Read Dogri प्रेरितों के कम 13 Bible Online

प्रेरितों के कम 13 - Dogri bible

प्रेरितों के कम 13

¹अन्ताकिया शैर दी कलीसिया च केई पविखवक्ता ते शिखया देने आले हे; जियां; बरनबास ते शमौन जिसी नीगर यनी काला मानु आखया जन्दा ऐ; ते लूकियुस कुरेनी, ते चौथाई देश दा राजा हेरोदेस राजा दा दोध प्रा मनाहेम, ते शाऊल।

²जेस बेलै ओ उपवास कन्ने प्रभु दी पगती करा करदे हे, तां पवित्र आत्मा ने उन्दे क्न्ने आखया, “मेरे आसतै बरनबास ते शाऊल गी ओस सेवा आसतै लग्ग करो जेस आसतै मैं उनेंगी बलाए दा ऐ।”

³ओस बेलै उनै उपवास ते प्रार्थना करियै ते उन्दे सेर उपर अथ्थ रखियै उनेंगी परमेसर दी सेवा आसतै विदा कित्ता।

⁴एस आसतै शाऊल ते बरनाबास पवित्र आत्मा दे पेजे गेदे सिलूकिया बंदरगाह गी गै; ते उत्त्थुआं दा समुन्दरी जाज उपर चढ़ीयै साइप्रस टापू गी चली गे;

⁵ते सलमीस च पूजियै, परमेसर दा वचन यहूदीयें दे प्रार्थनाकार च सनाया। ते यूहन्ना उन्दे कन्ने उन्दी सेवा करदा हा।

⁶ते ओस सारे टापू ग्रां-ग्रां च ओदे ओई पाफुस शैर तकर पूजे। उत्थें उनेंगी बार-यीशु नां दा एक यहूदी जादू टोना ते झूठा पविखवक्ता मिलया।

⁷ओ राजपाल सिरगियुस पौलुस दे कन्ने हा, जेड़ा बुद्धिमान मनुक्ख हा। ओसने बरनबास ते शाऊल गी अपने कोल बलाईयै परमेसर दा वचन सुनना चाया।

⁸लेकन एलीमास जादूगर ने, किके इयै ओदे नां दा मतलब ऐ, उन्दा वरोध करियै राजपाल गी यीशु उपर विश्वास करने थमां रोकना चाया।

⁹ओस बेलै शाऊल ने जेसदा नां पौलुस बी ऐ, पवित्र आत्मा कन्ने परपुर ओईयै ओस एलीमास जादूगर दी बखी खडोईयै दिखियै आखया,

¹⁰“ए सारे कपट ते छल कन्ने परोए दे शतान दी औलाद, सच्चे तर्म दे बैरी, के तू प्रभु दे सीधे रस्तें गी डिंगा करना नेई छुडगा?

¹¹ऊन देख, प्रभु दा अथ्थ तेरे विरोध च ऐ; ते तू केछ बेलै तकर अन्नां रौगा ते सूरज गी नेई दिखगा।” ओस बेलै फोरन तोंध ते न्हेरा ओसदी अखें उपर छाई गीया, ते ओ इत्थैं-उत्थें फरोलन लगया तां जे कोई ओसदी मदाद करै।

¹²ओस बेलै राजपाल ने जेड़ा ओया हा उसी दिखियै ते प्रभु दी शिखया थमां रांन ओईयै यीशु मसीह उपर विश्वास कित्ता।

¹³पौलुस ते ओदे साथी पाफुस शैर थमां जाज खोलियै पंफूलिया लाके दे पिरगा शैर च आए; ते यूहन्ना मरकुस उनेंगी छुड़ीयै यरूशलेम गी बापस आया।

¹⁴ते पिरगा शैर थमां अगें निकलियै ओ पिसिदिया जिले दे अन्ताकिया शैर च पूजे; ते यहूदीयें दे बसां दे देन प्रार्थनाकार च बैठी गै।

¹⁵मूसा दा कनून ते पविखवक्तें दी कताब पढ़ने थमां बाद प्रार्थनाकार दे प्रधानें उन्दे कोल आखी पेजया, “ए प्राओ, जेकर लोकें गी सखाने आसतै थुआड़े मने च कोई गल्ल ऐ तां बोलो।”

¹⁶ओस बेलै पौलुस ने खड़ोईयै ते अथ्थें कन्ने शारा करियै आखया, “ए इस्राएलियें, ते परमेसर थमां डरने आलयो गैर यहूदियों, सुनो;

