Read Dogri प्रेरितों के कम 2 Bible Online

प्रेरितों के कम 2 - Dogri bible

प्रेरितों के कम 2

¹जेसलै यहूदीयें दे पिन्तेकुस्त दा देन आया, तां ओ सारे वश्वासी एक जगै किट्ठे हे।

²चानक अम्बर थमां बड़ी अंधी आला लेखा सननाटे दी बाज ओई, ते ओदे कन्ने सारा कर जित्त्थें ओ बैठे दे हे, गरजी गीया।

³ते उनेंगी अग्गी आला लेखा जिभां लप्प-लप्प करदीयां लबीयां ते उंदे बिचा अर एक दे उपर ओ बाज आईयै उतरी।

⁴ओ सारे पवित्र आत्मा कन्ने परोई गै, ते जियां-जियां आत्मा ने उनेंगी बोलने दी शक्ति दिती, ओ लग्ग-लग्ग पाषा बोलन लगे।

⁵अम्बर दे थलै दी अर एक जाती थमां भक्त-यहूदी यरूशलेम च रुके करदे हे।

⁶जेलै ए बाज उनै सुनी, तां पीड लगी गेई ते लोग कबराई गै, किके अर एक गी इयै सुनच दा हा के ऐ मेरी गै पाषा च बोला करदे ने।

⁷ते ओ सारे रांन ते परेशान ओईयै आखन लगे, “दिखो, ए जे केछ बोला करदे न के ए सारे गलील दे रौने आले नेई?

⁸तां पी कि साड़े बिचा अर एक अपनी-अपनी जन्म पूमि दी भाषा सुनदा ऐ?

⁹अस जेड़े पार्थी ते मेदी ते एलामी लोक, मेसोपोटामिया, यहूदीया, कप्पदूकिया ते पुन्तुस ते आसिया,

¹⁰ते फ्रूगिया ते पंफूलिया ते मिस्र ते लीबिया देश जेड़ा कुरेने दे आसे पासे ऐ, इनें सारें देशें दे रौने आले ते रोमी प्रवासी,

¹¹मतलब के यहूदी, ते के यहूदी मत धारण करने आले, क्रेती ते अरबी बी ऐ न, लेकन अपनी-अपनी पाषा च उंदे थमां परमेसर दे बड्डे-बड्डे चमत्कार दी चर्चा सुनदे न।”

¹²ते ओ सारे रांन ओए ते कबराइये एक दुए कन्ने आखन लगे, “ए के ओआ करदा ऐ?”

¹³लेकन दुए मजाक करियै आखया, “ओ तां नमीं शराव दे नशे च चूर न।”

¹⁴ओसलै पतरस उनै गयारें चेलें कन्ने खड़ोता ते उच्ची बाज कन्ने आखन लगा, ए यहूदीयो ते यरूशलेम दे सारे रौने आलयो, ऐ जानी लियो, ते ध्यान लाईयै मेरी गल्लें गी सुनो।

¹⁵जियां तोस समझा करदे, ए लोग नशे बेच नेई ऐंन, किके अजें तां सबेरे दे नौं बजे दे न।

¹⁶लेकन ए ओ गल ऐ, जेड़ी योएल पविखवक्ता दे थमां आखी गेदी ऐ

¹⁷परमेसर आखदा ऐ, के ऐन्त दे दिनें च ऐसा ओग के आंऊँ अपना आत्मा सारें मनुक्खें उपर तुआरगा, ते थुआड़े जागत ते कुड़ीयाँ पविखवाणी करगन, ते थुआड़े जवान दर्शन दिखगन, ते थुआड़े बुजुर्ग सुखनें दिखगन।

¹⁸वरन आंऊँ अपने दासें ते अपनी दासियें दे उपर बी उनै दिनें च अपनी आत्मा थमां तुआरगा, ते ओ पविखवाणी करगन।

¹⁹ते आंऊँ उपर अम्बर च चमत्कार दे कम, ते थलै तरती उपर चेन्न, मतलब खून ते अग्ग ते तूंऐं दा बदल दसगा।

²⁰प्रभु दे बड़ा ते मैमा योकत देन औने थमां पैलैं सूरज न्हेरा ते चण खूने आला लेखा ओई जाग।

²¹ते जेड़ा कोई प्रभु दा नां लैग ओ मुक्ति पाग।

²²“ए इस्राएलियें, ए गल्लां सुनो के यीशु नासरी एक मनुक्ख हा जेसदे परमेसर थमां ओ शक्तिशाली कम्में दे पक्के सबूत ते चमत्कार दे कम ते चेन्न परकट न, जेड़े परमेसर ने थुआड़े बेच ओदे थमां दसैं जिसी तोस अप्पुं गै जांनदे ओ।

²³उसी गै, जेसलै ओ परमेसर थमां पक्की कित्ती दी योजना ते परमेसर दे पैले ज्ञान दे मताबक पड़काया गीया, तां तुसें दुष्ट लोकें दे अथ्थें कन्ने उसी सूली उपर चढ़ाईयै मारी दिता।

