Read Dogri यूहन्ना 8 Bible Online

यूहन्ना 8 - Dogri bible

यूहन्ना 8

¹यीशु ते ओदे चेलें जैतून पाड़ दे उपर गै।

²ते सबेरे ओ पी मंदर च आया; ते सारे लोक ओदे कोल आए ते ओ बैठीयै उनेंगी शिखया देंन लगया।

³ओस बेलै फरीसी ते शास्त्री एक जनानी गी जेड़ी ब्यभिचार करदे पकडी गेदी ही, ते उसी बेच आनीयै यीशु गी आखन लगे,

⁴ए गुरु यीशु, ए जनांनी ब्यभिचार करदे पकड़ी गेई ऐ।

⁵कनून च मूसा ने असेंगी उक्म दिता ऐ के ए जेई जनांनी गी पत्थर मारो; तू एस दे बारै च के आखना ऐं?

⁶उनै यीशु गी परखन आसतै ए गल्ल पूछी ही, तां जे ओस उपर दोष लाईयै केछ गल्ल लबै, लेकन यीशु चुकियै अपनी ओंगली कन्ने जमीन उपर लिखन लगया।

⁷जेलै उसी ओ पुछदे रे, तां यीशु सीधे खड़ोईयै आखन लगया, थुआड़े बिचा जेड़ा बिना पाप दे ऐ, ओ उसी पैला पत्थर मारे।

⁸यीशु पी चुकियै ओंगली कन्ने जमीन उपर लिखन लगया।

⁹लेकन उनै ए गल्ल सुनीयै, बड्डे कोलां लेईयै निके तकर, एक-एक करियै निकलियै, ते यीशु कल्ला रेई गीया ते जनांनी बी उन्दे बेच कल्ली रेई गेई।

¹⁰यीशु ने सीधे खड़ोईयै उसी आख्या ए नारी, ओ कुत्थें गी गै? के तुगी कुसे सजा दा उक्म नेई दिता?

¹¹ओनें आख्या, ए प्रभु, कुसे बी नेई। यीशु ने आख्या आऊँ बी तेरे उपर सजा दा उक्म नेई दिंदा; ते पी पाप नेई करया।

¹²ओस बेलै यीशु ने पी लोकें गी आखया, दुनियां दी लो आऊँ आं। जेड़ा कोई मेरे पिछें आई जाग, ओ नहेरे च नेई चलग, लेकन उसी जीनें दी लो थोग।

¹³फरीसियें उसी आखया, तू अपनी गवाई अप्पुं दिनां ऐं; तेरी गुआई ठीक नेई।

¹⁴यीशु ने उनेंगी जबाब दिता, जेकर आऊँ अपनी गवाई अप्पुं दिनां ऐं, तां बी मेरी गवाई ठीक ऐ, किके आऊँ जानना ऐं, के आऊँ कुथुंआं दा आएदा ऐं ते कुत्थें गी जाना ऐं? लेकन तोस लोक नेई जांनदे के आऊँ कुथुं दा आएदा हा ते कुदरे जा करदा ऐ।

¹⁵तोस लोक महू दिखियै न्याय करदे ओ, आऊँ कुसे दा न्याय नेई करदा।

¹⁶ते जेकर आऊँ न्याय बी करां, ते मेरा न्याय सच्चा ऐ; किके एदे च आऊँ कल्ला नेई, मतबल आऊँ पिता दे कन्ने ऐं, जेस ने मिगी पेजा ऐ।

¹⁷ते मूसा दे कनून च बी लिख्या ऐ; के दों जनें दी गवाई ठीक ओंदी ऐ।

¹⁸एक तां आऊँ अप्पुं अपनी गुआई दिनां ऐं, ते दुआ पिता जेड़ा मेरी गवाई दिंदा ऐ जेनें मिगी पेजे दा ऐ।

¹⁹उनै उसी पूछया, तेरा पिता कुत्थें ऐ? यीशु ने जबाब दिता, नां तोस मिगी जांनदे ओ नां मेरे पिता गी। जेकर तोस मिगी जांनदे, तां मेरे पिता गी बी जांनदे।

²⁰ए गल्लां यीशु ने मन्दर च शिखया दिंदे पंडार कर च बोलियां, ते कुसे उसी नेई पकड़या; किके ओदा बेलै अजें तकर नेई आएदा हा।

²¹ओनें पी उनेंगी बोलया, आऊँ जा करना ऐं, ते तोस मिगी टूंढगे; ते अपने पाप च मरगे; जिथें आऊँ जाना ऐं उत्थें तोस नेई आई सकदे।

²²एदे उपर यहूदीयें आखया, के ओ अपने आप गी मारी ओड़ग, जेड़ा ओ बोलदा ऐ, जिथें आऊँ जा नां ऐं उत्थें तोस नेई आई सकदे?

