Read Dogri यूहन्ना 12 Bible Online

यूहन्ना 12 - Dogri bible

यूहन्ना 12

¹पी यीशु फसह दे त्यार थमां छें; देन पैलैं बैतनिय्याह दे घरां च आया, जिथें लाजर हा, जिसी यीशु ने मोदे चा जिन्दा कित्ता हा।

²उत्थें उनै ओदे बासतै रुट्टी त्यार कित्ती, ते मार्था बी सेवा करा दी ही, ते लाजर बी उन्देचा एक हा जेड़ा ओदे कन्ने रुट्टी खाण लेई बैठे दा हा।

³ओस बेलै मरियम ने जटामासी दा बड़ा मैंगा इत्र[4] लेईयै यीशु दे पैरें च ढोल्या, ते अपने बालैं कन्ने ओदे पैरें गी पुन्जया; ते इत्र दी खुशबु कन्ने पूरा कर खशबूदार ओई गीया।

⁴लेकन ओदे चेलें बिचा यहूदा इस्करियोती ने, जेड़ा यीशु गी पड़काना चांदा हा, ओ आखन लगया,

⁵“ऐ इत्र गी त्रै सौ देन दी धयाडी दीनार सीका च बेचियै गरीबें गी कि नेई दित्ता गीया?”

⁶ऐ गल्ल ओनें एसकरी नेई आखी के उसी गरीबें दी चेंता ही, लेकन एस लेई के ओ चोर हा ते ओदे कोल उन्दी पैसें आली थैली रौंदी ही, जे केछ ओदे च पांदे हे ओ उसी चोरी करी लैंदा हा।

⁷यीशु ने आखया, “एस इत्र गी मेरे दबने दे देन लेई रौंन दे।

⁸किके गरीब तां थुआड़े कन्ने मेशा रौंदे न; लेकन आऊँ मेशा थुआड़े कन्ने नेई रौगा।”

⁹यहूदियों दी बड़ी भीड़ गी पता चली गीया, के ओ उत्थें ऐ, तां ओन सेरफ यीशु लेई आए लेकन एसकरी के लाजर गी दिखचै, जिसी ओनें मरें दा बिचा जिन्दा कित्ता हा।

¹⁰ओस बेलै प्रधान याजकें लाजर गी मारी ओड़ने दी सलहा बनाई।

¹¹किके ओदे कारन बड़े सारे यहूदी लोग चली गै, ते यीशु दे उपर बश्वास कित्ता।

¹²दुए देन मते सारे लोक जेड़े त्यार च आए दे हे, ऐ सुनया के यीशु यरूशलेम च आवा दा ऐ।

¹³लोकें खजूर दियां डालियाँ लेतीयां, ते ओदे कन्ने मिलने गी निकले, ते पकारन लगे, “होशाना! तन्न ऐ इस्राएल दा राजा, जेड़ा प्रभु दे नां च ओंदा ऐ,

¹⁴“जेलै यीशु गी गदहे दा एक बच्चा मिलया, तां ओ ओदे उपर बैठा, जियां लिखा ऐ,

¹⁵“ए सिय्योन दी तीये, नेई डर; देख, तेरा राजा गदहे दे बच्चे उपर चढ़ीयै आवा दा ऐ।”

¹⁶ओदे चेलें पैलैं ए गल्लां नेई समझे हे, लेकन जेलै यीशु दी मैमा परकट ओई, तां उनेंगी याद आया, के ए गल्लां ओदे बारै च लिखी यांहां; ते लोकें ओदे कन्ने इयै जीया सलूक कित्ता हा।

¹⁷ओसलै पीड़ दे लोक जेड़े ओदे कन्ने आए दे हे ए गवाही दिती के ओनें लाजर गी कब्र चा बार बलाईयै, मरें दा बिचा जिन्दा कित्ता हा।

¹⁸एस लेई लोक ओदे कन्ने मिलनें लेई आए हे किके उनै सुना हा, के ओनें ए चमत्कार दसया ऐ।

¹⁹ओस बेलै फरीसियें एक दुए गी आखया, “सोचो, तोस लोक केछ नेई करी सका दे ओ; दिखो, दुनिया ओदे पिछें ओई गेई ऐ।”

²⁰जेड़े लोक ओस त्यार च अराधना करन आए दे हे उन्देचा केई यूनानी लोक हे।

²¹उनै गलील जिले दे बेतसैदा दे रौने आले फिलिप्पुस दे कोल आईयै ओदे अगें अर्ज कित्ती, “श्रीमान्, अस यीशु कन्ने मिलना चांन्ने आं।”

²²फिलिप्पुस ने आईयै अन्द्रियास गी आखया, पी अन्द्रियास ते फिलिप्पुस ने जाईयै यीशु गी गलाया।

²³एस पर यीशु ने आखया, “ओ बेलै आई गीया ऐ, के मनुक्ख दे पुत्तर दी मैमा उवै।

²⁴आऊँ तुसेंगी सच-सच आखना, के जेलै तकर कनक दा दाना जमीने च पेईयै मरी नेई जन्दा, ओ इकला रौंदा ऐ; लेकन जेलै मरी जन्दा ऐ, तां ओ बडा फल दिंदा ऐ।

²⁵जेड़ा अपने प्राण गी प्यारा समझदा ऐ, ओ उसी गुआई दिंदा ऐ; ते जेड़ा कोई एस दुनिया च अपने प्राण गी प्यारा नेई समझदा ऐ; ओ ओसदी मेशा दी जिंदड़ी लेई रखया करदा ऐ।

²⁶जेड़ा कोई मेरी सेवा करग, ते मेरे पिछें आई जा, ते जिथें आऊँ ओगा, उत्थें मेरा सेवक बी ओग। जेड़ा कोई मेरी सेवा करग, तां पिता ओदा आदर करग।”

