Read Dogri प्रेरितों के कम 10 Bible Online

प्रेरितों के कम 10 - Dogri bible

प्रेरितों के कम 10

¹कैसरिया शैर च कुरनेलियुस नां दा एक मनुक्ख हा, जेड़ा इतालियानी नां दी पलटन दा सूबेदार हा।

²ओ भक्त हा, ते अपने सारे कराने समेत परमेसर थमां डरदा हा, ते यहूदी गरीब लोकें गी मता दान दिंदा, ते बराबर परमेसर अगें प्रार्थना करदा हा।

³ओसने देन ते त्रिये पैर दे कोल दर्शन च साफ़ दिखया के परमेसर दा एक सोर्गदूत ओदे कोल अन्दर आईयै आखया ऐ, “ए कुरनेलियुस!”

⁴ओसने उसी त्यान कन्ने दिखया ते डरियै आखया, “ए प्रभु, के ऐ?” ओसने उसी आखया, “तेरी प्रार्थना ते तेरे दान याद करने आसतै परमेसर दे सामने पूजे न;

⁵ते ऊन याफा शैर च मनुक्ख पेजीयै शमौन गी, जिसी पतरस आखया जंदा ऐ, बलाई लै।

⁶ओ शमौन, चमड़े दे तंदा करने आले दे इत्थैं मैमान ऐ, जेसदा कर समुंद्र दे कंडै ऐ।”

⁷जेसलै ओ सोर्गदूत जेस ने ओस कन्ने गल्लां कित्तियां हियां चली गीया, ते ओसने दो सेवक, ते ओर जेड़े ओदे कोल आजर रवा करदे हे उंदे बिचा एक भक्त सपाई गी बलाया,

⁸ते उनेंगी सारीयां गल्लां सनाईयै याफा शैर गी पतरस गी बलाने आसतै पेजया।

⁹दुए देन जेसलै ओ तरै मानु जेड़े कुरनेलियुस ने पेजे हे चलदे-चलदे शैर दे कोल पूजे, तां दो पैर दे कोल पतरस छत उपर प्रार्थना करने गी चढ़या।

¹⁰उसी पोख लगी ते केछ खाणा चांदा हा, लेकन जेसलै ओ पोजन त्यार करा दे हे तां ओ बेसोध ओई गीया;

¹¹ते ओसने दिखया, के अम्बर खुली गीया; ते एक बड़ी चादर, पांढे आला लेखा चौनी कोने थमां पकड़ीयै लटकी दी, तरती आली बखी उतरा करा दी ऐ।

¹²जेदे च तरती दे सारे किसम दे चार जञें आले ते पूञाँ चलने आले जेंतु ते अम्बर दे पैंछी हे।

¹³उसी एक ऐसी बाज सनाई दिती, “ए पतरस ओठ, मार ते खा।”

¹⁴लेकन पतरस ने आखया, “नेई प्रभु, कदें बी नेई; किके मैं कदें कोई अशोद्ध चीज नेई खादी ऐ।”

¹⁵पी दुई बार उसी उवै बाज सनाई दिती, “जे केछ परमेसर ने शोद्ध कित्ता ऐ, उसी तू अशोद्ध मत अख।”

¹⁶त्रै बारी इयां गै ओया; ओस बेलै फोरन ओ चादर अम्बर गी चुकी लेती गेई।

¹⁷जेसलै पतरस अपने मन च एस सोच बेच हा, के ए दर्शन जेड़ा मैं दिखया ऐ, ओदा मतलब के ओई सकदा ऐ, ओस बेलै, ओ मनुक्ख जिनेंगी कुरनेलियुस ने पेजा हा, शमौन दे कर दा पता करियै दरबाजे उपर आई खड़ोते,

¹⁸ते पुकारीयै पूछना लगे, “के शमौन जिसी पतरस आखया जंदा ऐ, इत्थैं गै मैमान ऐ?”

¹⁹पतरस जेड़े ओस दर्शन उपर सोचा गै करदा हा, के पवित्र आत्मा ने उसी आखया, “देख, त्रै मनुक्ख तुगी तुपा करदे न।

²⁰एस आसतै उठीयै थल्लै जा, ते बिना डर दे उंदे कन्ने चली जा; किके मैं गै उनै गी पेजया ऐ।”

²¹ओस बेलै पतरस ने उतरीयै उनै मनुक्खें गी आखया, “दिखो, जिसी तोस तुपा करदे ओ, ओ आंऊँ गै। थुआड़े औने दा के कारन ऐ?”

²²उनै आखया, “कुरनेलियुस सूबेदार जेड़ा तरमी ते परमेसर थमां डरने आला ते सारी यहूदी जाती च सुनाम मनुक्ख ऐ, ओसने एक पवित्र सोर्गदूत थमां ए उक्म पाया ऐ, के तुगी अपने कर बलाईयै तेरे थमां वचन सुनें।”

²³ओस बेलै ओसने उनेंगी अन्दर बलाईयै रौने दी जगा दिती। दुए देन ओ उंदे कन्ने गीया, ते याफा शैर दे विश्वासी प्राऐं बिचा केछ ओदे कन्ने ओई गै।

²⁴दुए देन ओ कैसरिया शैर पूजे, ते कुरनेलियुस अपने कुटम्बियें गी ते प्यारे मित्रें गी किटठा करियै उंदा एन्तजार करा दा हा।

²⁵जेसलै पतरस अन्दर आवा दा हा, तां कुरनेलियुस ने ओस कन्ने पेंट कित्ती, ते ओदे पैरें च किरीयै उसी मत्था टेकया;

