Read Dogri प्रेरितों के कम 18 Bible Online

प्रेरितों के कम 18 - Dogri bible

प्रेरितों के कम 18

¹एस थमां बाद पौलुस एथेंस शैर गी छुड़ीयै कुरिन्थुस शैर च आया।

²ते उत्थें उसी अक्विला नां दा एक यहूदी मिलया, जेसदा जन्म पुन्तुस लाके च ओया हा। ओ अपनी करेआली प्रिसकिल्ला दे कन्ने इतालिया देश दा तौला गै आएदा हा, किके क्लौदियुस बादशाह ने सब यहूदीयें गी रोम दा निकलने दा उक्म दिते दा हा, एस आसतै ओ उन्दे उत्थें गीया।

³ते पौलुस दा ते अक्विला दा एक गै केसव हा, एस आसतै पौलुस उन्दे कन्ने रिया, ते ओ कम करना लगे; ते उन्दा केसव तम्बू बनाने दा हा।

⁴ते पौलुस अर एक यहूदीयें दे बसां दे देन प्रार्थनाकार च बैस करियै यहूदीयें ते यूनानियें गी बी समझांदा हा के प्रभु यीशु मसीह पर विश्वास करो।

⁵जेसलै सीलास ते तीमुथियुस मकिदुनिया लाकें बिचा आए, तां पौलुस वचन सनाने दी मने कोलां यहूदीयें गी गुआई देने लगया के यीशु गै मसीह ऐ।

⁶लेकन जेसलै यहूदी पौलुस दे वरोध ते निंदया करना लगे, तां ओसने अपने कपड़े झाड़ीयै उनेंगी आखया, “थुआड़ा खून थुआड़े सेर उपर गै रवै! आंऊँ बेकसुर आं। ऊन थमां आंऊँ दुई जातीयें कोल जागा।”

⁷ते ओ प्रार्थनाकार दा चलीयै तीतुस यूसतुस नां दे परमेसर दे एक पक्त दे कर च आया, जेसदा कर प्रार्थनाकार कन्ने लगे दा हा।

⁸ओस बेलै प्रार्थनाकार दे प्रधान क्रिस्पुस ने अपने सारे कराने समेत प्रभु उपर विश्वास कित्ता; ते मते कुरिन्थवासी सुनीयै विश्वास कित्ता ते पवित्रशनांन लेता।

⁹ते प्रभु ने एक राती दर्शन च पौलुस कन्ने आखया, “मत डर, बरना सनांदा जा चोप्प नेई रो;

¹⁰किके आंऊँ तेरे कन्ने आं, ते कोई बी तेरे उपर चढ़ांई करियै तेरी आंनी नेई करग; किके एस शैर च मेरे उपर विश्वास करने आले मते लोग न।”

¹¹एस आसतै पौलुस उन्दे बेच डेढ़ साल तकर परमेसर दा वचन सनांदा रिया।

¹²जेसलै गल्लियो रोम च अखाया लाके दा राजपाल हा, तां यहूदी लोकें एक्का करियै पौलुस उपर अमला कित्ता, ते उसी न्याय दी गदी दे सामने आनीयै आखन लगे,

¹³“ए लोकें गी समझांदा ऐ, के परमेसर दी अराधना ऐसी रीति कन्ने करो, जेड़ी मूसा दे कनून दे खलाफ ऐ।”

¹⁴जेसलै पौलुस बोलने उपर गै हा, तां गल्लियो ने यहूदीयें गी आखया, “ए यहूदीयो, जे ए केछ बेन्यायी जां दुष्टता दी गल्ल ओंदी, तां ठीक हा के आंऊँ थुआड़ी सुनदा।

¹⁵लेकन जे ए बैस बोलने च, ते नां च, ते थुआड़े इत्थैं दे कनून दे बारै च ऐ, ते तोस गै जानो; किके आंऊँ इनें गल्लें दा न्यायी नेई बनना चांना।”

¹⁶ते गल्लियो ने उनेंगी न्याय दी गदी दे सामने दा बार कड़ाई दिता।

¹⁷ओस बेलै सब लोकें प्रार्थनाकार दे प्रधान सोस्थिनेस गी पकड़ीयै न्याय दी गदी दे सामने मारया। लेकन गल्लियो ने इन गल्लां दी केछ बी चेंता नेई कित्ती।

¹⁸पौलुस मते देन तकर कुरिन्थ शैर रिया। पी विश्वासी प्राऐं थमां विदा ओईयै किंख्रिया शैर च एस आसतै सेर मुंडाया, किके ओसने मन्नत मनी दी ही, ते जाज उपर सीरिया लाके गी चली गीया ते ओदे कन्ने प्रिसकिल्ला ते अक्विला हे।

¹⁹ओसने इफिसुस शैर च पूजियै प्रिसकिल्ला ते अक्विला गी उत्थें शुड़या, ते अप्पुं प्रार्थनाकार च जाईयै यहूदीयें कन्ने बैस करना लगया।

²⁰जेसलै लोकें ओस कन्ने अर्ज कित्ती, “साड़े कन्ने ओर केछ देन रो।” ते ओसने स्वीकार नेई कित्ता;

²¹लेकन ए बोलियै उन्दे थमां विदा ओया, “जेकर परमेसर ने चाया तां आंऊँ थुआड़े कोल पी औगा।” ओस बेलै ओ इफिसुस थमां जाज खोलियै चली गीया;

²²ते कैसरिया च उतरीयै यरूशलेम शैर गी गीया ते कलीसिया गी नमश्कार करियै अन्ताकिया दे शैर च आया।

²³पी केछ देन रेईयै ओ अन्ताकिया दा निकलया, ते एक पासे थमां गलातिया लाकें ते फ्रूगिया दे शैरें च सब चेलें गी मजबूत करदा फिरया।

²⁴अपुल्लोस नां दा एक यहूदी, जेसदा जन्म सिकन्दरिया शैर च ओया हा, जेड़ा विद्वान मनुक्ख हा ते पवित्र शास्त्र गी खरी चाली कन्ने जानदा हा, इफिसुस च आया।

²⁵ओसने प्रभु दे रस्ते दी शिखया पाई दी ही, ते मन लाईयै यीशु दे बारै च ठीक-ठीक सनांदा ते सखांदा हा, लेकन ओ सेर्फ यूहन्ना पवित्रशनांन दी गल्ल गी जानदा हा।

²⁶ओ प्रार्थनाकार च बे डर ओईयै आखन लगया, लेकन प्रिसकिल्ला ते अक्विला ओस दियां गल्लां सुनीयै उसी अपने कार लेई गै ते परमेसर दा रस्ता उसी ओर बी ठीक-ठीक सनाया।

²⁷जेसलै अप्पुलोस ने पक्का कित्ता के पार उतरीयै अखाया दे लाकें गी जां ते विश्वासी प्राऐं उसी इम्त देईयै चेलें गी ए लिखया के ओ ओस कन्ने खरी चाली मिलन; ते ओसने उत्थें पूजियै उनै लोकें दी बड़ी मदद कित्ती जिनैं परमेसर दी क्रपा दे कारन विश्वास कित्ता हा।

²⁸किके ओ पवित्र शास्त्र थमां प्रमाण देई-देईयै के यीशु गै मसीह ऐ, बड़ी प्रबलता कन्ने यहूदीयें गी सबनी दे सामने सखांदा रिया।