¹⁷इनें इस्राएली लोकें दे परमेसर ने साड़े पिता दादें गी चुनी लेता, ते जेसलै ए लोग मिस्र देश च परदेसी ओईयै रौंदे हे, ते उन्दी तरक्की कित्ती; ते बड्डे शक्तिशाली अथ्थें कन्ने कढी लेई आया।

¹⁸ओ कोई चाली साल तकर सन्सान जगै च उन्दी बर्दाश करदा रिया,

¹⁹ते कनान देश च सत जातीयें दा नाश करियै उन्दा देश कोई साड़े चार सौ साल च इंदी बरास्त च करी दिता।

²⁰एस दे बाद ओसने शमूएल पविखवक्ता तकर उन्दे च न्यायी ते अगबें नयुक्त कित्ते।

²¹ओदे बाद जेस बेलै शमूएल उन्दा अगबा हा उनै एक राजा मंगया। ओस बेलै परमेसर ने चाली साल आसतै बिन्यामिन दे गोत्र बिचा एक मनुक्ख; मतलब किश दे पुत्तर शाऊल गी उन्दे उपर राजा रखया।

²²परमेसर ने शाऊल गी लग करियै दाऊद गी उन्दा राजा बनाया; जेसदे बारै च ओसने गुआई दिती, मिकी एक मनुक्ख, यिशै दा पुत्तर दाऊद, मेरे मन दे मताबक मिली गीया ऐ; उवै मेरी सारी मरजी पूरी करग।

²³इसै दे वंश बिचा परमेसर ने अपने बायदा दे मताबक इस्राएल दे कोल एक मुक्तिदाता, मतलब यीशु गी पेजया।

²⁴जेसदे औने थमां पैलैं यूहन्ना ने सारे इस्राएलियें च मन फराने दे पवित्रशनांन दा परचार कित्ता।

²⁵ते जेसलै यूहन्ना अपनी सेवा दा कम पूरा करने आला हा, तां ओसने उनै सारे गी आखया, तोस मिगी के समझदे ओ? आंऊँ ओ मसीह नेई ऐं। बरना दिखो, मेरे बाद एक औने आला ऐ आंऊँ तां तुसेंगी पानी कन्ने पवित्रशनांन दिना ऐ, लेकन ओ औने आला ऐ, आंऊँ तां एस योग बी नेई के ओदे पैरें दी नोक्क दा तसमा खोली सकां; ओ तां तुसेंगी पवित्र आत्मा ते अग्ग कन्ने पवित्रशनांन देग।”

²⁶“ए इस्राएली प्राओ, तोस जेड़े अब्राहम दी औलाद ओ; ते परमेसर थमां डरदे ओ, थुआड़े कोल एस उद्धार दा वचन पेजया गीया ऐ।

²⁷किके यरूशलेम दे रौनें आलें ते उन्दे प्रधानें, नां यीशु मसीह गी पछानया ते नां पविखवक्तें दियां गल्लां समझीयां; जेड़ीयां अर बसां दे देन पढ़ीयां जंदियां न, एस आसतै उसी दोषी बनाईयै उनै गल्लें गी पूरा कित्ता।

²⁸उनै उसी मारी ओड़ने दे योग कोई दोष ओस च नेई लबया, तां बी राजपाल पिलातुस दे अगें अर्ज कित्ती के ओ मारी दिता जा।

²⁹ते जेसलै उनै ओदे बारै च पवित्र शास्त्र च लिखी दियां सारीयां गल्लां पूरीयां कित्तियां, तां उसी सूली उपरा तुआरीयै कब्र च रखया।

³⁰लेकन परमेसर ने उसी मरें दे बिचा जिन्दा कित्ता,

³¹ते ओ उनै चेलें गी जेड़े ओदे कन्ने गलील जिले चा यरूशलेम च आए हे, मते देन तकर लबदा रिया; लोकें दे सामनें ऊन ओ गै ओदे गवाह न।

³²ते अस तुसेंगी परमेसर दे बायदे दे बारै च जेड़ा बजुर्गें कन्ने कित्ता गीया हा, ए शोभ समाचार सुनानयां न,”

³³के परमेसर ने यीशु गी मरें दे बिचा जिन्दा करियै, उवै बायदा साड़ी औलाद आसतै पूरा कित्ता; जियां दुए पजनें च बी लिखे दा ऐ, तू मेरा पुत्तर ऐं; अज्ज मैं गै तुगी जमायां ऐ।

