Read Dogri प्रेरितों के कम 1 Bible Online

प्रेरितों के कम 1 - Dogri bible

प्रेरितों के कम 1

¹ए थियुफिलुस, मैं पैली कताब उनै सारीयें गल्लें दे बारै च लिखी, जेड़ीयां यीशु शुरू थमां करदा ते सखांदा रिया[1]

²ओस देन तकर जेलै ओ उनै प्रेरितें गी जिनेंगी ओनें चुने दा हा, पवित्र आत्मा थमां उक्म देईयै सोर्ग च उपर चुकया नेई गीया,

³ते यीशु दे दोख पोगने कोलां बाद मते सारे पक्के सवुतें कन्ने अपने आप गी जिंदा दसया, ते चली देन तकर ओ उनेंगी लबदा रेया, ते परमेसर दे राज दियां गल्लां करदा रेया।

⁴ते चेलें कन्ने मिलीयै उनेंगी उक्म दित्ता, “यरूशलेम गी नेई छुड़ो, लेकन पिता दे ओस बायदे गी पूरा ओनें दा एन्तजार करदे रवो, जेसदी चर्चा तोस मेरे थमां सुनी चुके दे ओ।

⁵किके यूहन्ना ने तां पानी कन्ने पवित्रशनांन दित्ता ऐ, पर थुड़े दिने दे बाद तोस पवित्र आत्मा कन्ने पवित्रशनांन पागे।”

⁶एस आसतै उनै किट्ठे ओईयै ओस कन्ने पूछ्या, “ए प्रभु, के तोस इसै बेलै इस्राएल दे राज दी पी सतापना करगे ओ?”

⁷ओनें उंदे कन्ने आखया, “उनै बेले जां कालें गी जानना, जिनेंगी पिता ने अपने अख्त्यार बेच रखा ऐ, तुसेंगी जानने दी जरुरत नेई।

⁸लेकन जेसलै पवित्र आत्मा थुआड़े उपर औग ओस बेलै तोस शक्ति पागे; ते यरूशलेम ते सारे यहूदीया ते सामरिया लाकें च, ते तरती दे खीरी तकर लोकें च मेरे गवाह ओगे।”

⁹ए आखीयै ओ उंदे दिखदे-दिखदे सोर्ग च चुकी लेता गीया, ते बदलें उसी उंदी अखीयाँ थमां शपाई लेता।

¹⁰ते ओदे जंदे बेलै जेलै ओ सोर्ग आली बखी दिखा दे हे, ओसलै दिखो, दो मनुक्ख चिट्टे कपड़े उंदे कोल आई खड़ोते,

¹¹ते उंदे कन्ने आखन लगे, “ए गलील जिले दे मनुक्खो, तोस कि खड़ोते दे सोर्ग आली बखी दिखा दे ओ? इयै यीशु, जेड़ा थुआड़े थमां सोर्ग गी चुकया गीया ऐ, जेस चाली तुसें उसी सोर्ग गी जंदे दिखया ऐ उयांगै ओ पी औग।”

¹²ओस बेलै चेलें जैतून नां दी पाड़ी थमां जेड़ी यरूशलेम दे कोल एक यहूदीयें दे बसां दे देन दे बराबर दूर ऐ, यरूशलेम गी बापस आए।

¹³ते जेलै उत्थें पूजे तां ओस उपर आले कमरे च गै, जिथें पतरस, यूहन्ना, याकूब, अन्द्रियास, फिलिप्पुस, थोमा, बरतुल्मै, मत्ती, हलफई दा पुत्तर याकूब, शमौन जेलोतेस ते याकूब दा पुत्तर यहूदा रौंदे हे।

¹⁴ए सारीयां केई जनांनीयां ते यीशु दी मा मरियम ते यीशु दे प्राऐं कन्ने एक मन ओईयै प्रार्थना करदे रे।

¹⁵उनै दिनें च पतरस प्राऐं दे बेच जेड़े एक सौ बी वश्वासीयें दे लगपग किट्ठे हे, खडोईयै आखन लगया,

¹⁶“ए प्राओ, जरुरी हा के पवित्र शास्त्र दा ओ लेख पूरा उवै, जेड़ा पवित्र आत्मा ने दाऊद दे मुं चा यहूदा इस्करियोती दे बारै च, जेड़े यीशु गी पड़काने आलें दा अगुवा हा, पैलैं दा आखे दा हा।

¹⁷किके ओ तां साड़े च गिनया गीया, ते एस सेवा बेच बी शामल ओया।

¹⁸(ओसने अतर्म दी कमाई कन्ने एक खेत्र मुलैं लेता; ते सिरे दे बार कीरया ते ओदा आंदरां फट्टी गीया, ते सारीयां आदरा बार निकली गेईयां।

¹⁹ते एस गल्ल गी यरूशलेम दे सारे रौने आलें गी पता चली गीया, इत्थैं तकर के एस खेत्र दा नां उंदी पाषा च हकलदमा, मतलब खून दा खेत्र पेई गीया)।”

²⁰किके पजनें दी कताब च लिखे दा ऐ, ओसदा कर जुआड़ी दित्ता जा, ते ओस च कोई नेई बसे, ते ओसदी जगा कोई दुआ लेई लै।

²¹“एसकरी ते जिन्नें देन तकर प्रभु यीशु साड़े कन्ने औंदे जंदे रे, मतलब यूहन्ना दे पवित्रशनांन थमां लेईयै उसी साड़े थमां सोर्ग गी चुकी लेने तकर, जेड़े लोग बराबर साड़े कन्ने रे,

²²ठीक ऐ के उंदे बिचा एक मनुक्ख साड़े कन्ने ओदे जिंदा ओनें दा गवाह बनी जा।”

²³ओस बेलै उनै दों गी खड़ेरया, एक युसूफ गी, जिसी बरसब्बा आखया जंदा ऐ, जेसदा शोभ नां यूस्तुस ऐ, दुआ मत्तियाह गी।

²⁴ते ऐ आखीयै प्रार्थना कित्ती, “ए प्रभु, जेड़ा सबनी दे मन गी जानना ऐं, ए परकट कर के इंदे दोंनी चा तुसें कुसी चुने दा ऐ,

²⁵के एस सेवा ते प्रेरिताई दी खाली जगा परे, जिसी यहूदा इस्करियोती छुड़ीयै अपनी जगै गी चली गीया।”

²⁶ओस बेलै उनै उंदे बारै च परचियां पाईयां, ते चिट्ठी मत्तियाह दे नां उपर निकली। इसै आसतै ओ गयारें प्रेरितें (चेलें) द कन्ने गिना गीया।