²⁴लेकन उसी गै परमेसर ने मौत दे बंधना बिचा छड़ाईयै जिंदा कित्ता; किके ए अन ओना हा के ओ ओदे कब्जे च रौंदा।”

²⁵किके दाऊद ओदे बारै च आखदा ऐ, “आंऊँ प्रभु गी मेशा अपने सामने दिखदा रिया, किके ओ मेरी सज्जी बखी ऐ, तां जे आंऊँ टेई नेई जां।

²⁶इसै कारन मेरा मन खोश ओया, ते मेरी जिभ मगन ओई; बरना मेरा जेंद बी आस बेच बनी रौग।

²⁷किके तू मेरे प्राणें गी नरक बेच नेई छुड़गा; ते नां अपने पवित्र जन गी सड़ना देगा।

²⁸तो मिकी जिंदड़ी दा रस्ता दसया ऐ; तू मिकी अपने दर्शन थमां खुशी कन्ने परी देगा।”

²⁹ए प्राओ, आंऊँ कुलपति दाऊद दे बारै च तुसेंगी दलेरी कन्ने आखी सकना ऐं के ओ तां मरी गीया ते गाड़या बी गीया ते ओसदी कब्र अज्ज तकर साड़े इत्थैं मजूद ऐ।

³⁰ओ पविखवक्ता हा, ओ जानदा हा के परमेसर ने मेरे कन्ने बायदा खादी ऐ, “आंऊँ तेरे खानदान बिचा एक मनुक्ख गी तेरे सिंहासन उपर बठागा।”

³¹ओनें बीतने आली गल्लें गी पैलैं गै दिखियै मसीह दे जिंदा ओनें दे बारै च पविख्वानी कित्ती, के ओदा प्राण नरक बेच नेई छुड़या गीया, ते नां ओसदी दहे गी सड़न दित्ता।

³²इसै यीशु गी परमेसर ने जिंदा कित्ता, जेसदे अस सारे गवाह न।

³³इसै तरीके परमेसर दे सज्जे अथ्थ कन्ने उच्चा थार पाईयै, ते पिता कोलां पवित्र आत्मा लेईयै जेस लेई बायदा कित्ता गेदा हा, ओसने ए देई दित्ता ऐ जिसी तोस दिखदे ते सुनदे ओ।

³⁴किके दाऊद तां सोर्ग उपर नेई चडया; लेकन अप्पुं आखदा ऐ, प्रभु ने मेरे प्रभु कन्ने आखया; मेरी सज्जी बखी बौ,

³⁵जेसलै तकर के आंऊँ तेरे बैरीयें गी तेरे पैरें दे तले दी चौकी नेई करी दियां।

³⁶“एस आसतै ऊन इस्राएल दा सारा कराना पक्का जानी लै के परमेसर ने ओस यीशु गी जिसी तुसें सूली उपर चढ़ाया, प्रभु बी आखया ते मसीह बी।”

³⁷ओस बेलै सुनने आलें दे मनें च ओ गल्लां बेई गेईयां, ते ओ पतरस ते बाकी प्रेरितें गी पूछन लगे, “ए प्राओ, अस के करचै?”

³⁸पतरस ने उनेंगी आखया, “मने गी फेरो, ते थुआड़े बिचा अर एक अपने-अपने पापें दी माफी आसतै मसीह यीशु दे नां कन्ने पवित्रशनांन लियो; तां तोस पवित्र आत्मा दा दान पागे।

³⁹किके ए बायदा तोस, ते थुआड़े बच्चे, ते ओ सारे दूर दूर दे लोकें आसतै बी ऐ जिनेंगी प्रभु साड़ा परमेसर अपने कोल बलाग।”

⁴⁰ओसने मती ओर गल्लें कन्ने बी गुआई देईयै समझाया के अपने आप गी त्रेडी जाती थमां बचाओ।

⁴¹एस आसतै जिनैं ओसदा वचन मनया उनै पवित्रशनांन लेता; ते उसै देन त्रै जार मनुक्खें दें लगपग उंदे कन्ने मिली गै।

⁴²ते ओ प्रेरितें थमां शिखया पाने, ते संगति रखने, ते रुट्टी तोड़ने, ते प्रार्थना करने गी लगे रे।

⁴³ते सारें लोकें उपर डर छाई गीया, ते मते सारे अद्भोद कम ते चेन्न प्रेरितें थमां परकट ओदे हे।

⁴⁴ते सारे बश्वास करने आले किट्ठे रौंदे हे, ते उंदी सारीयां चीजां सांझे च हियां।

⁴⁵ओ अपने-अपने तन्न ते समान बेची-बेचियै जियां जेसदी जरुरत ओंदी ही बंडी दिंदे हे।

⁴⁶ओ अर रोज एक मन ओईयै मंदर च किट्ठे ओदे हे, ते कर-कर रुट्टी तोड़दै ओई खुशी ते मन दी सफाई कन्ने पोजन करदे हे,

⁴⁷ते परमेसर दी स्तुति करदे हे, ते सारे लोग उंदे उपर खोश हे; ते जेड़े मुक्ति पांदे हे, उनेंगी प्रभु अर रोज उंदे च मिलाई दिंदा हा।