Read Dogri यूहन्ना 19 Bible Online

यूहन्ना 19 - Dogri bible

यूहन्ना 19

²ते सिपाहियें यीशु गी कंडै दा मोकट बुनीऐ ओदे सिर उपर रखया, ते उसी पगमी कपड़े पुआए,

³ते ओदे कोल बार-बार आईयै बोलन लग्गे, “ए यहूदीयें दे राजा, नमस्ते।” ते ओदे मुं उपर थप्पड़ मारे।

⁴ओस बेलै पिलातुस ने पी बार निकलियै लोकें गी बोलया, “दिखो, आऊँ उसी बार थुआड़े कोल आनन लगया, तां जे तोस जानो के मिगी एदे च कोई दोष नेई लबा।”

⁵ओस बेलै यीशु कंडै दा मोकट ते पगमी कपड़े पाईयै बार आया ते पिलातुस ने उनेंगी आखया, “दिखो, ए मनुक्ख।

⁶जेलै प्रधान याजकें ते सपाईयें उसी दिखया, तां करलाईयै आखया, उसी सूली उपर चढ़ा, सूली उपर। पिलातुस ने उनेंगी आखया, तोस गै उसी लेई जाओ ते सूली उपर चढ़ाओ; किके आऊँ एदे च कोई दोष नेई दिखदा।

⁷यहूदीयें उसी जबाब दिता, साड़ा बी कनून ऐ ते ओस कनून दे मताबक ओ मारने दे काबल ऐ, किके ओनें अपने आप गी परमेसर दा पुत्तर बनाया ऐ।”

⁸जेलै पिलातुस ने ए गल्ल सुनी तां ओ ओर बी डरी गीया,

⁹ते ओ पी कीले दे अन्दर गीया यीशु गी आखया, “तू कुथुं दा ऐं?” लेकन यीशु ने उसी जबाब नेई दिता।

¹⁰एदे उपर पिलातुस ने उसी आखया, “मेरे कन्ने कि नेई बोलदा? के तू नेई जानदा के मिगी तुगी छोड़ी ओड़ने दा अख्त्यार ऐ ते तुगी सूली उपर चढ़ाने दा बी मिगी अख्त्यार ऐ?”

¹¹यीशु ने जबाब दिता, “जेकर तुगी उपरा अख्त्यार नेई दित्ता जंदा; तां तेरा मेरे उपर कोई अख्त्यार नेई ओंदा, एस लेई जेस ने मिगी तेरे अथ्थ पडकाया ऐ, ओदा पाप बड़ा जादै ऐ।”

¹²एदे उपर पिलातुस ने उसी छुड़ी ओड़ना चाया, लेकन यहूदीयें करलाई-करलाईयै आखया, “जेकर तू इसी छुड़ी ओड़गा, तां तू कैसर दा मित्र नेई। जेड़ा कोई अपने आप गी राजा बनांदा ऐ ओ कैसर दा आदर करदा ऐ।

¹³ए गल्लां सुनीयै पिलातुस यीशु गी बार लेई आया, ते ओस जगा एक थडा हा, इब्रानी च गब्बता, आख्या जंदा हा, ते ओ उत्थें न्याय दी गदी उपर बैठा।

¹⁴ए यहूदीयें दे फसह दी त्यारी दा दिन हा, ते लगपग दपैरी दे बारां बजे दा बेला हा। पी ओनें यहूदीयें गी आखया, दिखो, इयै गै, थुआड़ा राजा!

¹⁵लेकन ओ करलाए, लेई जा! लेई जा! इसी सूली उपर चढ़ा! पिलातुस ने उनेंगी आखया, के आऊँ थुआड़े राजा गी सूली उपर चाडां? प्रधान याजकें जबाब दिता, कैसर गी छुड़ीयै साड़ा कोई ओर राजा नेई।”

¹⁶पी पिलातुस ने यीशु गी सूली उपर चाड़नें लेई उन्दे अथ्थ च सौंपी दिता।

¹⁷ओसलै ओ यीशु गी लेई गै। ते ओ अपनी सूली चुकियै ओस जगै तकर बार गीया, जिसी खोपड़ी दी जगा आख्या जंदा ऐ ते इब्रानी च गुलगुता, आखदे न।

¹⁸उत्थें उनै उसी ते ओदे कन्ने ओर दो मानुऐं गी सूली उपर चढ़ाया, एक गी एस पासे ते दुए गी ओस पासे, ते बेच यीशु गी।

¹⁹पिलातुस ने एक दोष-कागज लिखीयै सूली उपर टंगी दिता, ते ओदे उपर ए लिखे दा हा, “यीशु नासरी, यहूदीयें दा राजा।”

²⁰ऐ दोष-कागज बड़े सारे यहूदीयें पढ़या, किके ओ जगा जिथें यीशु सूली उपर चढ़ाया गीया हा ओ शैर दे कोल ही; ते ओ दोष-कागज इब्रानी ते लतीनी ते यूनानी पाषा च लिखे दा हा।

