Read Dogri प्रेरितों के कम 12 Bible Online

प्रेरितों के कम 12 - Dogri bible

प्रेरितों के कम 12

¹ओस बेलै हेरोदेस राजा ने कलीसिया दे केछ मनुक्खें गी सताने आसतै उनेंगी कैदी बनाई दित्ता।

²ओसने प्रेरित यूहन्ना दे प्रा याकूब गी तलवार कन्ने मराई दित्ता।

³जेसलै ओसने दिखया, के यहूदी लोग एस कन्ने खोश ओदे न, तां ओसने पतरस गी बी पकड़ी लेता। ओ देन खमीर रुट्टी देन हे।

⁴ते हेरोदेस ने पतरस गी पकड़ीयै जेले च सुट्टया, ते ओसदी राखी आसतै, चार-चार सपाईयें दे चार पैरें च रखया, एस वचार कन्ने के फसह दे त्यार दे बाद उसी लोकें दे सामने अनें।

⁵जेलै च पतरस दी राखी उआ करदी ही; लेकन कलीसिया ओदे आसतै एक मन ओईयै परमेसर दे अगें प्रार्थना करा करदी ही।

⁶जेसलै हेरोदेस राजा उसी लोकें दे सामने दोष लाने आला हा, तां उसै राती पतरस दो संगलें कन्ने बन्ने दा, दो सपाईयें बेच सवा करदा हा; ते चौकीदार दरबाजे उपर जेले दी रखया करा दे हे।

⁷ते दिखो चानक, प्रभु दा एक सोर्गदूत पतरस दे कोल आई खड़ोता, ते ओस कोठरी च लो चमकी, ते ओसने पतरस दी पसली उपर अथ्थ मारीयै उसी जगाया, ते आखया, “जल्दी उठ। ते ओदे अथ्थें चा संगलां खुलीयै किरी गेईयां।”

⁸ओस बेलै सोर्गदूत ने उसी आखया, “लक बन्न, ते अपनीयां नुकां लाई लै।” ओसने उयांगै कित्ता, पी सोर्गदूत ने उसी आखया, “अपने कपड़े लाईयै मेरे पिछें ओई जा।”

⁹ओ निकलियै ओदे पिछें ओई गीया; लेकन ए नेई जानदा हा के जे केछ सोर्गदूत करा दा ऐ, ओ सच्च गै, बरना ए समझया के आंऊँ दर्शन दिखा करना ऐं।

¹⁰ओस बेलै ओ पैले ते दुए पैरे थमां निकलियै ओस लोहे दे दरबाजे उपर पूजे, जेड़ा शैर आली बखी ऐ। ओ उन्दे लेई अप्पुं गै खुली गीया, ते ओ निकलियै एक गै गली च ओईयै गै, ते फोरन गै सोर्गदूत उसी छुड़ीयै चली गीया।

¹¹ओस बेलै पतरस ने ओश च आईयै आखया, “ऊन मैं समझी लेता के प्रभु ने अपना सोर्गदूत पेजीयै मिकी हेरोदेस राजा दे अथ्थें बिचा छुड़ाई लेता, ते यहूदी अगबें दी सारी आस त्रोड़ी दिती।”

¹²ते ए सोचीयै, के परमेसर ने मिकी छुड़काई दित्ता ऐ, ओ यूहन्ना दी मां मरियम दे कर आया, जिसी मरकुस आखया जन्दा ऐ। उत्थें बड़े विश्वासी लोक किट्ठे ओईयै प्रार्थना करा दे हे।

¹³जेसलै पतरस ने दरबाजे दी खेड़की ठोरी, तां रुद्दे नां दी एक दासी दिखन आई।

¹⁴ते पतरस दी बाज पनछानियै ओसने खुशी दे मारे दरबाजा नेई खोलया, लेकन दौड़ीयै कोल गेई, ते सनाया के पतरस दरबाजे उपर खड़ोते दा ऐ।

¹⁵उनै उसी आखया, “तू पागल ऐं।” लेकन ओ दलेरी कन्ने बोली के इयां गै ऐ। ओस बेलै उनै आखया, “ओसदा सोर्गदूत ओंना।”

¹⁶लेकन पतरस पेहत ठोरदा गै रिया; आखरकार उनै खेड़की खोली, ते उसी दिखियै रांन रेई गै।

¹⁷ओस बेलै ओसने उनेंगी गी अथ्थ कन्ने शारा कित्ता के चोप्प रो; ते उनेंगी सनाया के प्रभु केस रीति कन्ने उसी जेले बिचा कढी लेई आया ऐ। पी आखया, “याकूब ते प्राऐं गी ए गल्ल सनाई दियो।” ओस बेलै ओ निकलियै दुई जगा चली गीया।

¹⁸बड़ा बेला ओदे गै सपाईयें च जेड़े थाने च पतरस दी राखी करा दे हे मती अल चल मची गेई के पतरस दा के ओया।

¹⁹जेसलै हेरोदेस राजा ने ओसदी खोज करने आसतै उक्म दित्ता ते ओ नेई मिलया, तां चौकीदारें गी पूछया के पतरस कुत्थें गी गीया, पी ओनें उक्म दिता के ओ मारी दिते जांन; ते पतरस यहूदीया लाके गी छुड़ीयै कैसरिया शैर च जाईयै रौन लगया।

²⁰हेरोदेस राजा सूर ते सैदा शैर दे लोकें थमां मता क्रोधी हा। ओस बेलै ओ एक मन ओईयै ओदे कोल आए, ते बलास्तुस गी जेड़ा राजा दा एक बड़ा अफसर हा, मनाईयै मेल करना चाया; किके राजा दे देश चा उन्दे देश दा पालन पोषण ओंदा हा।

²¹चुनें दे दिनें च हेरोदेस राजा राजवस्त्र पाईयै सिंहासन उपर बैठा, ते उनेंगी पाशन देन लगया।

²²ओस बेलै लोग पुकारी उठे, “ए तां मनुक्ख दी नेई परमेसर दी बाज ऐ।”

²³उसै कड़ी प्रभु दे एक सोर्गदूत ने फोरन ओदे उपर वार कित्ता, किके ओस परमेसर गी मैमा नेई दिती; ते उसी कीड़े पे ते मरी गीया।

²⁴लेकन परमेसर दा वचन बददा गीया ते विश्वासी लोक फैलदे गे।

²⁵जेसलै बरनबास ते शाऊल अपनी सेवा पूरी करी चुके तां यूहन्ना गी जिसी मरकुस आखया जन्दा ऐ, यरूशलेम चां अन्ताकिया बापस आए।