Read Dogri यूहन्ना 4 Bible Online

यूहन्ना 4 - Dogri bible

यूहन्ना 4

¹पी जेसलै प्रभु गी पता चलया के फरीसियें सुनया ऐ के यीशु यूहन्ना कोलां मते चेलें बनाए करदा ते उनेंगी पवित्रशनांन दे करदा ऐ

²यनिके यीशु अप्पुं नेई वरन ओसदे चेलें पवित्रशनांन दे करदे न,

³ओस बेलै ओ यहूदीया पर्देशे गी शुड़ीयै पी गलील जिले गी अपने चेलें कन्ने चली गीया,

⁴ते उसी सामरिया जिले थमां ओईयै जाना ये परमेसर दी इच्छा ही।

⁵एसकरी ओ सामरिया जिले दे सूखार नां दे एक शैर तकर आया, जेड़ा ओस जमीन दे कोल ऐ जिसी याकूब ने अपने पुत्तर युसूफ गी दिता हा;

⁶ते जेड़ा खू याकूब ने कड़ेया हा ओ अज्जे बी उत्थें ए। जियां गै यीशु रस्ते च थके दा ओस खू उपर बैठी गीया। ते ए गल्ल छेमे घण्टे दे लग-भग ओई।

⁷इनें च एक सामरी जनानी पानी परने आसतै आई। यीशु ने उसी आखया, “मिगी पानी पलया।”

⁸किके ओसदे चेलें शैर च रुट्टी मुल्लें लेने गी गेदे हे।

⁹ओस सामरी जनानी ने उसी आखया, “तू यहूदी ओईयै आऊँ सामरी जनांनी कोलां पानी कि मंगना ऐ?” किके यहूदी सामरियें कन्ने किसे किसम दा सलूक नेई रखदे

¹⁰यीशु ने जबाब दिता, “जेकर तू परमेसर दे वरदान जानदी, ते एबी जानदी के ओ कोन ऐ जेड़ा तेरे कन्ने आखदा ऐ, मिगी पानी पलया, तां तू ओस कोलां मंगदी, ते ओ तुगी जिन्नें दा पानी दिंदा।”

¹¹जनानी ने उसी आख्या “ए मालक तेरे कोल पानी परने लेई केछ एबी नेई, ते खू बी डुगा ऐ; ते पी ओ जिन्नें दा पानी तेरे कोल कुत्थुआं आया?

¹²के तू साड़े पूर्वज याकूब थमां बडा ऐं, जेस ने असेंगी ए खू दिता; ते अप्पुं गै अपना टबर, ते अपने डंगरें सनें एस खू बिचा पीता?”

¹³यीशु ने उसी जबाब दिता, “जेड़ा कोई ए पानी पीग ओ पी त्रै दा रौग,

¹⁴लेकन जेड़ा कोई ओस पानी बिचा पीग जेड़ा आऊँ उसी देगा, ओ पी मेशा तकर त्रै दा नेई रौग; वरन जेड़ा पानी आऊँ उसी देगा, ओ ओसदे बिच एक चश्मां बनी जाग जेड़ा मेशा दी जिंदड़ी आसतै उछलदा रौग।”

¹⁵जनानी ने उसी आखया, “ए प्रभु, ओ पानी मिगी दे तां जे मिगी त्रे नेई लगे ते नेई गै पानी परने गी इन्नी दूर अमां।”

¹⁶यीशु ने उसी आखया, “जा, अपने खसम गी इत्थैं सद्दी लिया।”

¹⁷जनानी ने जबाब दिता, “आऊँ बगैर खसमें आं।” यीशु ने उसी आखया, “तू ठीक आखा नी ऐं, के आऊँ बगैर खसमें आं।

¹⁸किके बे तू पंज खसम करी चुकी दी ऐं, ते जेस मर्द कोल तू ऊन ऐं ओ बी तेरा खसम नेईयैं। ए तो सच गै आखया ऐ।

