Read Dogri यूहन्ना 3 Bible Online

यूहन्ना 3 - Dogri bible

यूहन्ना 3

¹फरीसियें च नीकुदेमुस नां दा एक मनुक्ख हा, जेड़ा यहूदीयें दा प्रधान हा।

²ओसने राती यीशु दे कोल आईयै उसी आखया, ए गुरु अस जांनयां के तू परमेसर थमां गुरु ओईयै आएदा ऐं, किके कोई इनें चमत्कारें दे चीन्ने गी जेड़े तू दसना ऐ, जे परमेसर ओसदे कन्ने नेई ऊऐ तां नेई दसी सकदा।

³यीशु ने उसी जबाब दिता, “आऊँ थुआड़े कन्ने सच-सच आखना ऐं जेकर कोई नमें सिरे जन्म नेई लै तां परमेसर दा राज नेई दिखी सकदा।”

⁴नीकुदेमुस ने उसी आखया, “मनुक्ख जेलै बुड्डा ओई गीया, तां कियां जन्म लेई सकदा ऐ? के ओ अपनी मां दे टेढ च दुई बार जाईयै जन्म लेई सकदा ऐ?”

⁵यीशु ने जबाब दित्ता, “आऊँ थुआड़े कन्ने सच-सच अखनां ऐ, जेसलै तकर कोई मनुक्ख पानी ते आत्मा कन्ने नेई जमै तां ओ परमेसर दे राज च नेई जाई सकदा।

⁶किके जेड़ा जेंद थमां जमया ऐ ओ जेंद ऐ; ते जेड़ा आत्मा थमां जमया ओ आत्मा ऐ।

⁷रांन नेई ओ के मैं थुआड़े कन्ने के आखया, तुगी नमें सिरे जन्म लेना जरुरी ऐ।

⁸अवा जिथें चांदी उत्थें चलदी ऐ ते तू ओसदी बाज गी सुनना ऐ, लेकन नेई जानदा के ओ कुत्थुआं ओंदी दी ते कुत्थें गी जंदी ऐ? जेड़ा कोई आत्मा थमां जमें दा ऐ ओ इयै जीया ऐ।”

⁹नीकुदेमुस ने उसी जबाब दिता, “ए गल्लां कियां ओई सकदीयां न?”

¹⁰ए सुनीयै यीशु ने उसी आखया, “तू इस्राएलियें दा गुरु ओईयै बी के इनें गल्लें गी नेई समझना?

¹¹आऊँ तेरे कन्ने सच-सच आखना ऐ के अस जेड़ा केश जाननयां, ऊऐ आखनयां, ते जिसी असैं दिखया ऐ, ओदी गुआई दिनयां, ते तोस साड़ी गुआई कबूल नेई करदे।

¹²जेलै मैं थुआड़े कन्ने तरती दियां गल्लां कित्तियां ते तोस विश्वास नेई करदे, ते जेकर आऊँ थुआड़े कन्ने सोर्ग दियां गल्लां आखां तां पी कियां विश्वास करगे?

¹³कोई बी सोर्ग गी नेई गीया, सेर्फ उवै जेड़ा सोर्गा चा उतरया, मतलब मनुक्ख दा पुत्तर जेड़ा सोर्ग च ऐ।

¹⁴ते जियां मूसा ने जंगल च सप्पे गी उपर चुकया, उयांगै जरुरी ऐ के मनुक्ख दे पुत्तर गी बी उपर चुकया जाग;

¹⁵तां के जेड़ा कोई ओसदे उपर विश्वास करग ओ मेशा दी जिंदड़ी पाग।”

¹⁶किके परमेसर ने दुनियां कन्ने इन्ना प्यार कित्ता के ओसने अपना इकै एक पुत्तर देई दिता, तां के जेड़ा कोई ओसदे उपर विश्वास करग ओ नाश नेई ओग, लेकन मेशा दी जिंदड़ी पाग।

¹⁷परमेसर ने अपने पुत्तर गी दुनियां च एस गल्लां नेई पेजया के दुनियां उपर सजा दा उक्म दे, लेकन एस गल्लां के दुनिया ओस थमां मुक्ति पाई सकै।