²³ओनें उनेंगी आखया, तोस तरती दे ओ, आऊँ उपर दा ऐं, तोस दुनिया दे ओ, आऊँ दुनिया दा नेई।

²⁴एसकरी मैं तुसेंगी आख्या के अपने पापें च मरगे; किके जेकर तोस विश्वास नेई करगे के आऊँ उवै आं, तां अपने पापें च मरगे।

²⁵उनै उसी बोलया, तू कोंन ऐं? यीशु ने उनेंगी बोलया, आऊँ उवै आं जेड़ा शुरू थमां तुसेंगी बोलदा आया आं।

²⁶थुआड़े बारै च मिगी बडा केछ बोलना, ते फैसला करना ऐ, लेकन मेरा पेजने आला सच्चा ऐ; ते जेड़ीयां गल्लां आऊँ ओदे कोलां सुनना ऐ, उवै दुनिया कन्ने आखना ऐं।

²⁷ओ नेई समझे के साड़े कन्ने पिता दे बारै च बोला दा ऐ।

²⁸ओस बेलै यीशु ने उनेंगी आखया, जेलै मनुक्ख दे पुत्तर गी उपर अम्बर चढ़ागे, तां समझी लैगे के आऊँ उवै ऐं, ते आऊँ अपने आप केछ नेई करदा, लेकन जियां मेरा पिता परमेसर मिगी सखाया ऐ, उयांगै ए गल्लां आखना ऐं।

²⁹ते मेरा पेजन आला मेरे कन्ने ऐ; ओनें मिगी कल्ला नेई छुडे दा ऐ, किके आऊँ मेशा उवै कम्म करना ऐं, जेदे उपर ओ खोश ओंदा ऐ।

³⁰ओ ए गल्लां आखादा गै हा, के बड़े सारें लोकें यीशु उपर विश्वास कित्ता।

³¹पी यीशु ने उनै यहूदीयें क्न्ने आखया जीनें ओदे उपर विश्वास कित्ता हा, आखया, अगर तोस मेरे वचन च बने रौगे, तां सचमुच मेरे चेलें आखे जागे।

³²ते सच्च गी जांनगे तां सच्च तुसेंगी अजाद करग।

³³उनै उसी जबाब दिता, अस तां अब्राहम दी औलाद आं, ते कदें कुसे दे दास नेई बने; पी तू कियां आखना ऐं, के तोस अजाद ओई जागे।

³⁴यीशु ने उनेंगी जबाब दिता, आऊँ तुसेंगी सच-सच आखना के जेड़ा कोई पाप करदा ऐ ओ पाप दा दास ऐ।

³⁵दास मेशा कर च नेई रौंदा लेकन पुत्तर मेशा रौंदा ऐ।

³⁶एसकरी जेकर पुत्तर तुसेंगी अजाद करग, ते तोस अजाद ओई जागे।

³⁷आऊँ जानना ऐं के तोस अब्राहम दी औलाद ओ; तां बी मेरे वचन आसतै थुआड़े एर्दें च जगा नेई, एसकरी मिगी मारना चांदे ओ।

³⁸आऊँ बी आखना ऐं, जे केछ अपने पिता उत्थें दिखना ऐ; ते तोस उवै करदे ओ जे केछ तुसें अपने पिता कोलां सुनां ऐ।

³⁹उनै उसी जबाब दिता, साड़ा पिता तां अब्राहम ऐ। यीशु ने उनेंगी आखया, जेकर तोस अब्राहम दी औलाद ओदे, तां तोस अब्राहम आला लेखा कम करदे।

⁴⁰लेकन ऊन तोस मेरे जिए मनुक्ख गी मारना चांदे ओ, जेनें तुसेंगी ओ सच्च दा वचन दसया, जेड़ा परमेसर कोलां ओनें सुनया, ए तां अब्राहम ने नेई कित्ता हा।

⁴¹तोस अपने पिता आला लेखा कम करदे ओ, “उनै उसी आखया, अस ब्यभिचार कन्ने नेई जम्मे, साड़ा पिता एक ऐ मतलब परमेसर।”

