Read Dogri प्रेरितों के कम 17 Bible Online

प्रेरितों के कम 17 - Dogri bible

प्रेरितों के कम 17

¹पी पौलुस ते सीलास अम्फिपुलिस ते अप्पुलोनिया शैर चें ओईयै थिस्सलुनीके शैर आए, जिथें यहूदीयें दा एक प्रार्थनाकार हा।

²पौलुस अपनी रीति दे मताबक उन्दे कोल गीया, ते त्रै यहूदीयें दे बसां दे देन तकर पवित्र शास्त्रां बिचा उन्दे कन्ने बैस कित्ती;

³ते उन्दा मतलब खोली-खोलियै समझांदा हा के मसीह गी दोख चेलना, ते मरें दे बिचा जिन्दा ओना, जरुरी हा; ते “इयै यीशु जेसदी आंऊँ तुसेंगी कथा सनाना ऐं, मसीह ऐ।”

⁴उन्दे बिचा कन्ने यहूदीयें, ते पक्त यूनानियें बिचा मतें सारें, ते मती सारी कुलीन जनांनीयें मनी लेता, ते पौलुस ते सीलास कन्ने मिली गै।

⁵लेकन यहूदी लोक जलन कन्ने परोईयै बजार थमां केछ दुष्ट मनुक्खें गी अपने कन्ने लेता, ते पीड किठी करियै शैर च रौला पाना लगे, ते यासोन दे कर उपर अमला करियै पौलुस ओर सीलास गी लोकें दे सामने आनना चाया।

⁶ते उनेंगी उत्थें नेई दिखियै, ओ ए करलांदे ओई यासोन ते केछ विश्वासी प्राऐं गी शैर दे मुखीयें अगें खिची लेई आए, “ए लोग न जिनैं दुनिया गी ओलट पोलट करी दिता ऐ, ए इत्थैं बी आई गै न।

⁷ते यासोन ने उनेंगी गी अपने इत्थैं स्वागत कित्ता ऐ, ते ए सब दे सब ए आखदे न के यीशु राजा ऐ, ते कैसर रोमी सम्राट दे उक्में दा वरोध करदे न।”

⁸जेलै पीड़ ते शैर दे मुखीयें ए गल्लां सुनीयां ते कबराई गै।

⁹एस आसतै उनै यासोन ते बाकी लोकें गी जमानत उपर छुड़ी दिता।

¹⁰विश्वासी प्राऐं फोरन रातो रात पौलुस ते सीलास गी बिरीया शैर च पेजी दिता; ते ओ उत्थें पूजियै यहूदीयें दे प्रार्थनाकार च गै।

¹¹ए लोग तां थिस्सलुनीके शैर दे यहूदीयें थमां पले हे, ते उनै बड़ी इच्छया दे कन्ने वचन गी ग्रहण कित्ता, ते अर रोज पवित्र शास्त्र बिचा तुपदे रे के ए गल्लां इयां गै न जां नेई।

¹²एस आसतै उन्दे बिचा मतें सारें, ते यूनानी कुलीन जनांनीयें बिचा ते मड़दें बिचा मतें विश्वास कित्ता।

¹³लेकन जेसलै थिस्सलुनीके दे यहूदी जानी गै के पौलुस बिरीया शैर च बी परमेसर दा वचन सनांदा ऐ, तां उत्थें बी आईयै लोकें गी बकाने ते अलचल मचाना लगे।

¹⁴ओस बेलै विश्वासी प्राऐं फोरन पौलुस गी विदा कित्ता के समुंद्र दे कंडै चली जा; लेकन सीलास ते तीमुथियुस बिरीया च गै रेई गै।

¹⁵पौलुस दी मदद करने आले ओदे कन्ने एथेंस शैर तकर गै; ते सीलास ते तीमुथियुस आसतै ए उक्म पाईयै विदा ओए के ओ ओदे कोल जल्दी थमां जल्दी औंन।

¹⁶जेसलै पौलुस एथेंस शैर च सीलास ते तीमुथियुस दा एन्तजार करदा हा, तां शैर गी मूरतें कन्ने परोते दा दिखियै ओसदा मन बड़ा दूआस ओया।

¹⁷एसकरी ओ प्रार्थनाकार च यहूदीयें क्न्ने ते परमेसर दा आदर करने आले पक्तें कन्ने, ते चौक उपर जेड़े लोग ओस कन्ने अर देन मिलदे हे, उन्दे कन्ने बैस करदा हा।

¹⁸ओस बेलै इपीकूरी ते स्तोईकी दर्शन दिखने आलें बिचा केछ ओदे कन्ने सवाल करना लगे, ते कईयें आखया, “ए बकवादी के आखन चांदा ऐ?” लेकन दुए आखया, “ओ दुए देवतां दा परचार लगदा ऐ” किके ओ यीशु दा ते जिंदा उठने दे बारै च शोभ समाचार सनांदा हा।

¹⁹ओस बेलै ओ पौलुस गी अपने कन्ने अरियुपगुस नां दे मन्दर उपर लेई गै ते पूछ्या, “के अस जानी सकदे आं के ए नमी शिखया जेड़ी तू सनाना ऐ, के ऐ?

