Read Dogri यूहन्ना 16 Bible Online

यूहन्ना 16 - Dogri bible

यूहन्ना 16

¹ए गल्लां मैं थुआड़े कन्ने एस लेई कित्तियां, के तोस ठोकर नेई खायो।

²ओ तुसेंगी प्रार्थनाकार चा कढी ओड़गन, मतलब ओ बेला औना ऐ, के जेड़ा कोई तुसेंगी मारी ओड़ग, ओ ए समझग के आऊँ परमेसर दी सेवा करा नां ऐं।

³ते ओ ऐसा एस लेई करगन, के उनै न पिता गी जानया ऐ ते न मिगी जांनदे न।

⁴लेकन ए गल्लां मैं एस लेई थुआड़े कन्ने आखीयां, के जेलै उन्दा पूरा ओनें दा बेला औग तां तुसेंगी याद आई जा, के मैं तुसेंगी पैलैं गै आखी दिता हा, मैं शुरू च थुआड़े कन्ने ए गल्लां एस लेई नेई आखीयां किके आऊँ थुआड़े कन्ने हा।

⁵ऊन आऊँ अपने पेजने आले दे कोल जा नां ऐं; ते थुआड़े बिचा कोई मिगी नेई पुछदा, तू कुत्थें गी जा नां ऐ?

⁶लेकन मैं जेड़ीयां ए गल्लां थुआड़े कन्ने आखीयां न, एस लेई थुआड़ा मन दोख कन्ने परी गीया।

⁷पी बी आऊँ थुआड़े कन्ने सच्च आखना ऐं, के मेरा जाना थुआड़े लेई अच्छा ऐ, किके जेकर आऊँ नेई जां, तां ओ मददगार थुआड़े कोल नेई औग, लेकन अगर आऊँ जागा, तां उसी थुआड़े कोल पेजी देगा।

⁸ते ओ आईयै दुनिया गी पाप ते तार्मिकता ते न्याय दे बारै च ऐसास कराग।

⁹पाप दे बारै च एस लेई के ओ मेरे उपर बश्वास नेई करदे।

¹⁰ते तार्मिकता दे बारै च एस लेई के आऊँ पिता दे कोल जांना ऐं, ते तोस मिगी पी नेई दिखगे।

¹¹ते न्याय दे बारै च एस लेई के दुनिया दा राजा [5] दोषी मनया गीया ऐ।

¹²मैं थुआड़े कन्ने ओर बी बड़ीयां सारीयां गल्लां करनीयां न, लेकन तोस आले सुनी नेई सकदे।

¹³लेकन जेलै ओ, मतबल सच्च दा आत्मा औग, तां ओ तुसेंगी सच दा रस्ता दसग, किके ओ अपने थमां नेई बोलग, लेकन जे केछ सुनग, उवै बोलग, ते औने आलियां गल्लां तुसेंगी दसग।

¹⁴ओ मेरी मैमा करग, किके ओ मेरीयें ग्ल्लें बिचा लेईयै तुसेंगी दसग।

¹⁵जेड़ा केछ पिता दा ऐ ओ सब केछ मेरा ऐ; एसकरी मैं आखया, के ओ मेरीयें ग्ल्लें बिचा लेईयै तुसेंगी दसग।

¹⁶“थुड़े चेर तोस मिगी नेई दिखगे, ते पी थुड़े देर बाद तोस मिगी दिखगे।

¹⁷ओसलै ओदे केछ चेलें अप्पुं पिछें बोलया, ए के ऐ, जेड़ा ओ असेंगी आखदा ऐ, थुड़े चेर च तोस मिगी नेई दिखगे, पी थुड़े चेर बाद तोस मिगी दिखगे? ते ए एस लेई के आऊँ पिता दे कोल जा नां ऐं?”

