Read Dogri यूहन्ना 9 Bible Online

यूहन्ना 9 - Dogri bible

यूहन्ना 9

¹पी जन्दे बेलै यीशु ने चेलें एक मनुक्ख गी दिख्या, जेड़ा जन्म थमां अन्नां हां।

²ते ओदे चेलें उसी पूछया, “ए गुरु, कोस ने पाप कित्ता हा के ए अन्नां जमया, एस मनुक्ख ने जां एदे मा-प्यो ने?”

³यीशु ने जबाब दिता, “नां एस मनुक्ख ने पाप कित्ता, ते नां एदे मा-प्यो ने; पर ए एस लेई ओया के परमेसर दे कम एदे च परकट ओन।

⁴जेस ने मिगी पेजा ऐ, असैं ओदे कम देन च गै करना जरुरी ऐ, ओ रात औने आली ऐ, जेदे च कोई कम नेई करी सकदा।

⁵जेलै तकर आऊँ दुनिया च ऐं, ओलै तकर आऊँ दुनिया दी लो आं।

⁶ए गल्ल आखीयै ओनें जमीन उपर थुकया, ते ओस थूक कन्ने मिट्टी, ते ओ मिट्टी अन्नें दी अखीयाँ उपर लायी।”

⁷ते उसी आखया, “जा, शीलोह दे कोण्ड च तोई लै (शीलोह दा मतबल ऐ, पेजया गेदा)। ओनें जाईयै अखीयाँ तोतीयां, ते दिखदा बापस आया।

⁸ओसलै पड़ोसीयें, ते जिनैं उसी पैलैं पेख्ख मंगदे दिख्या हा, आखन लगे, के ओ उवै मनुक्ख नेई ऐ, जेड़ा बैठीयै पेख्ख मंगदा हा।”

⁹“केछ लोकें आखया, ए उवै गै, दुए बोलन लगे, नेई, लेकन ओदे आला लेखा ऐ। ओसने आखया, आऊँ उवै आं।

¹⁰ओस बेलै ओ उसी पूछन लगे, तेरीयां अखीयाँ कियां खुलीयां?

¹¹ओनें जबाब दिता, यीशु नां दे मनुक्ख ने मिट्टी मली, ते मेरी अखीयाँ उपर लाईयै मिगी आखया, शीलोह च जाईयै तोई लै; ते आऊँ गीया ते तोईयै दिखन लगया।

¹²उनै उसी पूछया, ओ कुत्थें ऐ? ओनें आखया, आऊँ नेई जानदा।”

¹³लोक उसी जेड़ा पैलैं अन्नां हां फरीसियें दे कोल लेई गै।

¹⁴जेस देन यीशु ने मिट्टी मलियै ओदीयां अखीयाँ खोलीयां हां, ओ यहूदीयें दा बसां दा धयाडा हा।

¹⁵पी फरीसियें बी उसी पूछया; के तेरीयां अखीयाँ कियां खुली गेईयां? ओसने उनेंगी आखया, “ओसने मेरीयें अखीयैं उपर मिट्टी लाई, पी मैं तोतीयां, ते ऊन आऊँ दिखा नां ऐं।”

¹⁶एस गल्ल उपर केई फरीसी आखन लगे, “ए मानु परमेसर थमां नेई ऐ, किके ओ बसां दे देन गी नेई मनदा।” दुए आखया, “पापी मानु कियां इयै जिये चेन्न दसी सकदा ऐ?” खीरी च उन्दे च फोट पेई गेई।

¹⁷उनै ओस अन्नें मनुक्ख गी पी आखया, “जेस ने तेरीयां अखीयाँ खोलीयां, तू ओदे बारै च के आखना ऐं?” ओनें आखया, “ओ नबी पविखवक्ता ऐ।”

¹⁸लेकन यहूदीयें गी विश्वास नेई ओया के ओ अन्नां हा ते ऊन दिखदा ऐ, जेलै तकर उनै ओदे मा-प्यो जेदीयां अखीयाँ खुलीयां हां, बुलाईयै।

¹⁹उनेंगी पूछया, “के ए थुआड़ा पुत्तर ऐ, जिसी तोस आखदे ओ के ए अन्नां जम्मयां हा? पी ऊन ए कियां दिखदा ऐ?”

