Read Dogri प्रेरितों के कम 19 Bible Online

प्रेरितों के कम 19 - Dogri bible

प्रेरितों के कम 19

¹जेसलै अपुल्लोस कुरिन्थुस शैर च हा, तां पौलुस उपर दे सारे लाकें चा ओईयै इफिसुस च आया। उत्थें ओसदी केछ चेलें कन्ने पेंट ओई।

²ओसने उन्दे क्न्ने आखया, “के तुसें विश्वास करदे बेलै पवित्र आत्मा पाया?” उनै उसी आखया, “असैं तां पवित्र आत्मा दी चर्चा बी नेई सुनी जेड़ा पिन्तेकुस्त दे दिन ओया।”

³पौलुस ने उन्दे कन्ने आखया, “तां पी तुसें केस किसम दा पवित्रशनांन लेता?” उनै आखया, “यूहन्ना जेड़ा पवित्रशनांन दित्ता हा।”

⁴पौलुस ने आखया, “यूहन्ना ने ए आखीयै मने गी फेरने दा पवित्रशनांन दिता, के जेड़ा मेरे बाद औने आला ऐ, ओस उपर मतलब यीशु उपर विश्वास करना।”

⁵ए सुनीयै उनै प्रभु यीशु दे नां च पवित्रशनांन लेता।

⁶जेसलै पौलुस ने उन्दे उपर अथ्थ रखे, तां पवित्र आत्मा उन्दे उपर उतरया, ते ओ सारे लग्ग-लग्ग पाषा बोलने ते पविखवाणी करना लगे।

⁷ए लगपग बारां मनुक्ख हे।

⁸पौलुस प्रार्थनाकार च जाईयै त्रै मिने तकर निडर ओईयै बोलदा रिया, ते परमेसर दे राज दे बारै च प्रचार करदा ते समझांदा रिया।

⁹लेकन जेसलै केछ लोकें कठोर ओईयै ओसदी नेई मन्नी बरना लोकें दे सामने एस रस्ते गी बुरा आखन लगे, ते ओसने उनेंगी छुड़ी दिता ते चेलें गी लग्ग करी दिता, ते अर रोज तुरत्रुस दी पाठ शाला च वचन दे बारै च चर्चा करदा हा।

¹⁰दो साल तकर इयै ओंदा रिया, इत्थैं तकर के आसिया लाके दे रौने आले के यहूदी के यूनानी सबनी प्रभु दा वचन सुनी लेता।

¹¹ते परमेसर पौलुस दे अथ्थें थमां चमत्कार दे कम दसदा हा।

¹²इत्थैं तकर के रुमाल ते कपड़े ओदी जेंद क्न्ने छुआईयै बमारें उपर सूटदे हे, ते उन्दी बमारियां ठीक ओई जंदियां हां; ते दोष्टआत्मायें उन्दे बिचा निकली जंदियां हां।

¹³लेकन केछ यहूदी लोक जेड़े फाँडा करदे फिरदे हे, ए करना लगे के जिन्दे बेच दोष्टआत्मायें ओंन उन्दे उपर प्रभु यीशु दा नां आखीयै फुकां देन लगे, “जेस यीशु दा परचार पौलुस करदा ऐ, आंऊँ तुगी ओसदे गै नां दी कसम दिनां ऐं।”

¹⁴ते स्किक्वा नां दे एक यहूदी प्रधान याजकें दे सत पुत्तर हे, जेड़े इयां गै करदे हे।

¹⁵लेकन दोष्टआत्मा ने उनेंगी जबाब दिता, “यीशु गी आंऊँ जाननी आं, ते पौलुस गी बी पन्छाननी आं, लेकन तोस कोन ओ?”

¹⁶ते ओस मनुक्ख ने जेस च दोष्टआत्मा ही उन्दे उपर कूदीयै ते उनेंगी बैंश च आनीयै, उन्दे उपर ऐसा अमला कित्ता के ओ नंगे ते कहाल ओईयै ओस करा दा निकलियै नस्से।

¹⁷ते ए गल्ल इफिसुस शैर च रौने आले सब यहूदी ते यूनानी बी जानी गै, ते उन्दे सबनी उपर डर छाई गीया; ते प्रभु यीशु दे नां दी बड़ाई ओई।

¹⁸ते जीनें विश्वास कित्ता हा, उन्दे बिचा मते सारें आईयै अपने-अपने पैड़े कम्में गी मनी लेता ते परकट कित्ता।

¹⁹ते जादू करने आलें बिचा मते सारें अपनी-अपनी पोथियाँ किट्ठीयां करियै सबनी दे सामने जाली दितीयां, ते जेसलै उन्दा मोल्ल जोड़या गीया, तां पंजाह जार चांदी दे सिक्के दे बराबर निकलया।

²⁰एस चाली प्रभु दा वचन फैलदा ते लोकें दी जिंदड़ी बदलदा गीया।

²¹जेसलै ए गल्लां ओई चुकियां तां पौलुस ने आत्मा च ए फैसला कित्ता के मकिदुनिया ते अखाया प्रदेस थमां ओईयै यरूशलेम गी जां, ते आखया, “उत्थें जाने दे बाद मिकी रोम शैर गी बी दिखना जरुरी ऐ।”