²⁶लेकन पतरस ने उसी ठुआलीयै आखया, “खड़ोई जा, साड़ी अराधना नेई करयो आंऊँ बी तां मनुक्ख गै।”

²⁷ते ओदे कन्ने गल्ल बात करदा कर दे अन्दर गीया, ते मतें लोकें गी किटठा दिखियै

²⁸पतरस ने उंदे कन्ने आखया, “तोस यहूदी जांनदे ओ के दुई जातीयें दी संगति नेई करयो जां ओदे उत्थें जाना यहूदी आसतै अतर्म ऐ, लेकन परमेसर ने मिकी गलाया ऐ के कुसे बी मानु गी आशोद जां गन्दा नेई बोलां।

²⁹एस आसतै जेसलै आंऊँ बलाया गीया तां बगैर केछ आखे दे चली आया। ऊन आंऊँ पूछना ऐं के मिकी केस कम आसतै बुलाया गीया ऐ?”

³⁰कुरनेलियुस ने आखया, “इसै घड़ी, पूरे चार देन पैलैं, आऊँ अपने कर च त्रिये पैर प्रार्थना करा दा हा; ते दिखो, एक मरद चमकने आला कपड़ा लाए दे, मेरे सामने आई खड़ोता

³¹ते आखन लगया, ए कुरनेलियुस, तेरी प्रार्थना सुनी लेती गई ऐ ते तेरे दान परमेसर दे सामने याद कित्ते गै न।

³²इसै आसतै कुसे गी याफा शैर पेजीयै शमौन गी जिसी पतरस आखया जंदा ऐ, बला। ओ समुंद्र दे कंडै शमौन, चमड़े दा तंदा करने आले दे कर च मैमान ऐ।

³³ओस बेलै फोरन मैं तेरे कोल लोग पेजे, ते तो पला कित्ता जेड़ा आई गीया। ऊन अस सारे इत्थैं परमेसर दे सामने न, तां जे जे केछ परमेसर ने तेरे कन्ने गलाया ऐ उसी सुनचै।”

³⁴ओस बेलै पतरस ने आखया, “ऊन मिकी पक्का ओई गीया, के परमेसर कुसे दी बी तरफदारी नेई करदा,

³⁵बरना अर जाती च जेड़ा परमेसर थमां डरदा ऐ, ओ उसी अच्छा लगदा ऐ।

³⁶जेड़ा वचन ओसने इस्राएलियें दे कोल पेजया, जेसलै ओसने यीशु मसीह थमां (जेड़ा सबनी दा प्रभु ऐ) शान्ति दा शोभ समाचार सनाया,

³⁷ओ वचन तोस जांनदे ओ, जेड़ा यूहन्ना दे पवित्रशनांन दे प्रचार दे बाद गलील जिले थमां शुरू ओईयै सारे यहूदीया शैर फैली गीया;

³⁸परमेसर ने केस रीति कन्ने यीशु नासरी गी पवित्र आत्मा ते शक्ति कन्ने अभिषेक कित्ता; ओ पलाई करदा ते सारें गी जेड़े शतान दे सताए दे हे, चंगा करदा फिरया, किके परमेसर ओदे कन्ने हा।

³⁹ते अस सारे ओनें गल्लें दे गवाह न; जेड़ा ओसने यहूदीया दे देश ते यरूशलेम च बी कित्ते, ते उनै उसी काठ उपर लटकाईयै मारी दिता।

⁴⁰लेकन उसी परमेसर ने त्रिये देन जिंदा कित्ता, ते परकट बी करी दिता ऐ;

⁴¹सारें लोकें गी नेई मगर ओनें गवाऐं गी जिनैं गी परमेसर ने पैलैं दा चुनी लेता हा, मतलब साड़े उपर जिनैं ओदे मरें दे बिचा जिंदे ओनें थमां बाद ओस कन्ने खादा पीता;

⁴²ते ओसने असेंगी उक्म दिता के सारे लोकें च प्रचार करो ते गवाई दियो, के ए उवै यीशु ऐ जिसी परमेसर ने जिंदे ते मरें दा न्यायी रखया ऐ।

⁴³ओसदी सारे पविखवक्ता गवाई दिंदे न के जेड़ा कोई ओस उपर बश्वास करग, ओसगी ओदे नां थमां पापें दी माफी मिलग।”

⁴⁴पतरस ए गल्लां आखादा गै हा के पवित्र आत्मा वचन दे सब सुनने आलें उपर उतरी आया।

⁴⁵ते जिनैं खतना कित्ते दे यहूदी विश्वासी पतरस दे कन्ने आए दे हे, ओ सारे रांन ओए के दुई जातीयें उपर बी पवित्र आत्मा दा दान उंडेला गीया ऐ।

⁴⁶किके उनै उनेंगी पांति-पांति दी पाषा बोलदे ते परमेसर दी बड़ाई करदे सुनया। एस उपर पतरस ने आखया,

⁴⁷“के कोई पानी दी रोक करी सकदा ऐ के ए पवित्रशनांन नेई पांन, जिनैं साड़े आला लेखा पवित्र आत्मा परमेसर पाया ऐ?”

⁴⁸ते पतरस ने उक्म दिता के उनेंगी यीशु मसीह दे नां कन्ने पवित्रशनांन दिता जा। ओस बेलै उनै ओस कन्ने अर्ज कित्ती के केछ देन ओर उंदे कन्ने रवै।