Read Dogri प्रेरितों के कम 14 Bible Online

प्रेरितों के कम 14 - Dogri bible

प्रेरितों के कम 14

¹इकुनियुम शैर च ऐसा ओया के पौलुस ते बरनबास यहूदीयें दे प्रार्थनाकार च किट्ठे-किट्ठे गै, ते ऐसीयां गल्लां कित्तियां के यहूदीयें ते यूनानियें दौनीं बिचा मतें लोकें विश्वास कित्ता।

²लेकन विश्वास नेई करने आले यहूदीयें दुई जातीयें दे मन विश्वासियें दे वरोध च पड़काए ते बैर पैदा कित्ती।

³पौलुस ते बरनाबास मते देन तकर उत्थें रे, ते प्रभु दे परोसे उपर इम्त कन्ने गल्लां करदे हे; ते परमेसर उन्दे अथ्थें क्न्ने चैन ते चमत्कार दे कम कराईयै अपनी क्रपा दे वचन उपर गुआई दिंदा रिया।

⁴लेकन शैर दे लोकें च फोट पेई गेदी ही, एस कन्ने किन्नें तां यहूदीयें आली बखी ते किन्नें प्रेरितें दी बखी ओई गे।

⁵लेकन जेसलै दुई जातीयां ते यहूदी उन्दा अपमान ते उन्दे उपर पथराव करन आसतै अपने प्रधानें दे समेत उन्दे उपर दौड़े,

⁶तां ओ एस गल्लें गी जानी गै, ते लूका उनिया लाके दे लुस्त्रा ते दिरबे शैरें च, ते आसे-पासे दे लाकें च नसी गै

⁷ते उत्थें शोभ समाचार सनाना लगे।

⁸लुस्त्रा शैर च एक मनुक्ख बैठा हा, जेसदे पैर कमजोर हे। ओ जन्म थमां गै लिंञां हा, ते कदें बी नेई चला हा।

⁹ओ पौलुस गी गल्लां करदे सुना दा हा। पौलुस ने ओसदे बखी त्रोयै दिखया के उसी चंगा ओई जाने दा विश्वास ऐ,

¹⁰ते उच्ची बाज कन्ने आखया, “अपने पैरें दे पार सीधा खड़ा ओई जा।” ओस बेलै ओ उड़कीयै चलना फिरना लगया।

¹¹लोकें पौलुस दा ए कम दिखियै लूका उनिया दी पाषा च उच्ची बाज कन्ने आखया, “देवता मनुक्खें दे रूप च ओईयै साड़े कोल उतरी आए न।”

¹²उनै बरनबास गी यूनानी नां ज्यूस, ते पौलुस गी हिरमेस गलाया किके ओ गल्लां करने च खास हा।

¹³ते ज्यूस दे ओस मंदर दा पजारी जेड़ा उन्दे शैर दे सामने हा, बैल ते फूलें दे अर रस्ते उपर आनीयै लोकें कन्ने बलिदान करना चांदा हा।

¹⁴लेकन बरनबास ते पौलुस प्रेरितें जेसलै ए सुनया, तां बड़े दुखी ओए, ते अपने कपड़े फाटे ते पीड बेच तौलै गे, ते पकारीयै आखन लगे,

¹⁵“ए लोको, तोस के करदे ओ? अस बी थुआड़े आला लेखा दोख-सोख पोगने आले मनुक्ख आं, ते तुसेंगी ए शोभ समाचार सनानयां न, के तोस इनें बेकार चीजां थमां लग्ग ओईयै जिंदे परमेसर आली बखी फिरो, जेस ने सोर्ग ते तरती ते समुंद्र ते जे केछ उंदे च ऐ बनाया।

¹⁶ओसने बीते दे बेले च सब जातीयें गी अपने-अपने रस्ते च चलना दिता।

¹⁷तां बी ओसने अपने आप गी बे-गवाह नेई छुड़या; किके ओ पलाई करदा रिया, ते अम्बर थमां बरखा ते फलवंत मोसम ते छैल फसलां देईयै थुआड़े मने गी रुट्टी ते खुशी कन्ने परदा रिया।”

¹⁸ए आखीयै बी उनै लोकें गी बड़ी मुशकल क्न्ने रोकया के उन्दे आसतै बलिदान नेई करन।

¹⁹लेकन केछ यहूदीयें अन्ताकिया शैर ते इकुनियुम शैर थमां आईयै लोकें गी अपनी बखी करी लेता, ते पौलुस उपर पथराव कित्ता, ते उसी मरे दा समझीयै शैर थमां बार कसीटी लेई गै।

²⁰लेकन जेसलै चेलें ओदे चौनी बखी खड़ोते दे हे, तां ओ उठीयै शैर च गीया ते दुए देन बरनबास दे कन्ने दिरबे शैर गी चली गीया।

²¹पौलुस ते बरनाबास ओस शैर दे लोकें गी शोभ समाचार सनाईयै, ते मते सारे चेले बनाईयै, लुस्त्रा ते इकुनियुम ते अन्ताकिया गी बापस आए,

²²ते अर एक शैर च चेलें दे मनें गी कैम करदे रे ते ए शिखया दिंदे हे के विश्वास च बने रवो; ते ए आखदे हे, “असैं मते सारे कलेश चुकियै परमेसर दे राज च दाखल ओना ओग।”

²³ते उनै अर एक कलीसिया च उंदे आसतै अगबें पक्के कित्ते, ते उपवास कन्ने प्रार्थना करियै उनेंगी गी प्रभु गी सोंपया जेस उपर उनै विश्वास कित्ता दा हा।

²⁴ओस बेलै पिसिदिया लाके बिचें ओदे ओई ओ पंफूलिया जिले च पूजे;

²⁵पी पिरगा शैर च वचन सनाईयै अत्तलिया दी बंदरगाह च आए,

²⁶ते उत्त्थुआं ओ चाज उपर अन्ताकिया शैर च गे, जित्त्थें ओ ओस कम आसतै जेड़ा उनै पूरा कित्ता हा परमेसर दी क्रपा च सोंपे गे।

²⁷अन्ताकिया शैर च पूजियै उनै कलीसिया किटठी कित्ती ते सनाया के परमेसर ने उंदे थमां बड्डे-बड्डे कम कित्ते, ते दुई जातीयें आसतै विश्वास दा पेत्त खोली दिता।

²⁸ते पौलुस ते बरनाबास चेलें दे कन्ने मते देन तकर रे।