⁴²यीशु ने उनेंगी आखया, “जेकर परमेसर थुआड़ा पिता ओंदा हा, तां तोस मेरे कन्ने प्यार करदे, किके आऊँ परमेसर थमां आया, आऊँ अपनी मरजी कन्ने नेई आया, लेकन ओनें गै मिगी पेजया।

⁴³तोस मेरी गल्ल कि नेई समझदे? एसकरी के मेरा वचन सुनी नेई सकदे

⁴⁴तोस अपने पिता शतान थमां ओ, ते अपने पिता दी इच्छया गी पूरा करना चांदे ओ। ओ तां शुरू कोलां थमां अत्या करने आला ऐ, ते सचाई च टिकया नेई रिया, किके सच ओदे च ऐ गै नेई। जेलै ओ चुठ बोलदा, तां अपने स्वा थमां गै बोलदा ऐ; किके ओ चुट्ठा ऐ मतबल चुठ दा पिता ऐ।

⁴⁵लेकन आऊँ जेड़ा सच्च बोलना ऐं, इसकरी तोस मेरा बश्वास नेई करदे।

⁴⁶थुआड़े बिचा कोन मिगी पापी आखी सकदा ऐ? ते जेकर आऊँ सच्च बोलना ऐं, तां तोस मेरा विश्वास कि नेई करदे?

⁴⁷जेड़ा परमेसर थमां ओंदा ऐ, ओ परमेसर दी गल्ल सुनदा ऐ; ते तोस एसकरी नेई सुनदे के तोस परमेसर थमां नेई ऐंन।”

⁴⁸ए सुनीयै यहूदीयें उसी आखया, के अस ठीक नेई बोलदे, के तू सामरी ऐं ते तेरे बेच दोष्टआत्मा ऐ?

⁴⁹यीशु ने जबाब दिता, मेरे बिच दोष्टआत्मा नेई ऐ, लेकन आऊँ अपने पिता दा आदर करना ऐं, ते तोस मेरा बे आदर करदे ओ।

⁵⁰आऊँ अपनी सिफत नेई चांदा; लेकन एक ऐ जेड़ा चांदा ऐ, ते न्याय करदा ऐ।

⁵¹आऊँ तुसेंगी सच-सच आखना के अगर कोई मेरा वचन दा पालन करग तां ओ कदें नेई मरग

⁵²यहूदीयें उसी आखया, ऊन असेंगी पता चलीयै के तेरे बेच दोष्टआत्मा ऐ। अब्राहम मरी गीया, ते पविखवक्तें बी मरी गै; ते तू आखना ऐं, जेकर कोई मेरे वचन दा पालन करग तां ओ कदें मौत दा स्वाद नेई चखग,

⁵³साड़ा पिता अब्राहम तां मरी गीया, के तू ओसदे कोलां बड़ा ऐ? ते पविखवक्तें बी मर गै, तू अपने गी के आखना ऐ।

⁵⁴यीशु ने जबाब दिता, अगर आऊँ अपनी मैमा करा, तां मेरी मैमा कख्ख बी नेई; पी मेरी मैमा करने आला मेरा पिता ऐ, जिसी तोस अपना परमेसर आखदे ओ।

⁵⁵ते तुसें तां उसी नेई जानया, लेकन आऊँ उसी जाननां ऐं, ते जेकर आऊँ आखां के आऊँ उसी नेई जानदा, तां आऊँ थुआड़े अगें चुट्ठा ऐं; लेकन आऊँ उसी जाननां, ते ओसदे वचन उपर चलना ऐं।

⁵⁶थुआड़ा पिता अब्राहम मेरा देन दिखने दी आस बेच बड़ा खोश हा, ते ओनें दिख्या, ते खोश ओया।

⁵⁷यहूदीयें उसी आखया, अजां तू पंजें सालें बरें दा बी नेई ओया, तांबी तो अब्राहम गी दिखे दा ऐ?

⁵⁸यीशु ने उन्दे क्न्ने आखया, “आऊँ थुआड़े क्न्ने सच-सच अखनां ऐं, के एदा हा पैलैं के अब्राहम जमया, आऊँ हा।”

⁵⁹ओस बेलै उनै उसी मारने दे आसतै पत्थर चुके, लेकन यीशु छपीयै मंदर चा खेसकी गीया।