Read Dogri यूहन्ना 11 Bible Online

यूहन्ना 11 - Dogri bible

यूहन्ना 11

¹मरियम ते ओदी पैन्न मार्था दे घरां बैतनिय्याह दा रौने आला लाजर नां दा एक मानु बीमार हा।

²ए उवै मरियम ही जेनें प्रभु यीशु दे उपर इत्र [2] सुट्टीयै ओदे पैरें गी अपने बालैं कन्ने पुन्जया हा, एदा गै प्रा लाजर बीमार हा।

³ओसलै ओसदीयें पैन्नें उसी सन्नीया पेजया, “ए प्रभु, देख्ख, जिसी तू प्यार करना ऐं, ओ बमार ऐ।”

⁴ए सुनीयै यीशु ने आखया, “ए बीमारी मौत दी नेई; लेकन परमेसर दी मैमा बासतै ऐ, कि एदे कोलां परमेसर दे पुत्तर दी मैमा उवै।”

⁵ते यीशु मार्था ते ओसदी पैन्न ते लाजर कन्ने प्यार रखदा हा।

⁶जेलै ओनें सुनया के ओ बीमार ऐ, तां जेस जगा उपर ओ हा, उत्थें दो दिन ओर रुकी गीया।

⁷एदे बाद ओनें अपने चेलें गी आखया, “आओ, अस पी यहूदीया गी चलचे।

⁸चेलें उसी आखया, ए गुरु, आल्ले गै यहूदी तुगी पत्थर मारना चांदे हे, ते के तू पी बी उत्थें जा नां ऐं?”

⁹यीशु ने जबाब दिता, “के एक देन दे बारां कैंटे नेई ओदे? जेकर कोई दिनें-दिनें च चलै तां ठोकर नेई खंदा, किके एस दुनिया दी लो दिखदा ऐ।

¹⁰लेकन जेकर कोई रात च चलै तां ठोकर खंदा ऐ, किके ओदे च लो नेई।”

¹¹ओसने ए गल्लां बोलियां, ते एदे बाद उनेंगी बोलन लगा, “साड़ा मित्र लाजर सेई गीया ऐ, लेकन आऊँ उसी बजालनें गी जाना ऐं।”

¹²चेलें बोलन लगे, “ए प्रभु, जेकर ओ सुत्ता दा ऐ, तां ओनें ठीक ओई जाना।”

¹³यीशु ने तां ओदी मौत दे बारै च बोलया हा, लेकन उनै समझया के ओनें निंदर च सौनें दे बारै आखया ऐ।

¹⁴ओसलै यीशु ने साफ बोली दिता, “लाजर मरी गीया ऐ;

¹⁵ते आऊँ थुआड़े कारन खोश ऐं के आऊँ उत्थें नेई हा जेदे थमां तोस बश्वास करो। लेकन ऊन आओ, अस ओदे कोल चलचे।”

¹⁶ते थोमा ने जिसी दिदुमुस आख्या जंदा ऐ, अपने साथी चेलें गी आखया, “आओ, अस बी एदे कन्ने मरने गी जाचै।”

¹⁷पी उत्थें आईयै यीशु गी पता चलया के लाजर गी कब्र च रखदे दे चार देन ओई गेदे न।

¹⁸बैतनिय्याह घरां यरूशलेम थमां कोई दो मील दूर हा।

¹⁹ते मते सारे यहूदी मार्था ते मरियम दे कोल उन्दे प्रा दी मौत बेच उनेंगी तसल्ली देन लेई आए हे।

²⁰जेलै मार्था ने सुनया के यीशु आवा दा ऐ तां ओ ओदे कन्ने मिलनें गी गेई, लेकन मरियम कर च बैठी दी रेई।

²¹मार्था ने यीशु गी आखया, “ए प्रभु, अगर तू इत्थैं ओंदा हा, तां मेरा प्रा कदें नेई मरदा।

²²ते मिगी ऊन बी पता ऐ, के जे केछ तू परमेसर कोलां मंगै, परमेसर तुगी देग।

²³यीशु ने उसी आखया, तेरा प्रा जिंदा ओई जाग।”

²⁴मार्था ने उसी आखया, “मिगी पता ऐ के खीरी दे दिनें च जिंदा ओनें दे बेलै ओ जिंदा ओई जाग।”

²⁵यीशु ने उसी आखया, “मुर्दे गी जिंदा करने आला ते जिंदड़ी आऊँ गें; जेड़ा कोई मेरे उपर बश्वास करदा ऐ ओ अगर मरी बी जा तां बी जीग,

²⁶ते जेड़ा कोई मेरे आसतै जिंदा ऐ, ते मेरे उपर बश्वास करदा ऐ, ओ कदें बी नेई मरग। के तू एस गल्ल उपर बश्वास करनी ऐं?”

²⁷ओनें उसी आखया, “आं ए प्रभु, आऊँ बश्वास करनी आं के परमेसर दा पुत्तर मसीह जेड़ा दुनिया च औने आला ऐ, ओ तू गै ऐं।”

²⁸ए बोलिऐ ओ चली गेई, ते अपनी पैन्न मरियम गी बलें जिए आखया, “गुरु इत्थैं गै ऐ, ते तुगी बला दा ऐ।”

²⁹ओ ए सुनदे गै फोरन उठीयै ओदे कोल आई गेई।

³⁰यीशु अजें तकर घरां नेई पूजे दा हा, लेकन उसै जगै हा जिथें मार्था ओदे कन्ने मिली ही।

³¹पी जेड़े यहूदी ओदे कर च आए दे हे, ते उसी तसल्ली दिंदे हे, ए दिखया के मरियम फोरन उठीयै बार गेई ऐ, ऐ समझै के ओ ओदी कब्र उपर रौन आसतै गेई ओग, ओसदे पिछें आईयै।