¹⁸जेड़ा ओस उपर विश्वास करदा ऐ, ओसदे उपर सजा दा उक्म नेई ओन्दा, लेकन जेड़ा ओसदे उपर विश्वास नेई करदा, ओ कसुरबार मनया जाग; एस आसतै के ओसने परमेसर दे इकै एक पुत्तर उपर विश्वास नेई कित्ता।

¹⁹ते सजा दा उक्म दा कारन ऐ के लो दुनियां च आई ऐ, ते मनुक्खें न्हेरे गी लो थमां मता प्यारा समझया, किके उंदे कम पैड़े हे।

²⁰किके जेड़ा कोई पैड़े कम्म करदा ऐ, ओ लो कन्ने बैर रखदा ऐ, ते लोई दे कोल नेई जंदा, ऐसा नेई ऊऐ के ओदे कम्में गी कसुरबार अखाया जा।

²¹लेकन जेड़ा सच्चाई उपर चलदा ऐ, ओ लो दे कोल ओंदा ऐ, तां के ओदे कम्म परकट ओन, के ओ परमेसर थमां कित्ते गेदे न।

²²एस दे बाद यीशु ते ओदे चेलें यहूदीया लाके च आए; ते ओ उत्थें उन्दे कन्ने रेईयै पवित्रशनांन देन लगया।

²³ते यूहन्ना बी शालेम दे कोल एनोन च पवित्रशनांन दिंदा हा, किके उत्थें मता पानी हा, ते लोग आईयै लैंदे हे।

²⁴यूहन्ना ओस बेलै तकर जेल खाणे च नेई सुट्टे दा हा।

²⁵उत्थें यूहन्ना दे चेलें दा कुसे यहूदी कन्ने शोद्ध ओनें दे बारै च गल्ल बात ओई।

²⁶ते उनै यूहन्ना दे कोल आईयै उसी आखया, “ए गुरु, जेड़ा अन्सान यरदन दे पार तेरे कन्ने हा, ते जेसदी तू गुआई दिती ऐ; देख्ख, ओ पवित्रशनांन दिंदा ऐ, ते सारे ओदे कोल आवा दे न।”

²⁷यूहन्ना ने जबाब दिता, “जेसलै तकर मनुक्ख गी सोर्ग चा नेई दिता जा, तां तकर उसी केछ नेई थोई सकदा।

²⁸तोस तां अप्पुं गै मेरे गवाह ओ के मैं आखया, आऊँ मसीह नेई, लेकन ओदे अगें पेजया गेदा ऐं।

²⁹जेसदी लाडी ऐ ऊऐ मराज ऐ; लेकन मराज दा दोस्त जेड़ा खड़ोते दा ओदी सुनदा ऐ, मराजे दी बाज कन्ने मता खोश ओंदा ऐ; ऊन मेरी ए खुशी पूरी ओई ऐ

³⁰जरुरी ऐ के ओ बदै ते आऊँ कटां।

³¹जेड़ा उपरा ओंदा ऐ ओ आदरमान आला ऐ ऐ; जेड़ा तरती थमां ओंदा ऐ ओ तरती दा ऐ, ते तरती दियां गै गल्लां करदा ऐ; जेड़ा सोर्ग थमां ओंदा ऐ, ओ सारें दे सारें कोलां बड़ा ऐ।

³²जे केछ ओसने दिखया ते सुनया ऐ, ओसदी गै गुआई दिंदा ऐ; ते कोई ओसदी गुआई कबूल नेई करदा।

³³जेस ने ओसदी गुआई कबूल करी लेती ओस उपर एस गल्ल उपर मोर देई दिती के परमेसर सच्चा ऐ।

³⁴किके जिसी परमेसर ने पेजा ऐ, ओ परमेसर दियां गल्लां आखदा ऐ; किके ओ आत्मा नापी-नापी नेई दिंदा

³⁵पिता पुत्तर कन्ने प्यार करदा ऐ, ते ओसने सारीयां चीजां ओसदे अथ्थ च देई दितीयां न।

³⁶जेड़ा पुत्तर उपर विश्वास करदा ऐ, मेशा दी जिंदड़ी ओसदी ऐ; लेकन जेड़ा पुत्तर दी नेई मनदा, ओ जिन्नें गी नेई दिखग, लेकन परमेसर दा गुस्सा ओदे उपर रौंदा ऐ।”