्तर दे उपर उतरदे ते उनेंगी उपर जंदे दिखगे।”