Read Dogri प्रेरितों के कम 11 Bible Online

प्रेरितों के कम 11 - Dogri bible

प्रेरितों के कम 11

¹पी प्रेरितें ते विश्वासी प्राऐं जेड़े यहूदीया लाकें च हे सुनया, के दुई जातीयें बी परमेसर दा वचन मनी लेता ऐ।

²ते जेसलै पतरस यरूशलेम च आया, तां खतना कित्ते दे यहूदी विश्वासी लोग ओस कन्ने बैस करन लगे,

³“तो खतना नेई कित्ते दे गैर यहूदी लोकें दे उत्थें जाईयै उन्दे कन्ने रुट्टी खादी।”

⁴ओस बेलै पतरस ने उनेंगी शुरू थमां जेड़ीयां गल्लां कुरनेलियुस दे कर ओईयां हां खुलीयै सनाईयां

⁵“आंऊँ याफा शैर च प्रार्थना करा दा हा, ते बेसोध ओईयै एक दर्शन दिखया के एक पांढा, बड़ी चादर आला लेखा चौनी कुने थमां लटकाएदा दा, अम्बर थमां उतरीयै मेरे कोल आया।

⁶जेसलै मैं ओस उपर त्यान दित्ता, तां ओस च तरती दे उपर चाऊ जञें चलने आले ते वन पशु ते पूञाँ चलने आले जेंतु ते अम्बर दे पैंछी दिखे;

⁷ते ए बाज बी सुनी, ए पतरस ओठ, मार ते खा।

⁸मैं आखया, नेई प्रभु, नेई; किके कोई अशोद्ध जां गन्दी चीज मेरे मुंह च कदें बी नेई गेई।

⁹एदे जबाब च अम्बर बिचा दुई बार बाज आई, जे केछ परमेसर ने शोद्ध बनाया उसी गन्दा मत बोल।

¹⁰त्रै बार इयां गै ओआ; ओस बेलै सब केछ पी अम्बर उपर चुकी लेता गीया।”

¹¹ओस बेलै फोरन त्रै मनुक्ख जेड़े कैसरिया शैर चा कुरनेलियुस ने मेरे कोल पेजे हे, ओस कर उपर जेस च अस हे, आई खड़ोते।

¹²ओस बेलै पवित्र आत्मा ने मिकी उंदे कन्ने बिना डर दे जानें लेई आखया, ते ए छें प्रा बी मेरे कन्ने ओई गै; ते अस ओस मनुक्ख दे कर गै।

¹³ते ओसने असेंगी सनाया, के ओसने एक सोर्गदूत गी अपने कर च खड़ोते दे दिखया, जेस ने उसी आखया, याफा शैर च मनुक्ख पेजीयै शमौन गी जिसी पतरस आखया जंदा ऐ, बलाई लै।

¹⁴ओ थुआड़े कन्ने ऐसीयां गल्लां आखघ, जेदे थमां परमेसर तुगी ते तेरे सारे कराने गी बचाई लैग।

¹⁵जेसलै आंऊँ गल्लां करन लगया, तां पवित्र आत्मा उंदे उपर उसै रीति कन्ने उतरया जेस रीति कन्ने शुरू थमां पिन्तेकुस्त दे त्यार च साड़े उपर उतरया हा।

¹⁶ते यूहन्ना ने उनै सारें गी आखया, “आंऊँ तां तुसेंगी पानी कन्ने पवित्रशनांन दिना ऐं, लेकन ओ औने आला ऐ जेड़ा मेरे थमां शक्ति आला ऐ; आंऊँ तां एस काबल बी नेई के ओदीयें नुकें दे तसमें खोली सकां; ओ तां तुसेंगी पवित्र आत्मा दी अग्ग कन्ने पवित्रशनांन देग।

¹⁷एस आसतै परमेसर ने उनेंगी बी इयै दान दिता, जेड़ा असैं प्रभु यीशु मसीह उपर विश्वास करने थमां मिलया हा; ते आंऊँ कुन्न हा जेहड़ा परमेसर गी रोकी सकदा?”

¹⁸ए सुनीयै ओ यहूदी विश्वासी चुप रे, ते परमेसर दी बड़ाई करियै आखन लगे, “एसकरी ते परमेसर ने दुई जातीयें गी बी मेशा दी जिंदड़ी आसतै पापें कोलां मन फराने दा ते यीशु उपर विश्वास करने दा दान दिता ऐ।”

¹⁹जेड़े लोग ओस कलेश दे मारे जेड़ा स्तिफनुस दे कारन पिया हा, तितर-बितर ओई गै हे, ओ फिरदे-फिरदे फीनीके लाके ते साइप्रस टापू ते अन्ताकिया शैर च पूजे जेड़ा सीरिया लाकें च ऐ; लेकन यहूदीयें गी छुड़ीयै कुसे ओर गी यीशु दा वचन नेई सुनांदे हे।

²⁰लेकन उन्दे बिचा केछ विश्वासी साइप्रस वासी ते कुरेने वासी हे, जेड़े अन्ताकिया शैर च आईयै यूनानियें गी बी प्रभु यीशु दे शोभ समाचार दियां गल्लां सुनाना लगे।

²¹ते प्रभु दी शक्ति उन्दे उपर ही, ते मते सारे गैर यहूदी लोक विश्वास करियै प्रभु यीशु आली बखी फिरे।

²²जेसलै उन्दी चर्चा यरूशलेम दी कलीसिया बेच सुनने च आई, ते उनै बरनबास गी अन्ताकिया शैर पेजया।

²³ओ उत्थें पूजियै ते परमेसर दी क्रपा गी दिखियै खोश ओया, ते सबनीं गी ए शिखया दिती के तन मन लाईयै प्रभु कन्ने लिपटे रवो।

²⁴ओ एक पला मनुक्ख हा, ते पवित्र आत्मा ते विश्वास कन्ने परपुर हा; ते बाकी मते लोक प्रभु च आई मिले।

²⁵ओस बेलै बरनाबास शाऊल गी तुपने आसतै तरसुस शैर गी चली गीया।

²⁶जेसलै बरनाबास, शाऊल कन्ने मिलया ते उसी अन्ताकिया लेई आया; ते ऐसा ओया के ओ एक साल तकर कलीसिया दे कन्ने मिलदे ते मतें लोकें गी यीशु मसीह दे बारै च उपदेश दिंदे रे; ते चेलें सबनी थमां पैलैं अन्ताकिया शैर च गै मसीह आखे गै।

²⁷उनै देनें च गै केई विश्वासी जेड़े पविखवक्ता यरूशलेम बिचा अन्ताकिया च आए।

²⁸उन्दे बिचा अगबुस नां दे एक पविखवक्ता ने खड़ोईयै पवित्र आत्मा दी प्रेरणा च ए गलाया के सारी दुनिया च बड़ा काल पौग-ओ काल क्लौदियुस बादशाह दे बेलै च िपया।

²⁹ओस बेलै चेलें फैसला कित्ता के अर एक अपनी-अपनी थबीक दे मताबक यहूदीया लाके च रौने आले प्रांऐं दी मदद आसतै केछ पेजने दा फैसला कित्ता।

³⁰ते उनै ऐसा गै कित्ता; ते बरनबास ते शाऊल दे अथ्थें अगबें दे कोल केछ पैसे पेजी दिते।