Read Dogri यूहन्ना 21 Bible Online

यूहन्ना 21 - Dogri bible

यूहन्ना 21

¹इनें गल्लें कोलां बाद यीशु ने अपने आप गी तिबिरियास चील दे कणढें चेलें उपर परकट कित्ता ते एस रीति कन्ने परकट कित्ता।

²शमौन पतरस, ते थोमा जिसी दिदुमुस आख्या जंदा ऐ, ते गलील जिले दे काना शैर दा नतनएल, ते जब्दी दा पुत्तर, ते यीशु दे चेलें बिचा दो ओर मानु किट्ठे हे।

³शमौन पतरस ने उनेंगी आखया, “आऊँ मछीयां पकड़न लेई जा करना ऐं।” उनै उसी आखया, “अस बी तेरे कन्ने चलनयां।” एसकरी ओ जाईयै किशती उपर चढ़ी गै, लेकन ओंस राती केछ बी नेई पकडया।

⁴सबेरा ओदे गै यीशु चील दे कंडै आई खडोता; पी बी चेलें नेई पंछानया के ए यीशु ऐ।

⁵ओस बेलै यीशु ने उनेंगी आखया, “ए बच्चयो, के थुआड़े कोल केछ मछीयां खाणे कित्ते ऐ न?” उनै जबाब दिता, “नेई।”

⁶ओनें उनेंगी आखया, “किशती दी सज्जी बखी जाल सुट्टो, तां थोगन।” ओस बेलै उनै जाल सुट्ट्या, ते ऊन मछीयां बड़ीयां जादै ओनें दे कारन उसी खिची नेई सके।

⁷एसकरी ओस चेलें ने जेदे कन्ने यीशु प्यार करदा हा, पतरस गी आखया, “ए तां प्रभु ऐ।” शमौन पतरस ने ए सुनीयै के प्रभु ऐ, लक्क च परना कसया, किके ओ नंगा हा, ते चील च शाल मारी ओड़ी।

⁸लेकन दूएं चेलें निकी किशती उपरा मछीयें कन्ने परे दा जाल खिचदे आए किके ओ कंडै थमां जादै दूर नेई, कोई लगपग दो सौ अथ्थ दूरी च हे।

⁹जेलै ओ कंडै उपर उतरे, तां उनै कोले दी अग्ग, ते ओदे उपर मछी ते रुट्टी रखी दी दिखी।

¹⁰यीशु ने उनेंगी आखया, “जेड़ीयां मछीयां तुसें ऊन पकड़ीयां न, उन्देचा केछ लियाओ”

¹¹शमौन पतरस निकी किशती उपर चढ़ीयै एक सौ तरुन्जा बड़ी मछीयें दा जाल गी कंडै उपर खिची आंदा, ते ईनीयां जादै मछीयां ओनें कन्ने बी जाल नेई फटया।

¹²यीशु ने उनेंगी आखया, “आओ, पोजन करो! चेलें बिचा कुसे गी ए पूछने दी इम्त नेई ओई के, तू कोन ऐं? किके ओ जांनदे हे के ओ प्रभु ऐ।

¹³यीशु आया, ते रुट्टी लेईयै उनेंगी दिती ते इयां गै मछी बी।

¹⁴ए त्री बार ऐ, जेलै यीशु मरें दे बिचा जिंदा ओनें कोलां बाद चेलें उपर परकट ओया।”

¹⁵पोजन करने कोलां बाद यीशु ने शमौन पतरस गी आखया, “ए शमौन, यूहत्रा दे पुत्तर, के तू इन्दे कोलां जादै मेरे कन्ने प्यार करना ऐ?” ओनें उसी आखया, “आं प्रभु; तू जानदा ऐं के आऊँ तेरे कन्ने प्यार करदा ऐं। ओनें उसी आखया, मेरे मेम्ने गी चार।”

¹⁶ओनें पी दुई बार उसी आखया, “ए शमौन, यूहत्रा दे पुत्तर, के तू मेरे कन्ने प्यार करना ऐ?” ओनें उसी आखया, “आं प्रभु; तू जानदा ऐं के आऊँ तेरे कन्ने प्यार करदा ऐं।” ओनें उसी आखया, “मेरीयें पिड्डें दी रख्या करे।”

¹⁷ओनें त्री बार उसी आखया, “ए शमौन, यूहत्रा दे पुत्तर, के तू मेरे कन्ने प्यार करना ऐ?” पतरस दूआस ओया, के ओनें उसी त्री बार इयां गै आखया, “के तू मेरे कन्ने प्यार करना ऐ?” ते ओनें आखया, “ए प्रभु, तू तां सब केछ जाननां ऐं; तू ए जाननां ऐ के आऊँ तेरे कन्ने प्यार करना ऐं।” यीशु ने उसी आखया, “मेरीयें पिड्डें गी चार।

¹⁸आऊँ तेरे कन्ने सच-सच आखना ऐं, जेलै तू जवान हा तां अपना लक्क बनियै जिथें चांदा हा उत्थें जंदा हा; लेकन जेलै तू बुड्डा ओगा तां अपने अथ्थ फलागा, ते दुवा तेरा लक्क बनग ते जिथें तू नेई चागा उत्थें तुगी लेई जाग।”

¹⁹ओनें इनें गल्लें दा शारा दिता के पतरस केड़ी मौत कन्ने परमेसर गी मैमा करग। ते ए बोलियै, उसी आखया, “मेरे पिछें आई जा।”

²⁰पतरस ने मुड़ीयै ओस चेलें गी पिछें औंदे दिखया, जेदे कन्ने यीशु प्यार करदा हा, ते जेस ने पोजन दे बेलै ओदी छाती आली बखी चुकियै पूछया, “ए प्रभु, तेरा पड़काने आला कोन ऐं?”

²¹उसी दिखियै पतरस ने यीशु गी आखया, “ए प्रभु, एदा के आल ओग?”

²²यीशु ने उसी आखया, “जेकर आऊँ चां के ओ मेरे दवारै औने तकर रुके दा रवै, तां तुगी एदे कन्ने के? तू मेरे पिछें आई जा?”

²³एस लेई पराऐं च ए गल्ल फैली गेई के ओ चेला नेई मरग, पी बी यीशु ने उसी ए नेई गलाया के ओ नेई मरग, लेकन ए के “जेकर आऊँ चां के ओ मेरे दवारै औने तकर रुके दा रवै, ते तुगी एदे कन्ने के?”

²⁴ए उवै चेला ऐ जेड़ा इनें गल्लें दी गवाई दिंदा ऐ, ते जेस ने इनें गल्लें गी लिखा ऐ, ते अस जांनदे न के ओदी गवाई सच्ची ऐ।

²⁵ओर बी बड़े सारे कम न, जेड़े यीशु ने कित्ते; जेकर ओ एक-एक करियै लिखे जान, तां आऊँ समझना ऐं के कताबां जेड़ीयां लिखीयां जंदियां हां ओ दुनिया च बी नेई समांदीयां।