³⁴ते परमेसर दी एस रीति कन्ने मरें दे बिचा जिन्दा करने दे बारै च बी, के ओ कदें बी नेई सड़ै, ओसने ए आखया ऐ, आंऊँ दाऊद दे उपर दी पवित्र ते अटल क्रपा थूयाडे उपर करगा।

³⁵एस लेई दाऊद ने अपने एक ओर पजन च बी आखया ऐ, किके तू मेरे प्राणें गी नरक बेच नेई छुड़गा; ते नां अपने पवित्र जन गी सड़ना देगा।

³⁶किके दाऊद तां परमेसर दी मर्जी दे मताबक अपने बेलै च सेवा करियै मरी गीया, ते अपने बजुर्गें च जाई मिलया, ते सड़ी बी गीया।

³⁷लेकन जिसी परमेसर ने मरें दे बिचा जिन्दा कित्ता, ओ सड़ी नेई सकया।

³⁸एस आसतै, ए मेरे इस्राएली प्राओ; तोस जानी लियो के यीशु थमां पापें दी माफी दा समाचार तुसेंगी दित्ता जन्दा ऐ;

³⁹ते जिन्नें गल्लें च तोस मूसा दे कनून थमां बेकसुर नेई ओई सकदे हे, उनै सबनीं गल्लें उपर अर एक विश्वास करने आला यीशु मसीह थमां बेकसुर आखया जन्दा ऐ।

⁴⁰एस आसतै चकने रवो, ऐसा नेई ऊऐ, के जे पविखवक्तें दी कताब च लिखे दा ऐ, थुआड़े उपर बी आई पवै;

⁴¹“ए निंदया करने आलयो, दिखो, ते रांन ओई जाओ, ते मिटी जाओ; किके आंऊँ थुआड़े दिनें च एक कम करना ऐं, ऐसा कम, के जेकर कोई थुआड़े कन्ने ओसदी चर्चा करै, ते तोस कदें बी विश्वास नेई करगे।”

⁴²पौलुस ते बरनाबास दे मन्दर चा बार निकलदे बेलै लोग उन्दे कन्ने अर्ज करन लगे के अगलै बसां दे देन असेंगी ए गल्लां पी सनाया जांन।

⁴³जेसलै संगत मुकी गेई तां यहूदी ते यहूदी मत च आए दे पक्तें बिचा मते सारे पौलुस ते बरनबास दे पिछें ओई गे; ते उनै उन्दे कन्ने गल्लां करियै समझाया, के परमेसर दी क्रपा च बने रवो।

⁴⁴अगलै यहूदीयें बसां दे देन शैर दे सारे लोग परमेसर दा वचन सुनने गी किटठे ओई गै।

⁴⁵लेकन यहूदी अगबें पीड गी दिखियै गुस्सै कन्ने परोई गै, ते निंदया करदे ओई पौलुस दी गल्लें दे वरोध च आखन लगे।

⁴⁶ओस बेलै पौलुस ते बरनबास ने बिना डर दे आखया, “जरुरी हा के परमेसर दा वचन तुसेंगी पैलैं सनाया जंदा; लेकन जेसलै तोस उसी नकारी दिंदे ओ, ते अपने आप गी मेशा दी जिंदड़ी दे योग नेई बनांदे, तां दिखो, अस ऊन दुई जातीयें आली बखी फिरनयां न।

⁴⁷“किके प्रभु ने असेंगी ए उक्म दित्ता ऐ, मैं तुसेंगी दुई जातीयें आसतै लो बनाया ऐ, तां जे तुं तरती दे ऐन्त तकर मुक्ति दा दरबाजा उवै।”

⁴⁸ए सुनीयै दुई जातीयें दे लोक खोश ओए, ते परमेसर दे वचन दी बड़ाई करन लगे; ते जिन्नें बी मेशा दी जिंदड़ी आसतै चुनें गेदे हे, उनै विश्वास कित्ता।

⁴⁹ओस बेलै प्रभु दा वचन ओस सारे देश च फैलना लगया।

⁵⁰लेकन यहूदी अगबें पक्त ते कोलीन जनांनीयें गी ते शैर दे मशूर लोकें गी बकाया, ते पौलुस ते बरनबास दे वरोध चगड़ा कराईयै उनेंगी अपने बन्ने थमां बार कढी दिता।

⁵¹ओस बेलै पौलुस ते बरनाबास उन्दे सामने अपने पैरें दी तुड झाड़ीयै इकुनियुम शैर गी चली गै।

⁵²ते चेलें अन्ताकिया शैर च खुशी कन्ने ते पवित्र आत्मा कन्ने परपुर ओदे गै।