²¹ओस बेलै यहूदीयें दे प्रधान याजकें पिलातुस गी आखया, “यहूदीयें दा राजा नेई लेख, लेकन ए के ओनें आखया, आऊँ यहूदीयें दा राजा ऐं।”

²²पिलातुस ने जबाब दिता, “मैं जे लिखी दिता, ओ लिखी दिता।”

²³जेलै सपाई यीशु गी सूली उपर चाडी चुके, पी उनै ओदे कपड़े तुआरीयै चार ऐसे कित्ते, अर सपाई लेई एक ऐसा ते कोरता बी लेत्ता, लेकन कोरता बगैर सीते दे उपर थमां थल्लै तकर बुने दा हा।

²⁴एस लेई उनै अप्पुं-पिछें आखया, “अस इसी नेई फाड़चै, लेकन एदे उपर चिट्ठी पाचै के ए कोदा ओग,” ए एस लेई के पवित्र शास्त्र दी गल्ल पूरी उवै, “उनै मेरे कपड़े अप्पुं-पिछें बंडी ले, ते मेरे चोगे उपर चिट्ठी पाई।”

²⁵खीरी च सपाईयें उयांगै कित्ता। लेकन यीशु दी सूली दे कोल ओसदी मा, ते ओसदी मा दी पैन, मरियम, क्लोपास दी करेआली ते मरियम मगदलीनी खडोती दी ही।

²⁶यीशु ने अपनी मा, ते चेलें गी जिसी ओ प्यार करदा हा कोल खडोते दे दिखियै अपनी मा गी आखया, “ए नारी, देख, ए तेरा पुत्तर ऐ।”

²⁷ओस बेलै ओनें ओस चेलें गी आखया, “देख ए तेरी मा ऐ।” ते उसै बेलै ओ चेला उसी अपने कर लेई गीया।

²⁸“एदे बाद यीशु ने ए जानयां के सब केछ पूरा ओई चुक्या ऐ, एस लेई के पवित्र शास्त्र दी गल्ल पूरी उवै आखया, आऊँ प्यासा ऐं।”

²⁹उत्थें सिरके दा परोचे दा एक बरतन हा, एसकरी उनै सिरके च डोबे दा स्पंज गी जुफे उपर रखियै ओदे मुं कन्ने लाया।

³⁰ते यीशु ने जेलै सिरका लिया, ते आखया, “पूरा ओया,” ते मुंडी थलै गी करियै प्राण छुड़ी ओड़े।

³¹ते एस लेई के ओ त्यारी दा देन हा, यहूदीयें पिलातुस अगें अर्ज कित्ती के ओदीयां लतां त्रोडियां जांन ते तुआरया जा, तां जे यहूदीयें दे बसां दे धयाडै ओ सूलीयें उपर नेई रौन, किके ओ सब्त दा देन बड़ा देन हा।

³²एस लेई सपाईयें आईयै पैले दियां लतां त्रोड़ीयां पी दुए दी बी, जेड़े ओदे कन्ने सूलीयें उपर चढ़ाए गेदे हे।

³³लेकन जेलै यीशु दे कोल आईयै दिखया के ओ मरी गेदा ऐ, तां ओदीयां लतां नेई त्रोड़ीयां।

³⁴लेकन एक सपाईयें चा एक ने भालै कन्ने ओदी दहे बेदी, ते ओदे चा फोरन खून ते पानी निकलया।

³⁵जेनें ए दिखया, ओनें गवाई दिती ऐ, ते ओदी गवाही सच्ची ऐ; ते ओ जानदा ऐ के ओस च गलांदा ऐ के तोस बी बश्वास करो।

³⁶ए गल्लां एस लेई ओईयां के पवित्र शास्त्र दियां ए गल्लां पूरीयां ओंन, “ओदी कोई अड्डी नेई त्रोडी जा।”

³⁷पी एक ओर जगै पवित्र शास्त्र च लिखे दा ऐ, “जिसी उनै बेधा ऐ, उसी दिखगन।”

³⁸इनें गल्लें दे बाद अरिमतिया दे युसूफ ने, जेड़ा यीशु दा चेला हा, (लेकन यहूदीयें दे डर कन्ने एस गल्ल गी शपाई रखदा हा), पिलातुस अगें अर्ज कित्ती के ओ यीशु दी लाश लेई जां, ते पिलातुस ने ओदी अर्ज सुनी, ते ओ आईयै लाश लेई गीया।

³⁹नीकुदेमुस बी, जेड़ा पैलैं यीशु दे कोल राती गीया हा, लगभग चाली किलो गन्धरस ते एलवा लेई आया।

⁴⁰ओस बेलै उनै यीशु दी लाश लेत्ती, ते यहूदीयें दे संसकार दी रीति दे मताबक उसी खशबूदार मसाले दे कन्ने कफ़न च लपेटया।

⁴¹ओस जगा जिथें यीशु सूली उपर चढ़ाया गीया हा, एक बाग हा, ते ओस बाग च एक नमी कब्र ही जिथें अजें तकर कोई रख्या नेई गेदा हा।

⁴²खीरी च यहूदीयें दी त्यारी दे देन दे कारन, उनै यीशु गी उसै कब्र च रखया, किके ओ कोल ही।