Read Dogri प्रेरितों के कम 16 Bible Online

प्रेरितों के कम 16 - Dogri bible

प्रेरितों के कम 16

¹पी ओ दिरबे ते लुस्त्रा शैर च बी गीया, ते उत्थें तीमुथियुस नां दा एक चेला हा, जेड़ा कुसे वश्वासनी यहूदी दा पुत्तर हा, लेकन ओसदा पिता यूनान देश दा रौने आला हा।

²ओ लुस्त्रा ते इकुनियुम शैर दे विश्वासी प्राऐं च अच्छे नां आला हा।

³पौलुस दी मरजी ही के ओ ओदे कन्ने चलै; ते जेड़े यहूदी लोग उनै जगें च हे उन्दे कारन ओसने ओसदा खतना कित्ता, किके ओ सब जांनदे हे, के ओसदा पिता यूनान दा रौने आला हा।

⁴ते शैर-शैर जंदे मौके पौलुस ते उन्दे साथी उनै विधियें गी जेड़ीयां यरूशलेम दे प्रेरितें ते अगबें बनाए दी हियां, मनने आसतै उनेंगी पजांदे जंदे हे।

⁵एस चाली कलीसियां विश्वास च मजबूत ओदीयां गेईयां ते गिनत्री बेच अर देन बददीयां गेईयां।

⁶ते ओ फ्रूगिया ते गलातिया लाकें बिचें ओईयै गै, किके पवित्र आत्मा ने उनेंगी आसिया दे लाके च वचन सनाने लेई मना कित्ता।

⁷ते उनै मूसिया लाकें दे कोल पूजियै, बितूनिया दे लाके च जाना चाया; लेकन पवित्र आत्मा ने उनेंगी जाना नेई दिता।

⁸एस आसतै ओ मूसिया दे लाकें थमां ओईयै त्रोआस दे बंदरगाह आले शैर च आए।

⁹उत्थें पौलुस ने रातीं एक दर्शन दिखया के एक मकिदुनी लाके च रौने आले मनुक्ख ने खड़ोईयै, ओस कन्ने अर्ज करदे ओई आखदा ऐ, “समुंद्र दे पार उतरीयै मकिदुनिया लाके च आ, ते साड़ी मदद कर।”

¹⁰ओदे ए दर्शन दिखदे गै असैं फोरन मकिदुनिया लाके च जाना चाया, ए समझीयै के परमेसर ने उनेंगी शोभ समाचार सनाने आसतै असेंगी बलाया ऐ।

¹¹एस आसतै त्रोआस थमां समुंदरी चाज खोलियै अस सीधे सुमात्राके टापू ते दुए देन नियापुलिस बंदरगाह च आए।

¹²उत्त्थुआं दा अस फिलिप्पी शैर पूजे, जेड़ा मकिदुनिया लाके दा बड़ा शैर ते रोमियें दी बस्ती ऐ; ते अस ओस शैर च केछ देन तकर रे।

¹³यहूदीयें दे बसां देन अस शैर दे दरबाजे दे बार नदी दे कंडै ए समझीयै गै के उत्थें यहूदीयें दे प्रार्थना करने दी जगह ओनी, ते बेईयै उनै जनांनीयें कन्ने जेड़ीयां किट्ठीयां ओई दियां हियां, गल्लां करन लगे।

¹⁴लुदिया नां दी थुआतीरा शैर दी बैंजनी कपड़े बेचने आली एक पक्त जनानी सुना करदी ही, जेड़ी परमेसर दी सच्ची अराधना करने आली ही। प्रभु ने ओसदा मन खोलया के ओ पौलुस दी गल्लें उपर मन ला।

¹⁵जेसलै ओस अपने कराने समेत पवित्रशनांन लेता, ते ओसने साड़े कन्ने अर्ज कित्ती, “जेकर तोस मिकी प्रभु दी वश्वासिनी समझदे ओ, तां चलीयै मेरे कर रवो,” ते ओ असेंगी मनाईयै लेई गेई।

¹⁶जेसलै अस प्रार्थना करने दी जगा जा करदे हे, तां असेंगी एक दासी मिली जेस च पविख दे बारै बोलने दी आत्मा ही; ते ओ पविख दे बारै च बोलने कन्ने अपने स्वामियें आसतै मते पैसे कमाइयै लेई ओंदी ही।

¹⁷ओ पौलुस दे ते साड़े पिछें आईयै करलाना लगी, “ए मनुक्ख परमप्रधान परमेसर दे दास न, जेड़े असेंगी मुक्ति दे रस्ते दी कानी सनांदे न।”

