Read Dogri यूहन्ना 2 Bible Online

यूहन्ना 2 - Dogri bible

यूहन्ना 2

¹पी त्रिये धयाडै गलील जिले दे काना शैर च कुसे दा ब्याह् हा, ते यीशु दी मां बी उत्थें ही।

²यीशु ते ओदे चेलें बी ब्याह् सदे दे हे।

³जेसलै अंगुरें दा रस मुकी गीया, तां यीशु दी मां ने उसी आखया “उन्दे कोल अंगुरें दा रस नेई रेया।”

⁴यीशु ने ओदे कन्ने आखया “ए जनांनीयें मिगी तेरे कन्ने के कम? अजें मेरा बेला नेई आया।”

⁵ओसदी मां ने सेवकें गी आखया, “जे केछ बी ओ तुन्दे आखे, उवै करयो।”

⁶उत्थें यहूदीयें दी शोद्ध करने दी रीति दे मताबक पत्थरें दे छें; मड़के भरे दे हे, जिन्दे बेच दो-दो, तरै-तरै मन समांदा हा।

⁷यीशु ने उनेंगी आखया, “मड़कें च पानी परी दियो।” ओस बेलै उनै उनेंगी मुआं-मुं परी दित्ता।

⁸एस दे बाद ओसने उनेंगी आखया, “ऊन कढीयै रुट्टी दे प्रधान दे कोल लेई जाओ।” ते ओ लेई गै।

⁹जेसलै रुट्टी दे प्रधान ने ओ पानी चखया, जेड़ा अंगुरें दा रस बनी गेदा हा ते ओ नेई जांनदा हा के ओ कुत्थां दा आया ऐ (लेकन जिनैं सेवकें पानी कढे दा हा ओ जांनदे हे), ते रुट्टी दे प्रधान ने घरेआले गी सदियै आखया,

¹⁰“अर एक मनुक्ख पैलैं छैल अंगुरें दा रस दिंदा ऐ, ते जेसलै लोग पी-पाईयै मस्त ओई जंन्दे न, ओस बेलै आम रस्स दिंदा ऐ; लेकन तो छैल अंगुरें दा रस्स अयें तकर रखी दिते दा ए।”

¹¹यीशु ने गलील जिले दे काना शैर च ए पैला चेन्न दसियै अपनी मैमा परकट कित्ती ते ओदे चेलें ओदे उपर बश्वास कित्ता।

¹²एस दे बाद ओ ते ओसदी मां ते ओसदे प्रा ते ओदे चेलें कफरनहूम गी गै ते उत्थें केछ देन रे।

¹³यहूदीयें दे फसह दा त्यार कोल हा, ते यीशु यरूशलेम गी गीया।

¹⁴ओसने मंदर बेच डंगर, पिड्डें ते कबूतरें दे बेचने आलें गी ते पैसे बदलनें आलें गी बैठे दें दिखया।

¹⁵ओस बेलै ओसने रस्सियें दा छांटा बनाईयै, सारीयें पिड्डें ते डंगरें गी मंदर बिचा कढी दिता, ते पैसे बदलनें आलें दे पैसे खल्लारी दिते ते पिड्डें गी ओल्टा करी दिता,

¹⁶ते कबूतर दे बेचने आलें गी आखया “इनेंगी इत्थां लेई जाओ। मेरे पिता दे कर गी वपार दा कर नेई बनाओ।”

¹⁷ओस बेलै ओसदे चेलें गी चेता आया के लिखे दा ए के, “तेरे कर दा जोश मिगी खाई जाग।”

¹⁸एस गल्ल उपर यहूदीयें उसी आखया, “तू जेड़े चमत्कार करना ऐं तां असेंगी केड़ा चेन्न दसना ऐ?”

¹⁹यीशु ने उनेंगी जबाब दिता, “एस मन्दर गी टाई दियो, ते आऊँ इसी त्रैं धयाडें च बनाई देगा।”

²⁰यहूदीयें आखया, “एस मंदर गी बनने आसतै छआली बरें लगे दे न, ते तू के उसी त्रैं धयाडें च बनाई देगा?”

²¹लेकन ओसने अपने जेंद दे मन्दर दे बारै च आखे दा हा।

²²पी जेलै ओ मोड़दां बिचा जिन्दा ओया तां ओदे चेलें गी चेता आया के ओसने ए आखे दा हा, ते उनै पवित्र शास्त्र ते ओदे वचन दा जेड़ा यीशु ने आखे दा हा, विश्वास कित्ता।

²³जेसलै ओ यरूशलेम च फसह दे बेलै त्यार च हा, ओस बेलै मतें सारें उनै चमत्कारें गी जिन्नें गी ओ दसदा हा दिखियै ओसदे उपर विश्वास कित्ता।

²⁴लेकन यीशु ने अपने आप गी उन्दे परोसे च नेई छुडया, किके ओ सारें गी जानदा हा;

²⁵ते उसी जरुरत नेई ही के मनुक्ख दे बारै च कोई गुआई दियै किके बे ओ अप्पुं गै जानदा हा के मनुक्ख दे मन च के ऐ?