¹⁹जनानी ने उसी आखया, ए प्रभु मिगी लगदा ए के तू कोई पविखवक्ता ऐं।

²⁰साड़े सामरी पूर्वजे इसै पाड़ उपर पजन-कीर्तन कित्ता, ते तू अखनां के ओ जगा जित्त्थें पजन-कीर्तन करना चाईदा यरूशलेम च ऐ।

²¹यीशु ने उसी आखया, ए नारी, मेरी गल्लें दा बश्वास कर के ओ बेला ओंदा ऐ के तोस सेर्फ एस पाड़ उपर पिता दा पजन करगे, नां गै यरूशलेम च।

²²तोस सामरी लोक जिसी नेई जांनदे, ओसदा पजन करदे ओ; ते अस युदी जिसी जाननयां ओसदा पजन करनयां; किके मुक्ति यहूदीयें बिचा ऐ।

²³लेकन ओ बेला ओंदा ऐ; बरना ऊन बी ऐ, जेस च सच्चे पक्त परमेसर दा पजन आत्मा ते सच्चाई कन्ने करगन, किके परमेसर अपने आसतै इयै जे पकतें गी तुपदा ऐ।

²⁴परमेसर आत्मा ऐ, ते एसकरी जरुरी ए के ओस पजन करने आले आत्मा ते सच्चाई कन्ने पजन करन।”

²⁵जनानी ने उसी आखया, “आऊँ समझनी ऐं के मसीह जेड़ा ख्रिस्त आखया जंदा ऐ, औने आला ऐ; जेसलै ओ औग, तां ओ असेंगी सारीयां गल्लां दसी देग।”

²⁶यीशु ने उसी आखया, “आऊँ जेड़ा तेरे कन्ने बोला नां, आऊँ उवै ऐं।”

²⁷“इनें च ओसदे चेलें आई गै, ते उनै अच्छा नेई समझया के ओ जनानी कन्ने गल्लां करा करदा ऐ; पी बी कुसे नेई पूछ्या, के तू के चांना ऐ? जां केस आसतै ओसदे कन्ने गल्लां करना ऐ?

²⁸ओस बेलै जनानी अपना घड़ा छुड़ीयै शैर च चली गेई, ते लोकें कन्ने अखनां लगी,

²⁹आओ, एक मनुक्ख गी दिख्खो, जेस ने सब केश जेड़ा मैं कित्ता मिगी सनाई दिता। कुदै इयै तां मसीह नेई ऐ?

³⁰पी लोक शैर बिचा निकलियै येशु दे कोल औना लगे।

³¹उसै बेलै चेलें यीशु कन्ने अर्ज करन लगे, ए गुरु केछ खाई लै।

³²लेकन ओसने उन्दे कन्ने आखया, मेरे कोल खाणे आसतै ऐसा पोजन ऐ जिसी तोस नेई जांनदे।”

³³पी चेलें अप्पुं बिचें आखया, “के कोई ओदे आसतै केछ खाणे गी आंदा ऐ?

³⁴यीशु ने उनेंगी आखया, मेरा पोजनं ए ऐ के अपने पेजने आले दी मरजी दे मताबक चलां ते ओसदा कम्म पूरा करां।

³⁵के तोस नेई आखदे, बाडी ओनें आसतै अयें बी चार मिनें पेदे न? दिख्खो, आऊँ तुसेंगी आखना ऐ अपनीयां अख्खीं चुकियै खेत्रें उपर नजर पाओ के ओ फसल बढने आसतै पक्की चुकी दी ऐ।

³⁶फसल दी बाडी करने आले गी मजदूरी मीलीदी ते, ओ मेशा दी जिंदड़ी आसतै फसल किट्ठा करदा ऐ, तां के राने आला ते बढने आला दुए जनें मिलीयै खुशी मनांन।