¹⁸ओ मते देन तकर ऐसा गै करदी रेई; लेकन पौलुस दुखी ओया, ते मुड़ीयै ओस दोष्टआत्मा गी आखया, “आंऊँ तुगी यीशु मसीह दे नां कन्ने उक्म दिना ऐं, के ओस बिचा निकली जा।” ते ओ उसै घड़ी निकली गेई।

¹⁹जेसलै ओदे स्वामियें दिखया के साड़ी कमाई दी आस जंदी रेई, तां पौलुस ते सीलास गी पकड़ीयै चौक च प्रधानें दे कोल खिची लेई गै;

²⁰ते उनेंगी फोजदारी दे मुखीयें दे कोल लेई गै ते आखया, “ए लोग जेड़े यहूदी न, साड़े शैर च बड़ी अलचल मचा करदे न;

²¹ते ऐसीयां रितीयां सना करदे न, जिनेंगी ग्रहण करना जां मनना साड़े रोम दे रौने आलें आसतै ठीक नेईयैं।”

²²ओस बेलै पीड़ दे लोग पौलुस ते सीलास दे वरोध च किट्ठे ओईयै उन्दे उपर चढ़ी गै, ते मुखीयें उन्दे कपड़े फाटीयै तुआरी दिते, ते उनेंगी बैंत मारने दा उक्म दित्ता।

²³ते मते सारे बैंत मराईयै उनै उनेंगी गी जेले च पाई दिता ते जेल दे मालक गी उक्म दित्ता के उनेंगी चोकसी कन्ने रखै।

²⁴ओसने ऐसा उक्म पाईयै उनेंगी अन्दर दी कोठरी च रखया ते उन्दे पैर काठे च ठोकी दिते।

²⁵अध्दी रातीं दे लगपग पौलुस ते सीलास प्रार्थना करदे ओई परमेसर दे पजन गा करदे हे, ते कैदी उन्दी राधना गी सुना करदे हे।

²⁶इन्नें च एकदम पुंचल ओया, इत्थैं तकर के जेले दी मनैद हिली गेई, ते फोरन सारे बड्डे दरबाजे खुली गै; ते सारे दे बंधन खुली गै।

²⁷जेल दा मालक जागी गीया, ते जेले दे दरबाजे खुले दिखियै समझया के कैदी नस्सी गै न, एस आसतै ओसने तलवार खिचीये अपने आप गी मारना चाया।

²⁸लेकन पौलुस ने उच्ची बाज कन्ने पकारीयै उसी आखया, “अपने आप गी केछ आनी नेई पजा, किके अस सारे इत्थैं गै न।”

²⁹ओस बेलै ओ दया मंगाइयै अन्दर आया, ते कम्बदे ओई पौलुस ते सीलास दे अगें कीरया।

³⁰ते उनेंगी बार आनीयै आखया, “ए सज्जनो, उद्धार पाने आसतै आंऊँ के करां?”

³¹उनै आखया, “प्रभु यीशु मसीह उपर विश्वास कर, तां तू ते तेरा सारा कराना उद्धार पाग।”

³²ते उनै उसी ते ओदे सारे कर दे लोकें गी प्रभु दा वचन सनाया।

³³रातीं उसै बेलै ओसने उनेंगी लेईयै उन्दे जखम धोते, ते ओसने अपने सारें लोकें समेत पवित्रशनांन लेता।

³⁴ओस बेलै ओ उनेंगी अपने कर च लेईयै उन्दे अगें रुट्टी रखी, ते सारे कराने समेत परमेसर उपर विश्वास करियै खुशी मनाई।

³⁵जेलै अगला देन ओया ओस बेलै मुखीयें सपाईयें दे अथ्थें आखी पेजया के उनै मनुक्खें गी शुड़ी दियो।

³⁶जेल दे मालक ने ए गल्लां पौलुस कन्ने आखीयां, “मुखीयें तुसेंगी शुड़ने दा उक्म दित्ता ऐ। एस आसतै ऊन निकलियै कुशल कन्ने चली जाओ।”

³⁷लेकन पौलुस ने ओसगी आखया, “उनै असेंगी जेड़े अस रोम दे रौने आले मनुक्ख न, कसुरबार समझीयै बगैर लोकें दे सामने मारया ते जेल च सुट्टया, ते ऊन के चोरीयै कढा करदे न? ऐसा नेई; लेकन ओ अप्पुं आईयै असेंगी बार कढन।”

³⁸सपाईयें ए गल्लां मुखीयें कन्ने सूनाईयां, ते ओ ए सुनीयै के ओ रोमी न, डरी गै,

³⁹ते आईयै उनेंगी मनाया, ते बार लेईयै अर्ज कित्ती के शैर बिचा चली जांन।

⁴⁰ओ जेले बिचा निकलियै लुदिया दे उत्थें गै, ते मसीह प्राऐं कन्ने पेंट करियै उनेंगी शान्ति दिती, ते चली गै।