²⁰किके तू ओचन गल्लां असेंगी सनाना ऐ, एस आसतै अस जाननयां चानयां न के इंदा मतलब के ऐ?”

²¹(एस आसतै के सारे एथेंस वासी ते परदेसी जेड़े उत्थें रौंदे हे, नमीं-नमीं गल्लां सुनने दे सवाय ओर कुसे कम च बेला नेई बतांदे हे)।

²²ओस बेलै पौलुस ने अरियुपगुस नां दे मन्दर बेच खड़ोईयै आखया, “ए एथेंस दे लोको, आंऊँ दिखाना ऐं के तोस अर गल्ल च देवतें गी बडे मनने आले ओ।

²³किके मैं फिरदे-किरदे जेसलै थुआड़ी पुजने दी चीजें गी दिखा करदा हा, तां एक ऐसी के बेदी बी दिखी, जेस उपर लिखा हा, अनजाने ईश्वर आसतै। एस आसतै जिसी तोस बगैर जाने दे पूजदे ओ, आंऊँ तुसेंगी ओसदा समाचार सनाना।

²⁴जेस परमेसर ने तरती ते ओसदी सारीयें चीजें गी बनाया, ओ सोर्ग ते तरती दा स्वामी ओदे ओई अथ्थें दे बनाए दे मंदरें च नेई रौंदा;

²⁵नां किसे चीज दी जरुरत दे कारन मनुक्ख दे अथ्थें दी सेवा लैंदा ऐ, किके ओ अप्पुं गै सबनीं गी जांन ते सहा ते सब केछ दिन्दा ऐ।

²⁶ओसने एक गै चीज कन्ने मनुक्ख दियां सब जातीयां सारी तरती उपर रौने आसतै बनाईयां न; ते उन्दे बनाए दा बेला ते रौने दे बन्ना एस आसतै बनाया ऐ,

²⁷के ओ परमेसर गी तुपन, कदें उसी फरोलीयै पांन, तां जे ओ साड़े कुसे थमां बी दूर नेईयैं।

²⁸किके अस ओदे च गै जिन्दे रौने, ते चलने फिरने, ते बनें दे रौनयां न; जियां थुआड़े किन्नें कवियें बी सेई गलाया ऐ, अस तां ओदे गै वंश न।

²⁹एस आसतै परमेसर दे बच्चे ओदे ओई असैं ए समझना ठीक नेईयैं के परमेसर दा रूप सुन्ने जां रुपे जां पत्थर आला लेखा ऐ, जेड़ी मनुक्ख दी कारीगरी ते सोच कन्ने कढे दे ओंन।

³⁰एस आसतै परमेसर ने लोकें दे अन जानें दे बेलै च त्यान नेई दिता, लेकन ऊन सब जगा सब मनुक्खें गी मने गी फेरने दा उक्म दिन्दा ऐ।

³¹किके ओसने एक देन पक्का कित्ते दा ऐ, जेस च ओ ओस मनुक्ख थमां तर्म कन्ने दुनिया दा न्याय करग, जिसी ओसने चुनें दा ऐ, ते उसी मरें दे बिचा जिन्दा करियै एस गल्ल दा सारें उपर सबूत करी दिती ऐ।”

³²मरें दे बिचा जिंदा ओनें दी गल्ल सुनीयै केछ तां मजाक करना लगे, ते कईयें आखया, “ए गल्ल अस थुआड़े थमां पी कदें सुनगे।”

³³एस उपर पौलुस उन्दे बिचा निकली गीया।

³⁴लेकन केछ मनुक्ख ओदे कन्ने मिली गै, ते प्रभु यीशु पर विश्वास कित्ता; जिंदे च दियुनुसियुस जेड़ा अरियुपगुस दा सदस्य हा, ते दमरिस नां दी एक जनानी ही, ते उन्दे कन्ने ओर बी लोग हे।