Read Dogri यूहन्ना 10 Bible Online

यूहन्ना 10 - Dogri bible

यूहन्ना 10

¹“आऊँ तुसेंगी सच-सच आखना ऐं, के ओ जेड़ा दरबाजे थमां पिड्डें दा घोड़ च दाखल नेई ओंदा, लेकन किसे दुए रसतै चा ओंदा ऐ, ओ चोर ते डाकू ऐ।

²लेकन जेड़ा दरबाजे थमां अन्दर ओंदा ऐ, ओ पिड्डें गुआल ऐ।

³ओस लेई पैरेदार दरबाजा खोली दिन्दा ऐ, ते पिड्डां ओसदी बाज सुनदीयां न, ते ओ अपनी पिड्डें गी नां लेईयै सददा ऐ ते बार लेई जन्दा ऐ।

⁴ते जेलै ओ अपनी सब पिड्डें गी बार कढी ओड़दा ऐ, तां उन्दे अगें-अगें चलदा ऐ, ते पिड्डां ओदे पिछें-पिछें चली पौंदीयां न; किके ओ ओदी बाज गी पंछानदीयां न।

⁵लेकन ओ कुसे दुए दे पिछें नेई जागन, लेकन ओदे कोलां नसगन, किके ओ दुए दी बाज नेई पंछानदीयां न।”

⁶यीशु ने उनेंगी ए मसाल बोली, लेकन ओ नेई समझे के ए के ग्ल्लां न जेड़ीयां ओ साड़े कन्ने बोलदा ऐ।

⁷“ओस बेलै यीशु ने पी उनेंगी आखया, आऊँ तुसेंगी सच-सच आखना ऐं, के पिड्डें दा दरबाजा आऊँ आं।

⁸जेड़े मेरे कोलां पैलैं आए ओ सब चोर ते डाकू न; लेकन पिड्डें उंदी नेई सुनी।

⁹दरबाजा[1] आऊँ आं; जेकर कोई मेरे थमां अन्दर दाखल उवै, तां मुक्ति पाग, ते अन्दर बार अवै-जा करग ते उसी खाणा मिलग।

¹⁰चोर किसे ओर कम लेई नेई लेकन चोरी करने, अत्या करने, नाश करन लेई ओंदा ऐ, आऊँ एस लेई आया ऐं के ओ जींन, ते बदियै जिंदड़ी जींन।

¹¹अच्छा गुआल आऊँ ऐं; अच्छा गुआल पिड्डें आसतै जान दिंदा ऐ।

¹²मजदूर जेड़ा नां गुआल ऐ ते नां पिड्डें दा मालक ऐ, गिदडें गी औंदे दिखियै पिड्डें गी छुड़ीयै नसी जंदा ऐ; ते गिदड उनेंगी चिरदा ते तितर-बितर करी दिन्दा ऐ।

¹³ओ एस लेई नसी जंदा ऐ किके ओ मजदूर ऐ, ते उसी पिड्डें दी चेंता नेई।

¹⁴अच्छा गुआल आऊँ ऐ; आऊँ अपनी पिड्डें गी जाननां ऐं, ते मेरी मेरीयां पिड्डां मिगी जानदीयां न।

¹⁵जियां पिता मिगी जानदा ऐ, ते आऊँ पिता गी जाननां ऐं। ते आऊँ पिड्डें बासतै अपनी जान दिना ऐं।

¹⁶ते मेरीयां ओर बी पिड्डां न जेड़ीयां एस पिड्डें दा घोड़ दियां नेई; मिगी उनेंगी बी लिआना जरुरी ऐ, ओ मेरा बाज सुनगन; ओसलै एक गै चोण्ड ते एक गै गुआल ओग।

¹⁷पिता एस लेई मेरे कन्ने प्यार करदा ऐ, के आऊँ अपना प्राण दिना ऐं, के उसी पी लेई लियां।

¹⁸कोई उसी मेरे कोलां नेई खोंदा, पर आऊँ उसी अप्पुं गै दिना ऐं। मिगी उसी देने दा अख्त्यार ऐ, ते पी लैंन दा बी ऐ। ए उक्म मिगी पिता कोलां मिला ऐ।”

¹⁹“इनें गल्लें कन्ने यहूदीयें च फोट पेई गेई।

²⁰उन्दे बिचा बड़े सारे बोलन लगे, ते ओदे च दोष्टआत्मा ऐ, ते एदी मत्त मारी दी ऐ; ओसदी कि सुनदे ओ?

