Read Dogri यूहन्ना 7 Bible Online

यूहन्ना 7 - Dogri bible

यूहन्ना 7

¹इनें गल्लां हा बाद यीशु गलील जिले च कुमदा फिरदा रिया। ओ यहूदीया लाके च नेई जाना चांदा हा, किके यहूदी अगबें उसी मारना चांदे हे।

²यहूदीयें दा चोंफड़ियें दा त्याहर कोल हा।

³एसकरी यीशु दे प्राऊ उसी आखया, ईथुं दा यहूदीया गी चली जा, तां जे जेड़े चमत्कार तू करना ऐं, तेरे चेलें बी दिखन।

⁴किके ऐसा नेई ओई सकदा जेड़ा मशूर ओना चांदा ते ओ छपीयै कम्म करै। अगर तू चमत्कार दे कम्म करना ऐ, तां अपने आप गी दुनियां उपर परकट कर।

⁵किके ओदे प्रा बी ओदे उपर विश्वास नेई करदे हे।

⁶एस करियै यीशु ने उनेंगी आखया, “अजें मेरा बेला नेई आया ऐ, पर थुआड़े लेई सारा बेला ऐ।

⁷दुनियां थुआड़े कन्ने नफरत नेई करदी, लेकन मेरे कन्ने नफ़रत करदी ऐ, किके आऊँ ओदे खलाफ ए गवाई दिना ऐं के दुनियां दे कम्म पैड़े न।

⁸तोस त्याहर बेच जाओ; मैं अयें एस त्याहर च नेई जाना, आली तकर मेरा बेला पूरा नेई ओया।

⁹ओ उन्दे कन्ने ए गल्लां करियै गलील जिले च गै रेई गीया।”

¹⁰लेकन जेलै ओदे प्रा त्याहर च चली गै, तां ओ अप्पुं बी परकट नेई, लेकन समझो गोप्त रूप च।

¹¹यहूदी त्याहर च तुपन लगे के यीशु कुत्थें ऐ?

¹²ते लोकें यीशु दे बारै च चोरी-चोरी बड़ीयां गल्लां ओईयां, केछ आखदे हे, ओ खरा मनुक्ख ऐ, ते कुछ आखदे नेई ओ लोकें गी बगांदा ऐ।

¹³तां बी कोई मनुक्ख यहूदीयें दे डर मारे यीशु दे बारै च खुलीयै नेई बोलदा हा।

¹⁴ते जेसलै त्याहर दे अधे ध्याडे बीती गै; तां यीशु मंदर च जाईयै लोकें गी सखान लगया।

¹⁵ओस बेलै यहूदी बड़े रांन ओईयै आखन लगे, एस मनुक्ख गी बगैर पढ़े दे ए विद्दया कुथुंआं दा आई?

¹⁶यीशु ने जबाब दिता, मेरा शिखया मेरी नेई, लेकन मेरे पेजने आले दी ऐ।

¹⁷जेकर कोई ओदी मरजी उपर चलना चा, तां ओ एस शिखया दे बारै जानी सकग के ओ परमेसर थमां ऐ, जां आऊँ अपनी त्र्फुं आखना ऐ।

¹⁸जेड़ा अपने थमां केछ आखदा ऐ, ओ अपने सिफत चांदा ऐ; लेकन जेड़ा अपने पेजने आले दी सिफत करदा ऐ, उवै सच्चा ऐ, ते ओदे च पाप नेई।

¹⁹के मूसा ने तुसेंगी कनून नेई दित्ता? तां बी थुआड़े चा कोई मूसा दे कनून उपर नेई चलदा। तोस कि मिगी मारना चांदे ओ?

²⁰लोकें जबाब दिता, तेरे च दोष्टआत्मा ऐ! कोन तुगी मरना चांदा ऐ?

²¹यीशु ने उनेंगी जबाब दिता, मैं एक चमत्कार कित्ता, ते तोस सारे मेरे उपर रांनगी करदे ओ।

²²एसकरी मूसा ने तुसेंगी खतना करने दा उक्म दिता ऐ, ए एस लेई नेई के खतने दा उक्म मूसा थमां ऐ, लेकन ए रीति बजुर्गें थमां चलदी आई ऐ ते तोस अपने बसां दे ध्याडे मनुक्ख दा खतना करदे ओ।

²³जेलै यहूदीयें दे बसां दे धयाड़ै मनुक्ख दा दा खतना कित्ता जंदा ऐ, तां के मूसा दे कनून दा उक्म टली नेई जा, ते तोस मेरे उपर कि एसकरी गुस्सा करदे ओ, के मैं थुआड़े बसां दे धयाड़ै एक मनुक्ख गी पूरी रीति कन्ने चंगा कित्ता ऐ।

²⁴मुं दिखियै न्याय नेई करो, लेकन ठीक ठीक न्याय करो।

²⁵ओसलै यरूशलेम दे केछ लोक आखन लगे, के ए उवै मानु नेई जिसी मारने दी कोष्ट कित्ती जा दी ऐ?

²⁶लेकन दिख्खो ए तां शरे-आम गल्लां करदा ऐ ते कोई उसी केछ नेई आखदा। के ए ओई सके दा के अगबें कि सेई-सेई पता चली गीया ऐ के इयै मसीह ऐ?