¹⁸ओसलै ओनें आखया, ए, थुड़े चेर, जेड़ा ओ आखदा ऐ, ए के गल्ल ऐ? अस नेई जांनदे, के ओ के आखदा ऐ।

¹⁹यीशु ने ए समझीयै, के ओ मिगी पूछना चांदे न, उनेंगी आखया, “के तोस एस गल्ल दे बारै च अप्पुं पिछें पोछ-पड़ताल करा दे ओ, जेड़ा मैं आखया, थुड़े चेर च तोस मिगी नेई दिखगे, पी थुड़े चेर बाद तोस मिगी दिखगे?”

²⁰आऊँ तुसेंगी सच-सच आखना ऐं; के तोस रौगे ते वलाप करगे, लेकन दुनिया खुशी मनाग। तोस बसोस करगे, लेकन थुआड़ा बसोंस नन्द च बदली जाग।

²¹जियां बच्चे गी जन्म दिंदे बेलै जनानी गी दर्द ओंदी ऐ, किके ओदी दोख दी कड़ी आई पुज्दी ऐ, लेकन जेलै ओ बच्चे गी जन्म दे ओडदी ऐ, तां एस खुशी च के दुनिया च एक मनुक्ख पैदा ओया, ओस दोख दी कड़ी गी पी याद नेई करदी।

²²ते इयां गै तुसेंबी ऊन तां गम ऐ, लेकन आऊँ तुसेंगी फेर मिलगा ते थुआड़े मन नन्द कन्ने परी जागन; ते थुआड़ा नन्द कोई थुआड़े कोलां नेई खुस्सी लैग।

²³ओस देन तोस मेरे कोलां केछ नेई पूछगे; आऊँ तुसेंगी सच-सच आखना ऐं, जेकर तोस पिता कोलां केछ मंगगे, तां ओ मेरे नां च तुसेंगी देग।

²⁴ऊन तकर तुसें मेरे नां च केछ नेई मंगया; मंगो, तां थोग तां जे थुआड़ा नन्द पूरा ओई जा।

²⁵मैं ए गल्लां थुआड़े कन्ने मसालें च बोलियां न, लेकन ओ बेला आवा दा ऐ, के आऊँ पी थुआड़े कन्ने मसालें च नेई बोलगा, लेकन खोलियै तुसेंगी पिता दे बारै च दसगा।

²⁶ओस देन तोस मेरे नां च मंगगे, ते आऊँ तुसेंगी ए नेई आखगा, के आऊँ थुआड़े लेई पिता दे अगें अर्ज करगा,

²⁷किके पिता ततां अप्पुं गै थुआड़े कन्ने प्यार करदा ऐ, एस लेई के तुसें मेरे कन्ने प्यार कित्ता ऐ, ते एबी बश्वास कित्ता ऐ, के आऊँ पिता त्र्फुं आया ऐं।

²⁸आऊँ पिता त्र्फुं दुनिया च आया ऐं, ते आऊँ फेर दुनिया गी छुड़ीयै पिता दे कोल जा नां ऐं।

²⁹ओदे चेलें आखया, “देख, ऊन तां तू खुलीयै बोलना ऐं, ते कोई मसाल च नेई बोला दा।

³⁰ऊन अस जानी गै, के तू सब केछ जांन नां ऐ, ते एदी जरुरत नेई के कोई तुगी सुयाल पूछै। एस कोलां अस बश्वास करने आं के तू परमेसर त्र्फुं आएदा ऐं।

³¹ऐ सुनीयै यीशु ने उनेंगी आखया, के तोस ऊन बश्वास करदे ओ?

³²दिखो, ओ कड़ी आवा दी ऐ, मतबल आई पूजी दी ऐ के तोस सब तित्र-बितर ओईयै अपना-अपना रसता पकड़गे, ते मिगी कल्ला छूडी ओड़गे; पी बी आऊँ कल्ला नेई, किके पिता मेरे कन्ने ऐ।

³³मैं ए गल्लां थुआड़े कन्ने एस लेई आखीयां न, के तुसेंगी शान्ति मिलै; दुनिया च तुसेंगी कलेश ओंदा ऐ, लेकन इम्त रखो, मैं दुनिया गी जीती लेत्ता ऐ।”