²⁰ओदे मा-प्यो ने जबाब दिता, असेंगी पता ऐ के ए साड़ा पुत्तर ऐ, ते जन्म थमां अन्नां ऐ;

²¹लेकन अस ए नेई जांनदे आं के ऊन ए कियां दिखदा ऐ, ते न ए जांनदे आं, के कोने ओदीयां अखीयाँ खोलीयां; ओ समझदार ऐ; ते ओ अपने बारै च अप्पुं दसी ओडग।

²²ए गल्लां ओदे मा-प्यो ने एसकरी बोलियां हां किके ओ यहूदीयें दे अगबें कोलां डरदे हे; किके यहूदी पैलैं गै एक मन ओई चुके दे हे, के जेकर कोई आखे के ओ मसीह ऐ, तां प्रार्थनाकार चा कढया जाग।

²³इसै कारन एदे मा-प्यो ने आखया, “ओ समझदार ऐ; उसै कोलां पूछी लियो।”

²⁴पी उनै ओस मनुक्ख गी जेड़ा अन्नां हां, दुई बार सदियै आखया, “परमेसर दी स्तुति कर; अस तां जांनयां के ओ मानु पापी ऐ।”

²⁵ओनें जबाब दिता, “आऊँ नेई जांनदा के ओ पापी ऐ जां नेई; आऊँ एक गल्ल जांनना ऐ के आऊँ अन्नां हा ते ऊन दिखा नां ऐं।”

²⁶उनै उसी पी आखया, “ओनें तेरे कन्ने के कित्ता? ते कियां तेरीयां अखीयाँ खोलीयां?”

²⁷ओसने जबाब दिता, “आऊँ तां तुसेंगी पैलैं बोली चुक्या? ते तुसें नेई सुनयां, पी दुई बार सुनना चांदे ओ? के तोस बी ओदे चेलें बनना चांदे ओ?”

²⁸ओस बेलै उनै उसी बुरा-पला आखीयै बोले, “तू गै ओदा चेला ऐं; अस तां मूसा दे चेलें न,

²⁹अस जांनदे आं के परमेसर ने मूसा कन्ने ग्ल्लां कित्तियां; लेकन एस मनुक्ख गी नेई जांनदे के ए कुथुंआं दा ऐ।”

³⁰ओनें उनेंगी जबाब दिता, “ए तां रांनगी दी गल्ल ऐ के तोस नेई जांनदे के ओ कुथुंआं दा ऐ, तान बी ओनें मेरीयां अखीयाँ खोली ओड़ीयां।

³¹अस जांनयां के परमेसर पापियें दी नेई सुनदा, लेकन जेकर कोई परमेसर दा पक्त उवै, ते ओदी मरजी दे मताबक चलदा उवै, तां ओ ओदी सुनदा ऐ।

³²दुनिया दे शुरू थमां ए कदें सुनने च नेई आया के कुसे जन्म दे अन्नें दियां अखीयाँ खोलीयां ओन।

³³जेकर ए मानु परमेसर थमां नेई ओंदा, तां ओ केछ बी नेई करी सकदा।”

³⁴उनै उसी जबाब दिता, “तू तां पक्का पापें च जम्मयां ऐ, तू असेंगी के सखाना ऐं?” ते उनै उसी बार कढी ओड़या।

³⁵यीशु ने सुनया, के उनै उसी बार कढी ओड़या ऐ, ते उसी मिलयै ओनें आखया, “के तू मनुक्ख दे पुत्तर उपर विश्वास करना ऐ?”

³⁶ओनें जबाब दिता, “ए प्रभु, ओ कोन ऐ, के आऊँ ओदे उपर विश्वास करां?”

³⁷यीशु ने उसी आखया, “तो उसी दिख्या बी ऐ, ते ओ उवै ए जेड़ा तेरे कन्ने ग्ल्लां करा दा ऐ।”

³⁸ओनें आखया, “ए प्रभु, आऊँ तेरे उपर विश्वास करना। ते उसी मत्था टेकया।

³⁹ओस बेलै यीशु ने आखया, आऊँ एस दुनिया च न्याय लेई आया ऐं, तां जे जेड़े नेई दिख्दे ओ दिखन, ते जेड़े दिख्दे न ओ अन्नें ओई जान।

⁴⁰जेड़े फरीसी लोक ओदे कन्ने हे, उनै ए गल्लां सुनीयै उसी बोलया, के अस बी अन्नें ऐ?”

⁴¹यीशु ने उनेंगी आखया, “जेकर तोस अन्नें ओदे तां तुसेंगी कोई पापी नेई आखदा। लेकन ऊन तोस बोलदे ओ के अस दिखने न; एसकरी थुआड़ा पाप बना दा रौंदा ऐ।”