²⁷इसी तां अस जान दे आं के ए कुथुं दा ऐ, लेकन जदूं मसीह औग, तां कुसे गी बी पता नेई चलग के ओ कुथुंआं दा ऐ।

²⁸यीशु ने मंदर च शिखया देंदे आख्या, तोस मिगी जांनदे ओ, ते एबी जांनदे ओ के आऊँ कुथुंआं दा रौन आला ऐं। आऊँ आप सिम्बु नेई आया, लेकन मेरा पेजने आला सच्चा ऐ, उसी तोस नेई जांनदे।

²⁹आऊँ उसी जानदा ऐं, किके आऊँ ओदे त्र्फुं दा ऐं, ते ओनें गै मिगी पेजे दा ऐ।

³⁰एस गल्ल उपर उनै उसी पकड़ना चाया, तांबी कुसे ओदे उपर अथ्थ नेई पाया, किके ओसदा बेलै अजें तकर नेई आएदा हा।

³¹ते पीड़ बिचा बड़े लोकें यीशु उपर विश्वास कित्ता, ते बोलन लगे के मसीह जेलै औग, तां के एदे कोलां जादै चमत्कार दसग जेड़े एनें दसे ने?

³²फरीसियें पीड़ दे लोकें गी यीशु दे बारै च बलें-बलें गल्लां करदे सुनयां; ते प्रधान याजकें ते फरीसियें उसी पकड़ने बासतै सपाही पेजे।

³³एस उपर यीशु ने आख्या, आऊँ थुड़े चेर तकर ओर थुआड़े कन्ने आं, पी अपने पेजने आले दे कोल चली जाना ऐ।

³⁴तोस मिगी तुपगे, लेकन आऊँ नेई लबगा, ते जिथें आऊँ आं उत्थें तोस नेई आई सकदे।

³⁵एस गल्ल पर यहूदीयें अप्पुं-पिछें आखया, ए मानु कुत्थें गी जाग के ऐ असेंगी नेई लबग? के ए उनै यहूदीयें कोल जाग जेड़े यूनानियें च तितर बितर ओईयै रौंदे न, ते यूनानियें गी बी शिखया देग

³⁶ए केड़ी गल्ल ऐ जेड़ी ओनें आखी के, तोस मिगी तुपगे पर आऊँ नेई लबगा, ते जिथें आऊँ आं उत्थें तोस नेई आई सकदे?

³⁷पी त्याहर दे खीरी देन, जेड़ा बड़ा धयाड़ा ऐ, यीशु खड़ोता ते जोरियै बोलन लगया, जेड़ा कोई त्रया दा ऐ, तां मेरे कोल अवै ते पीऐ।

³⁸जेड़ा मेरे उपर विश्वास करदा ऐ, जियां पवित्र शास्त्र च लिखया ऐ, ओदे एर्दें चा जिंदु दे जल दी नदियां निकलगन।

³⁹ओसने ए वचन पवित्र आत्मा दे बारै च बोलया, जिसी ओदे उपर विश्वास करने आले आसल करने आले हे, किके यीशु अजां तकर अपनी गी नेई पूजे दा हा पवित्र आत्मा अतुं तकर नेई दिता गेदा हां। किके यीशु अजें तकर अपनी मैमा च नेई पूजे दा हा।

⁴⁰ओस बेलै पीड बिचा केछ-केछ लोकें ए गल्लां सुनीयै आखया, सचें गै इयै ओ पविखवक्ता ऐ।

⁴¹दुए बोलया, इयै मसीह ऐ। लेकन उन्देचा कुसे आख्या, के गल्ल? के मसीह गलील जिले चा औग?

⁴²के पवित्र शास्त्र च ए नेई लिखा के, मसीह दाऊद दे वंश थमां ते बैतलहम दे घरां चा औग, जिथें दाऊद रौंदा ऐ?

⁴³एस बजा कन्ने लोकें च फोट पेई गी।

⁴⁴उन्दे बिचा केछ उसी पकडना चांदे हे, लेकन कुसे बी ओदे उपर अथ्थ नेई पाया।

⁴⁵पी सपाही प्रधान याजकें ते फरीसियें दे कोल बापस आए, ते उनै उसी गलाया तुसें उसी कि नेई आंदा।

⁴⁶सपाहीयें ने जबाब दिता, कुसे मनुक्ख कदें बी ऐसीयां गल्लां नेई कित्तियां।

⁴⁷फरीसियें उनेंगी जबाब दिता, के तोस बी ओदे आखे लगी गै?

⁴⁸के कुमत करने आलें जां फरीसियें बिचा बी कुसे ओदे उपर विश्वास कित्ता ऐ।

⁴⁹लेकन ए लोक मूसा दे कनून नेई जांनदे, लानती न।

⁵⁰नीकुदेमुस जेड़ा पैलैं ओदे कोल आया हा ते उन्दे बिचा एक हा, उनेंगी आखया,

⁵¹के साड़ा कनून कुसे मनुक्ख गी, जेलै तकर पैलैं ओसदी सुनीयै जानी नेई लेचै, के ओ के करदा ऐ, उसी कसुरबार आखदे न?

⁵²उनै उसी जबाब दित्ता, के तू बी गलील जिले दा ऐं? तोप्प ते देख्ख, के गलील चा कोई पविखवक्ता परकट नेई ओनें आला।

⁵³एदे बाद सारे अपने कर चली गै।