Read Dogri यूहन्ना 14 Bible Online

यूहन्ना 14 - Dogri bible

यूहन्ना 14

¹“थुआड़ा मन परेशान नेई उवै, तोस परमेसर उपर बश्वास करदे ओ मेरे उपर बी बश्वास करो।

²मेरे पिता दे कर रौने लेई बड़ीयां जगां न, जेकर नेई ओदीयां हां, तां आऊँ तुसेंगी आखी ओड़दा हा, किके आऊँ थुआड़े लेई जगा त्यार करने गी जा करना ऐं।

³ते जेकर आऊँ जाईयै थुआड़े लेई जगा त्यार करा, तां पी आईयै तुसेंगी अपने उत्थें लेई जागा, के जिथें आऊँ रवां, उत्थें तोस बी रवो।”

⁴ते जिथें आऊँ जा नां ऐं तोस उत्थें दा रस्ता जांनदे ओ।

⁵थोमा ने उसी आखया, “ए प्रभु, अस नेई जांनदे के तू कुत्थें गी जा नां ऐं; तां ओ रस्ता कियां जानचै?”

⁶यीशु ने उसी आखया, “रस्ता ते सच्च ते जिंदड़ी आऊँ आं; मेरे बगैर कोई पिता दे कोल नेई आई सकदा।

⁷जेकर तुसें मिगी जां नां ओंदा, तां मेरे पिता गी बी जांनदे; ते ऊन उसी जांनदे ओ, ते उसी दिखा दा बी ऐ।”

⁸फिलिप्पुस ने उसी आखया, “ए प्रभु, असेंगी पिता दसी ओड़; ते इयै साडे़ लेई काफी ऐ।”

⁹यीशु ने उसी आखया, “ए फिलिप्पुस, आऊँ इन्नें दिनें थमां थुआड़े कन्ने आं, ते के तू मिगी नेई जानदा? जेस ने मिगी दिखया ऐ, ओनें पिता गी दिखया ऐ; तू कि आखना ऐ, के असेंगी पिता दस।”

¹⁰के तू बश्वास नेई करदा के आऊँ पिता च आं ते पिता मेरे च ऐ? ए गल्लां जेड़ीयां आऊँ तुसेंगी आखा नां ऐं, अपने थमां नेई आखा नां, लेकन पिता मेरे च रेईयै अपने कम करदा ऐ।

¹¹मेरे उपर गै बश्वास करो, के आऊँ पिता च ऐं, ते पिता मेरे च ऐ; नेई तां मेरे कम्में दे कारन बश्वास करो।

¹²“आऊँ तुसेंगी सच-सच आखना ऐं, के जेड़ा मेरे उपर बश्वास करदा ऐ, ए कम जेड़े आऊँ करना ऐं ओ बी करग, मतलब इन्दे कोलां बी बड्डे कम्म करग, किके आऊँ पिता कोल जा नां ऐं।

¹³ते जे केछ तोस मेरे नां च मगंगे, उवै आऊँ करगा के पुत्तर थमां पिता दी मैमा उवै।

¹⁴जेकर तोस मेरे कोलां मेरे नां च केछ मगंगे, तां आऊँ उसी करगा।”

¹⁵“जेकर तोस मेरे कन्ने प्यार करदे ओ, तां मेरे उक्में गी मनगे।

¹⁶ते आऊँ पिता कन्ने अर्ज करगा, ते ओ तुसेंगी एक ओर मददगार देग, के ओ मेशा थुआड़े कन्ने रौग।

¹⁷मतलब सच्च दा आत्मा, जिसी दुनिया कबूल नेई करी सकदी, किके ओ नां उसी दिखदी ऐ ते नां उसी जानदी ऐ; तोस उसी जांनदे ओ, किके ओ थुआड़े कन्ने रौंदा ऐ, ते ओ थुआड़े च ओग।”

¹⁸“आऊँ तुसेंगी अनाथ नेई छुड़गा, आऊँ थुआड़े कोल बापस औगा।

¹⁹ते थुड़ा चेर रेई गीया ऐ के दुनिया मिगी नेई दिखग, लेकन तोस मिगी दिखगे; एसकरी के आऊँ जिंदा ऐं, ते तोस बी जिंदे रौगे।

²⁰ओस देन तोस जानगे के आऊँ पिता च आं, ते पिता मेरे च, ते आऊँ थुआड़े च आं।

²¹जेदे कोल मेरे उक्म न ओ उनेंगी मनदा ऐ, उवै मेरे कन्ने प्यार करदे न; ते जेड़ा मेरे कन्ने प्यार करदा ऐ, ओस कन्ने मेरा पिता प्यार करग, ते आऊँ ओस कन्ने प्यार करगा, ते अपने आप गी ओस उपर परकट करगा।

²²यहूदा जेड़ा इस्करियोती नेई हा, उसी आखया, ए प्रभु, ऐसा के ओया के तू अपने आप गी साड़े उपर परकट करना चांना ऐं, ते दुनिया उपर नेई?”

²³यीशु ने उसी जबाब दिता, “जेकर कोई मेरे कन्ने प्यार करै तां ओ मेरे वचन दा पालन करग, ते मेरा पिता ओदे कन्ने प्यार करग, ते अस ओदे कोल औगे ते ओदे कन्ने वास करगे।

²⁴जेड़ा मेरे कन्ने प्यार नेई करदा, ओ मेरे वचन नेई मनदा; ते जेड़ा वचन तोस सुनदे ओ, ओ मेरे नेई लेकन मेरे पिता दा ऐ, जेस ने मिगी भेजया ऐ।

²⁵ए गल्लां मैं थुआड़े कन्ने रौंदै तुसेंगी बोलियां हां।

²⁶लेकन मददगार मतलब पवित्र आत्मा जिसी पिता मेरे नाम च भेजग, ओ तुसेंगी सारीयां गल्लां सखाग, ते जे केछ मैं तुसेंगी बोला ऐ, ओ सब तुसेंगी याद कराग।”

²⁷आऊँ तुसेंगी शान्ति देई जना ऐं, अपनी शान्ति तुसेंगी दिना ऐं; जियां दुनिया दिंदी ऐ, आऊँ उयां नेई दिंदा; थुआड़ा मन नेई कबरां ते नेई डरे।

²⁸तुसें सुनया, के मैं तुसेंगी बोलया हा, आऊँ जना, ते थुआड़े कोल पी औगा। जेकर तोस मेरे कन्ने प्यार करदे ओ, तां एस गल्ल थमां खोश ओदे, के आऊँ पिता कोल जा नां ऐं, किके पिता मेरे कोलां बड़ा ऐ।

²⁹ते मैं ऊन ए ओनें थमां पैलैं तुसेंगी आखी दिता ऐ, के जेलै ओ जाग, तां तोस बश्वास करो।

³⁰ऊन थमां आऊँ थुआड़े कन्ने ओर बड़ीयां गल्लां नेई करगा, किके एस दुनिया दा सरदार ओंदा ऐ। मेरे उपर ओदा कोई आक्क नेई,

³¹लेकन ए एसकरी ओंदा ऐ के दुनियें गी पता लगे के आऊँ पिता कन्ने प्यार करना ऐं, ते जियां मेरे पिता ने मिगी उक्म दिता ऐ आऊँ उयांगै करना ऐं। उठो, ईथुं दा चलचे।