²²एस आसतै अपनी सेवा करने आलें बिचा तीमुथियुस ते इरास्तुस गी मकिदुनिया दे लाकें गी पेजीयै अप्पुं केछ देन आसिया लाकें च रेई गीया।

²³ओस बेलै ओस विश्वास दे रस्ते दे बारै च बड़ी खलबली ओई।

²⁴किके देमेत्रियुस नां दा एक सुनार अरतिमिस यूनानी देवी दे चांदी दे मंदर दा टांचा बनाईयै कारीगरें गी मते कम दुआनदा हा।

²⁵देमेत्रियुस ने उनेंगी ते इयै जेई चीजें दे कारीगरें गी किट्ठा करियै आखया, “ए मनुक्खो, तोस जांनदे ओ के एस कम थमां असैं किन्ना गै पैसा मिलदा ऐ।

²⁶ते तोस दिखदे ते सुनदे ओ के सेर्फ इफिसुस शैर च गै नेई, बरना एस आसतै सारे आसिया शैर च ए आखी आखीयै एस पौलुस ने मतें लोकें गी समझाया ते परमाया बी ऐ, के जेड़ी अथ्थ दी कारीगरी ओ परमेसर दी नेईयैं।

²⁷ते ऊन छड़ी एक गल्ल दा गै डर नेई के साड़े एस तंदे दी मशूरी जन्दी रौग, बरना ए के बड़ी देवी अरतिमिस दा मंदर तोच्छ समझा जाग, ते जिसी सारे आसिया लाके दे ते दुनिया पुजदी ऐ ओसदी मानता बी जन्दी रौग।”

²⁸पीड दे लोक ए सुनीयै गुस्सै कन्ने परोई गेई ते करलाई-करलाई आखन लगे, “इफिसियों दी अरतिमिस बड़ी ऐ!”

²⁹ते सारे शैर च बड़ा अलचल मची गीया, ते लोकें मकिदुनिया वासी गयुस ते अरिस्तर्खुस गी जेड़े पौलुस दे कन्ने सफर च हे, पकड़ी लेता, ते एक ओईयै चगान च दौड़ी गै।

³⁰जेसलै पौलुस ने लोकें दे क्न्ने जाना चाया तां चेलें उसी जाना नेई दिता।

³¹आसिया दे मुखीयें बिचा बी केई मित्रें ओदे कोल आखी पेजया, ते अर्ज कित्ती के चगान च जाईयै कष्ट नेई करयो।

³²उत्थें कोई केछ करलांदा हा, ते कोई केछ, किके सभा च बड़ी गड़बड़ी ओआ करदी ही, ते मते सारे लोग ए जांनदे बी नेई हे के अस केस आसतै किट्ठे ओए दे न।

³³ओस बेलै उनै सिकंदर गी, जिसी यहूदीयें खड़ा कित्ते दा हा, पीड बिचा अगें बदाया। सिकंदर अथ्थ दे शारे करियै लोकें गी जबाब देना चांदा हा।

³⁴लेकन जेसलै उनै जानी लेता के ओ यहूदी ऐ, तां सारें दे सारें एक बाज कन्ने कोई दो कैंटे तकर करलांदे रे, “इफिसियों दी अरतिमिस बड़ी ऐ।”

³⁵एसकरी शैर दे मंत्री ने लोकें गी चोप्प कराईयै आखया, “ए इफिसुस दे लोको, कोन नेई जानदा के इफिसियों दे शैर बड़ी देवी अरतिमिस दे मंदर, ते अम्बर थमां किरी दी मूरत दी रखया करदा ऐ।

³⁶एस आसतै जेलै इनें गल्लें गी कोई रोकी नेई सकदा, तां ठीक ऐ, के तोस चोप्प रवो ते बगैर सोच वचार दे केछ नेई करो।

³⁷किके तोस इनें मनुक्खें गी लेई आए ओ जेड़े नां मन्दर गी लुटने आले न ते नां साड़ी देवी दी निंदया करने आले न।

³⁸जेकर देमेत्रियुस ते ओदे साथी कारीगरें गी कुसे कन्ने कोई गल ऊऐ तां कचैरी खुली दी ऐ, ते मुखीआ बी ऐंन; ओ एक दुए उपर दोष लान।

³⁹लेकन जेकर तोस कुसे ओर गल्ल दे बारै च केछ पूछना चांदे ओ, तां शैर दी सभा दे अगें फैसला कित्ता जाग।

⁴⁰किके अज्ज दे चगड़े दे कारन साड़े उपर दोष लाए जाने दा डर ऐ, एस आसतै के एस दा कोई कारन नेईयैं, ते अस एस पीड़ दे किट्ठे ओनें दा कोई जबाब नेई देई सकगे।”

⁴¹ए आखीयै ओसने सभा गी विदा कित्ता।