³⁷किके एदे उपर ए कावत ठीक बनदी ऐ; राने आला कोई ओर ऐ ते बाडी करने आला कोई ओर।

³⁸मैं तुसेंगी ओ खेत्र बढने लेई पेजया जेसदे बेच तुसें मेंनत नेई कित्ती; दुयें मेंनत कित्ती ते तोस उन्दी मेंनत दे फल च पागीदार ओए।”

³⁹“ओस शैर दे मते सारें सामरियें ओस जनानी दे आखने दे मताबक विश्वास कित्ता; जेस ने ए गुआई दिती ही; के येशु ने सब केछ जेड़ा मैं कित्ता ऐ, मिगी सनाई दिता।”

⁴⁰एसकरी जेलै ओ सामरी ओदे कोल आए, तां ओस कन्ने अर्ज करन लगे के साड़े इत्थैं रोह् ते ओ उत्थें दो देन रिया।

⁴¹ओसदे खबर दे कारन मते सारें लोकें विश्वास कित्ता।

⁴²ते ओस जनानी गी आखया, “ऊन असैं तेरे आखने कन्ने गै विश्वास नेई करदे; किके असैं अप्पुं गै सुनी लीता, ते समझनयां ऐं के सचमुच इयै दुनियां दा मुक्तिदाता ऐ।”

⁴³पी यीशु दों धयाडां हा बाद उत्त्थुं दा निकलियै गलील जिले गी चली गीया,

⁴⁴किके यीशु ने अप्पुं गै गवाई दिती ही के पविखवक्ता गी अपने लाके च आदर नेई मिलदा।

⁴⁵जेसलै ओ गलील जिले च आया, तां गलीली लोक खुशी कन्ने ओदे कन्ने मिले; किके जिन्नें कम्म ओनें यरूशलेम च त्यार दे बेलै कित्ते हे, उनै लोकें उनेंगी सबनी गी दिखे दा हा, किके ओ बी त्यार च आए दे हे।

⁴⁶जेसलै ओ पी गलील जिले दे काना शैर च आया, जित्त्थें ओनें पानी गी अंगुरें दा रस बनाया हा। उत्थें राजा दा एक कर्मचारी हा जेसदा पुत्तर कफरनहूम च बीमार हा।

⁴⁷ओ ए सुनया के यीशु यहूदीया बिचा गलील जिले च आई गेदा ऐ, ओसदे कोल गीया ते ओदे अगें अर्ज करना लगाया के चलीयै मेरे पुत्तर गी चंगा करी दे; किके ओ मरने पर हा।

⁴⁸यीशु ने ओदे कन्ने आखया, “जेसलै तकर तोस चेन्न ते चमत्कार कम्म नेई दिखगे ओस बेलै तकर कदें बी मिगी मसीह करियै बश्वास नेई करगे।”

⁴⁹राजे दे कर्मचारी ने उसी आखया, “ऐ प्रभु, मेरे बच्चे दी मौत ओनें थमां पैलैं चल।”

⁵⁰यीशु ने उसी आखया “जा, तेरा पुत्तर जिंदा ऐ। ओस मनुक्ख यीशु दी आखी दी गल्ल उपर बश्वास कित्ता ते चली गीया।

⁵¹ओ रस्ते गै हा के ओदे नौकर ओदे कन्ने आई मिले ते अखनां लगे, तेरा बच्चा जिंदा ऐ।

⁵²ओसने उनेंगी पूछ्या, केड़े पैर ओ चंगा ओंन लगया? उनै उसी आखया, कल सतमें घंटे च ओसदा बखार उतरी गीया।”

⁵³ओस बेलै पिता समझी गीया के ए उसै केन्टे ओया जेस कहड़ी यीशु ने उसी आखया, “तेरा पुत्तर जिंदा ऐ, ते ओस ते ओसदे पूरे टबरै बश्वास कित्ता।”

⁵⁴ऐ दुवा चमत्कार ते चेन हा जेड़ा यीशु ने यहूदीया पर्देशे थमां गलील जिले च आईयै दसया।