³²जेलै मरियम उत्थें पूजी जिथें यीशु हा, तां उसी दिखदे गै पैरें च पेई गेई ते आखया, “ए प्रभु, जेकर तोस इत्थैं ओदे हे तां मेरा प्रा नेई मरदा।”

³³जेलै यीशु ने मरियम ते ओदे कन्ने आयदे यहूदीयें गी रोंदे दिखया, तां ओ आत्मा च बडा दुखी ते बेचैन ओया।

³⁴ते आखया, “तुसें उसी कुत्थें रखे दा ऐ? उनै उसी आखया, प्रभु, आ ते दिखी लै।”

³⁵यीशु रोया।

³⁶ते यहूदी बोलन लगे, “दिखो ऐ ओदे कन्ने किनां प्यार करदा हा।”

³⁷पी उन्देचा केईयें आखया, “के जेस ने अन्नें दियां अखीयाँ खोलीयां, ओ एबी नेई करी सक्या के ए मानु नेई मरदा हा।”

³⁸“यीशु मन च पी बड़ा दुखी ओईयै कब्र उपर आया, ओ एक गुफा ही, ते एक पत्थर ओदे अगें रखे दा हा।

³⁹यीशु ने आखया, पत्थर गी बख्खीयै गी करो।” ओस मरे दे लाजर दी पैन्न मार्था उसी आखन लगी, “ए प्रभु, ऊन तां एदे चा मुश्क आवा दी ऐ, किके उसी मरे दे अज्ज चार देन ओई गेदे न।

⁴⁰यीशु ने उसी आखया, के मैं तुगी नेई गलाया हा के अगर तू बश्वास करगी तां परमेसर दी मैमा दिखगी?”

⁴¹ओसलै उनै ओस पत्थर गी बख्खीयै गी कित्ता। पी यीशु ने अखीयाँ उपर चुकियै आखया, “ए पिता, आऊँ तेरा शुकर करना ऐं के तुसें मेरी प्रार्थना सुनी लेई ऐ।

⁴²ते आऊँ जानना ऐं के तोस मेशा मेरी सुन्दे ओ; लेकन पीड जेड़ी चवखे खडोती दी ऐ, उन्दे कारन मैं ए आखया, के ओ बश्वास करन, के तुसें मिगी पेजे दा ऐ।

⁴³ते ऐ गल्ल आखीयै ओनें बड़ी बाज बेच आखया, ए लाजर निकली आ।

⁴⁴जेड़ा मरी गेदा हा, ओ कफ़न च अथ्थ-पैर बझे दे निकली आया, ते ओदा मुहं कपड़े कन्ने बनें दा हा। यीशु ने उनेंगी आखया, उसी खोली ओड़ो ते जान दियो।”

⁴⁵पी जेड़े यहूदी मरियम दे कोल आए दे हे, ते ओदा ए चमत्कार दिखया हा, उन्देचा बड़े सारें लोकें ओदे उपर बश्वास कित्ता।

⁴⁶लेकन उन्देचा केईयें फरीसियें दे कोल जाईयै यीशु दे चमत्कारें दे बारै दा समाचार दिता।

⁴⁷एदे उपर प्रधान याजकें ते फरीसियें महासभा दे लोकें गी किट्ठा करियै आखया, अस के करचै? “ए मानु तां बड़े चेन्न दसदा ऐ।

⁴⁸जेकर अस उसी इयां गै छुड़ी ओड़गे, तां सारें ओदे उपर बश्वास करन लगी पौना, ते रोमी सरकार ने आईयै साड़ा मन्दर ते जाती दौनी उपर कब्जा करी लैगन।”

⁴⁹ओसलै उन्दे बिचा कैफा नां दे एक मानु ने जेड़ा ओस साल दा महायाजक हा, उनेंगी बोलन लगया, “तोस केछ बी नेई जांनदे;

⁵⁰ते न ए सोचदे ओ के थुआड़े लेई ए पला ऐ के साड़े लोकें लेई एक मानु मरे, ते नां ए जे, के सारी जाती खत्म न उवै।

⁵¹ए गल्ल ओनें अपनी त्र्फुं नेई आखी, लेकन ओस साल दा महायाजक ओईयै पविखवाणी कित्ती, के यीशु ओस जाती लेई मरग;

⁵²ते न सेरफ ओस जाती[3] लेई, वरन एस लेई बी, के परमेसर दे तितर-बितर बच्चें गी एक करी दे।

⁵³मतलब उसै देन थमां ओ उसी मारी ओड़ने दी सलहा करन लगी पे।”

⁵⁴एसकरी यीशु ओस बेलै थमां खुलेआम यहूदीयें च परकट नेई ओया, लेकन उत्त्थुं दा जंगल दे लागे दे लाके एप्रैम नां, दे शैर गी चली गीया; ते अपने चेलें कन्ने उत्थें गै रौन लगया।

⁵⁵ते यहूदीयें दे फसह दा त्यार कोल हा, ते मते सारे लोक फसह दे त्यार थमां पैलैं अपने लाके चा यरूशलेम च गै, के अपने आप गी शोद्ध करन।

⁵⁶ओ यीशु गी तुप्दे ते मंदर च खडोईयै अप्पुं पिछें आखन लगे, तोस के समझदे ओ? के ओ त्यार च नेई औग?

⁵⁷ते प्रधान याजकें ते फरीसियें ए उक्म दिते दा हा, के कुसे गी ए पता लगे के यीशु कुत्थें ऐ, तां ओ दसै, तां जे उसी पकड़ी लेचै।