Read Dogri यूहन्ना 20 Bible Online

यूहन्ना 20 - Dogri bible

यूहन्ना 20

¹अफ्ते दे पैले देन मरियम मगदलीनी सबेरे न्हेरे-न्हेरे गै कब्र उपर आई, ते पत्थर कब्र थमां खिसके दा दिखया।

²ओस बेलै ओ दौड़ी ते शमौन पतरस ते ओस दुए चेलें दे कोल जिसी यीशु प्यार करदा दा हा आईयै आखया, “ओ प्रभु गी कब्र चा कढी यै लेई गै न; ते अस नेई जांनदियां के उनै उसी कुत्थें रखी ओडया ऐ।”

³ओसलै पतरस ते दुआ चेला निकलिऐ कब्र आली बखी गै।

⁴ते ओ दुए कन्ने-कन्ने दौडा दे हे, लेकन दुआ चेला पतरस कोलां पैलैं कब्र उपर पूजी गीया।

⁵ते ओनें चुकियै कफ़न पेदा दिखया: तां ओ अंदर नेई गीया।

⁶ओसलै शमौन पतरस ओदे पिछें-पिछें पूज्या, ते कब्र दे अंदर गीया ते कफ़न पेदा दिखया।

⁷ते ओ कपडा जेड़ा यीशु दे सिर च बन्ने दा हा, कफ़न दे कन्ने पेदा नेई हा, लेकन एक लग्ग जगा लपेटे दा दिखया।

⁸ते दुआ चेला बी, जेड़ा पैलैं कब्र उपर पूज्या हा, अंदर गीया; ते ओनें दिखया, ते बश्वास कित्ता।

⁹ओ तां अजें तकर पवित्र शास्त्र दी गल्लें गी नेई समझे दे हे के उसी मोए दां बिचा जिंदा ओना जरुरी ओग।

¹⁰ओस बेलै ओ चेलें अपने कर गी बापस चली गै।

¹¹लेकन मरियम रौंदी ओई कब्र दे बार खडोती दी रेई ते रोंदे-रोंदे कब्र आली बखी चुकियै;

¹²दों सोर्गदूत गी चिट्टे कपड़े पाएदे एक गी सरैदीं ते दुए गी परैदीं बैठे दे दिखया, जिथें यीशु दी लाश पेदी ही।

¹³उनै उसी आखया, “ए नारी, तू कि रुआ करनी ऐ?” ओनें उनेंगी आखया, “ओ मेरे प्रभु गी चुकियै लेई गै न, ते आऊँ नेई जानदी के उनै उसी कुत्थें रखे दा ऐ।”

¹⁴ए बोलियै ओ पिछें गी मुड़ी ते यीशु गी खडोते दे दिखया, ते नेई पंछानयां के ए यीशु ऐ।

¹⁵यीशु ने उसी आखया, “ए नारी तू कि रोआ करनी ऐ? कुसी तुपा दी ऐं? ओनें माली समझीयै उसी आखया, ए माराज, जेकर तो उसी ईथुं दा उसी चुकी लेया ऐ तां मिगी दस के ओ कुत्थें रखे दा ऐ, ते आऊँ उसी लेई जनीं ऐं।

¹⁶यीशु ने उसी आखया, मरियम! ओनें पिछें मुड़ीयै उसी इब्रानी पाषा च आखया, रब्बूनी! मतबल ए गुरु।

¹⁷यीशु ने उसी आखया, मिगी मत छू, किके आऊँ अजें तकर पिता दे कोल उपर नेई गीया, लेकन मेरे पराऐं दे कोल जाईयै उनेंगी गलाई दे, के आऊँ अपने प्यो, ते थुआड़े प्यो, ते अपने परमेसर ते थुआड़े परमेसर दे कोल उपर जा नां ऐं।”

¹⁸मरियम मगदलीनी ने जाईयै चेलें गी दसया, “मैं प्रभु गी दिखया, ते ओनें मेरे कन्ने ए गल्लां कित्तियां।”

¹⁹उसै देन जेड़ा अफ्ते दा पैला देन हा, शाम दे बेलै जेलै उत्थें दे दरबाजे जिथें चेलें हे, यहूदीयें दे डर दे मारे बन्द हे, ओस बेलै यीशु आया ते उन्दे बेच खडोईयै उनेंगी आखया, “तुसेंगी शान्ति मिलै।”

²⁰ते ए गल्ल गलाईयै ओनें अपने अथ्थ ते अपना पींजर उनेंगी दसया। ओस बेलै चेलें प्रभु गी दिखियै खोश ओए।

²¹यीशु ने पी उनेंगी आखया, “तुसेंगी शान्ति मिलै; जियां पिता ने मिगी पेजया ऐ, इयां गै आऊँ बी तुसेंगी पेजना ऐं।”

²²ए गल्ल बोलियै ओनें उन्दे उपर फूक मारी ते उनेंगी आखया, “पवित्र आत्मा लियो।

²³जिंदे पाप तोस माफ़ करो, ओ उन्दे आसतै माफ़ कित्ते गेदे न; जिंदे पाप तोस रखगे, ओ रखे जागन।”

²⁴लेकन बारें चेलें बिचा एक मानु मतबल थोमा जिसी दिदुमुस आख्या जंदा ऐं, जेलै यीशु आया तां ओ उन्दे कन्ने नेई हा।

²⁵जेलै बाकी चेलें उसी बोलन लग्गे, “असैं प्रभु गी दिखया ऐ, ओस बेलै ओनें उनेंगी आखया, जेलै तकर आऊँ ओदे अथ्थें च कीले दे सराख नेई दिखी ले, ते कीले दे सराखें च अपनी ओंगली नेई पाई ले, अतुं तकर मैं बश्वास नेई करना ऐ।”

²⁶अट्ठ दिनें थमां बाद ओदे चेलें पी कर दे अंदर हे, ते थोमा उन्दे कन्ने हा; ते दरबाजे बन्द हे, ओस बेलै यीशु उन्दे च आईयै ते उन्दे बेच खडोईयै आखया, “तुसेंगी शान्ति मिलै।”

²⁷ओसलै ओनें थोमा गी आखया, “अपनी ओंगली मेरे अथ्थें च पाईयै देख ते अपना अथ्थ अगें गी करियै मेरे पींजर च पा ते अवश्वासी नेई लेकन विश्वासी बन।”

²⁸ए सुनीयै थोमा ने जबाब दिता, “ए मेरे प्रभु, ए मेरे परमेसर!”

²⁹यीशु ने उसी आखया, “तू तां मिगी दिखियै बश्वास कित्ता ऐ? तन्न न ओ जिनैं बगैर दिखे दे बश्वास कित्ता।”

³⁰यीशु ने ओर बी बड़े सारे चमत्कार चेलें दे सामनें दसे, जेड़े एस कताब च लिखे नेई गेदे न;

³¹लेकन ए एस लेई लिखे गेदे न के तोस बश्वास करो, के यीशु गै परमेसर दा पुत्तर मसीह ऐ ते बश्वास करियै ओदे नां च जिंदड़ी थूऐ।