²¹दुए लोकें आखया, ऐ गल्लां ऐसे मनुक्ख दियां नेई ऐ न, जेदे च दोष्टआत्मा उवै। के दोष्टआत्मा अन्नें दियां अखीयाँ खोली सकदी ऐ?”

²²ओस बेलै यरूशलेम च स्तापना दा त्यार मनयां जा दा हा, ते ठंड दी रेत्त ही।

²³ते यीशु मंदर च सुलैमान दे बेड़े च टैला दा हा।

²⁴उसै बेलै यहूदीयें आईयै केर्या ते उसी पूछया, “तू असेंगी कदुं तकर पोल च रखगा? अगर तू मसीह ऐं, तां असेंगी साफ-साफ बोली दे।

²⁵यीशु ने उनेंगी जबाब दिता, मैं तुसेंगी गी आखी दित्ता, ते तोस विश्वास गै नेई करदे, जेड़ा कम आऊँ अपने पिता दे नां च करना ऐं, ओ गै मेरे गवाह न।

²⁶पर तोस एसकरी विश्वास नेई करदे, के तोस मेरी पिड्डें बिचा नेई ऐंन।

²⁷मेरीयां पिड्डां मेरी बाज सुनदीयां न, ते आऊँ उनेंगी जानना ऐं, ते ओ मेरे पिछें-पिछें चलदीयां न।

²⁸ते आऊँ उनेंगी मेशा दी जिंदड़ी दिना ऐं, ते ओ कदें नाश नेई ओगन; ते कोई बी उनेंगी मेरे अथ्थें चा खुस्सी नेई लैग।

²⁹मेरा पिता, जेस ने उनेंगी मिगी दिता ऐ, ते कोई उनेंगी ओदे दे अथ्थ चा खुस्सी नेई लेई सकदा।

³⁰आऊँ ते पिता एक आं।

³¹यहूदीयें ओदे उपर पत्थर मारने लेई चुके।

³²एस उपर यीशु ने उनेंगी आखया, मैं तुसेंगी गी अपने पिता त्र्फुं मते सारे चमत्कार दसे, उन्देचा तोस केस गल्ल उपर मिगी पत्थर मारदे ओ?

³³यहूदीयें उसी जबाब दिता, उनै अच्छे कम्में लेई अस पत्थर नेई मारदे, लेकन परमेसर दी निंदया करने दे कारन; ते एस लेई के तू मनुक्ख ओईयै अपने आप गी परमेसर बनाना ऐं।”

³⁴यीशु ने उनेंगी जबाब दिता, “के थुआड़े कनून च नेई लिख्या ऐ, आऊँ आखया, तोस ईश्वर ओ?”

³⁵जेकर उनै उसी ईश्वर गलाया जिंदे कोल परमेसर दा वचन पूजया (ते पवित्र शास्त्र दी गल्ल लोपत नेई ओई सकदी)

³⁶तां जिसी पिता ने पवित्र बनाईयै दिनिया च पेजया, तोस उसी आखदे ओ, के तू निंदया करना ऐं, एसकरी के मैं आखया, आऊँ परमेसर दा पुत्तर ऐं?

³⁷जेकर आऊँ अपने पिता दे कम गी नेई करदा, तां मेरा विश्वास नेई करयो;

³⁸लेकन जेकर आऊँ करना ऐं, तां पांवे मेरा बश्वास न बी करो, लेकन उनै चमत्कारें उपर तां बश्वास करो, तांके तोस जानो ते समझो, के पिता मेरे च ऐ, ते आऊँ पिता च आं।

³⁹ओस बेलै पी उनै उसी पकड़ने दी कोष्ट कित्ती लेकन ओ उन्दे अथ्थें चा निकली गीया।

⁴⁰पी ओ यरदन दे दुए पार ओस गजा च चली गीया, जिथें पैलैं यूहन्ना पवित्रशनांन दिंदा हा; ते उत्थें गै रिया।

⁴¹ते बड़े सारे लोक ओदे कोल आईयै उसी आखदे हे, “यूहन्ना ने तां कोई चेन्न नेई दसया, लेकन जे केछ यूहन्ना ने एदे बारै च बोलया हा, ओ सब सच हा।”

⁴²ते उत्थें बड़े लोकें यीशु उपर बश्वास कित्ता।