²⁷ऊन मेरा मन दुखी ओआ दा ऐ। एसकरी ऊन आऊँ के आखां? ए प्यो, मिगी एस कड़ी कोलां बचा? लेकन आऊँ इसै कारन एस कड़ी गी पूजया ऐं।

²⁸ए पिता अपने नां दी मैमा कर। “ओस बेलै ए अकाशवाणी ओई, मैं ओसदी मैमा कित्ती ऐ, ते पी बी करगा।”

²⁹ओस बेलै जेड़े लोक खडोईयै सुना दे हे, उनै आखया, के बदल गरजया, दुए आखया, “कोई सोर्गदूत ओदे कन्ने बोलया।”

³⁰एस गल्ल उपर यीशु ने आखया, “ऐ बाज मेरे लेई नेई ऐ, लेकन थुआड़े लेई आई ऐ।

³¹ऊन एस दुनिया दा न्याय ओंदा ऐ, ऊन एस दुनिया दा राज करने आला बार कढी दित्ता जाग।

³²ते आऊँ जेकर तरती उपर ऊंचा चाडया जागा, तां सारें गी अपने कोल खिची लैगा।”

³³ए गल्ल बोलियै ओनें ए परकट करी दित्ता, के ओ केड़ी मौत कन्ने मरग।

³⁴एदे उपर लोकें उसी आखया, “असैं कनून दी ऐ गल्ल सुनी दी ऐ, के मसीह मेशा लेई रौग, पी तू के आखना ऐ, के मनुक्ख दे पुत्तर गी सूली उपर चाडया जाना जरुरी ऐ? ऐ मनुक्ख दा पुत्तर कोन ऐ?”

³⁵यीशु ने उनेंगी आखया, “लो ऊन थोडे बेच थुड़े चेर तकर ऐ। जेलै तकर लो थुआड़े कन्ने ऐ अतुं तकर चलदे चलो, ऐसा नेई उवै के न्हेरा तुसेंगी आई केरै; जेड़ा नेरे च चलदा ऐ ओ नेई जानदा के ओ कुत्थें गी जा दा ऐ।

³⁶“जेलै तकर लो थुआड़े कन्ने ऐ, लोई उपर बश्वास करो के तोस लोई दे बच्चे बनों। ए ग्ल्लां बोलियै यीशु चली गीया ते उंदे कोलां छपे दा रिया।”

³⁷“ते ओस उनेंगी इन्नें चेन्न दसे, पी बी उनै ओदे उपर बश्वास नेई कित्ता,

³⁸“तां जे यशायाह पविखवक्ता दा ओ वचन पूरा उवै जेड़ा ओसने बोलया हा, ए प्रभु, साड़ी खबर उपर कोसनें बश्वास कित्ता ऐ? ते प्रभु दी बांह कोदे उपर परकट ओई?

³⁹“एस कारन ओ बश्वास नेई करी सके, किके यशायाह ने एबी गलाया ऐ,

⁴⁰“ओसने उंदीयां अखीयाँ अन्नीयां, ते उंदा मन कठोर करी दिता ऐ; कुतै ऐसा नेई उवै, के ओ अखीयाँ दिखन, ते मने कोलां समझन, ते फिरन, ते आऊँ उनेंगी चंगा करां।

⁴¹यशायाह ने ऐ ग्ल्लां एसकरी बोलियां, के ओसने ओदी मैमा दिखी, ते ओंने ओदे बारै च ग्ल्लां कित्तियां।

⁴²ते पी सरदारें बिचा बड़े लोकें ओस उपर बश्वास कित्ता, लेकन फरीसियें दे कारन ओ अपने आप गी सामने नेई आनदे हे, ऐसा नेई उवै के ओ प्रार्थनाकार बिचा बार कढी दित्ते जान;

⁴³किके उनेंगी लोकें थमां सिफत परमेसर दी सिफत कोल प्यारी लगदी ही।”

⁴⁴यीशु ने पकारीयै आखया, “जेड़ा मेरे उपर बश्वास करदा ऐ, ओ मेरे उपर नेई पर मेरे पेजने आले उपर बश्वास करदा ऐ।

⁴⁵ते जेड़ा मिगी दिखदा ऐ, ओ उसी दिखदा ऐ जेस ने मिगी पेजे दा ऐ।

⁴⁶आऊँ दुनिया च लों बनियै आया ऐं तां जे जेड़ा कोई मेरे उपर बश्वास करै, ओ नेरे च नेई रौग।

⁴⁷जेड़ा कोई मेरीयां गल्लां सुनीयै नेई मनें, तां आऊँ उसी दोषी नेई आखदा; किके आऊँ दुनिया गी दोषी बनानें लेई नेई, लेकन दुनिया दा उद्धार करन लेई आएदा ऐं।

⁴⁸जेड़ा मिगी तोच्छ समझदा ऐ ओ मेरीयां गल्लां कबूल नेई करदा ऐ उसी दोषी आखने आला तां एक ऐ; मतलब जेड़ा वचन मैं गलाया ऐ, ओ खीरी दे दिनें च उसी दोषी आखघ।

⁴⁹किके मैं अपनी त्र्फुं गल्लां नेई कित्तियां, लेकन पिता जेस ने मिगी पेजे दा ऐ उसै मिगी उक्म दित्ता ऐ, के आऊँ के-के आखां ते के-के बोलां?

⁵⁰ते आऊँ जाननां ऐं, के ओदा उक्म मेशा दी जिंदड़ी ऐ एसकरी आऊँ जे केछ बोलना ऐं, ओ जे केछ पिता ने आखया ऐ उवै बोलना ऐं।”