Read Dogri प्रेरितों के कम 22 Bible Online

प्रेरितों के कम 22 - Dogri bible

प्रेरितों के कम 22

¹“ए प्राओ ते पिताओ, मेरीयां ए गल्लां सुनो, जे केछ आंऊँ ऊन थुआड़े अगें पेश करना ऐ।”

²ओ ए सुनीयै के ओ साड़े कन्ने इब्रानी पाषा च बोलदा ऐ, ओर बी चोप्प ओई गे। ओस बेलै ओसने आखया,

³“आंऊँ तां यहूदी ऐं, जेड़ा किलिकिया लाके दे तरसुस शैर च जमया; लेकन एस शैर च गमलीएल दे पैरें दे कोल बेईयै पढ़ाया गीया, ते बजुर्गें दे कनून गी बी ठीक रीति क्न्ने सखाया गीया; ते परमेसर आसतै ऐसी लगन लाए दी ही, जियां तोस अज्ज लाए दे ओ।

⁴मैं मर्दे ते जानानी दौनीं गी बन्नीयै, ते जेले च पाई-पाईयै, एस रस्ते उपर चलने आलें गी इत्थैं तकर सताया के उनेंगी मराई बी दिता।

⁵एस गल्ल दे महायाजक दे सारे प्राचीन अप्पुं गै गवाह न, के उन्दे बिचा आंऊँ विश्वासी प्राऐं दे नां उपर चिट्ठीयां लेईयै दमिश्क शैर गी जा करदा हा, के जेड़े उत्थें ओंन उनेंगी बी सजा दुआने आसतै बन्नीयै यरूशलेम लेई अवां।

⁶“जेलै आंऊँ चलदे-चलदे दमिश्क शैर दे कोल पूजया, तां ऐसा ओया के दो पैर दे लगपग एकदम बड़ी लो अम्बर थमां मेरे चौनी बखी चमकी।

⁷ते आंऊँ तरती उपर किरी गीया; ते ए बाज सुनी, ए शाऊल, ए शाऊल, तू मिकी की सताना ऐं?”

⁸मैं जबाब दिता, ए प्रभु, “तू कोन ऐं?” ओसने मिकी आखया, आंऊँ यीशु नासरी ऐं, जिसी तू सताना ऐं।

⁹ते मेरे साथियें बी लो तां दिखी, पर जेड़ा मेरे कन्ने बोलदा हा उसी नेई सुनी सके।

¹⁰ओस बेलै मैं आखया, “ए प्रभु, आंऊँ के करां?” प्रभु ने मेरे कन्ने आखया, उठीयै दमिश्क च जा, ते जे केछ तेरे करने आसतै रखे दा ऐ उत्थें सब केछ तुगी सनाई दिता जाग।

¹¹जेसलै ओस लो दे तेज दे मारे मिकी केछ नेई लबया, तां आंऊँ अपने साथियें दे अथ्थ पकड़ीयै दमिश्क शैर च आया।

¹²“ओस बेलै हनन्याह नां दा मूसा दे कनून दे मताबक एक पक्त मनुक्ख, जेड़ा उत्थें दा रौने आले सारें यहूदीयें च चंगे नां आला हा, मेरे कोल आया,

¹³ते खड़ोईयै मेरे कन्ने आखया, ए प्रा शाऊल, पी दिखना लग। उसै घड़ी मेरीयें अखीयैं दे नेत्र खुली गै ते मैं उसी दिखया।

¹⁴ओस बेलै ओसने आखया, साड़े बजुर्गें दे परमेसर ने तुगी एस आसतै चुनयां ऐ के तू ओसदी मर्जी गी जान्ने, ते ओस तर्मी गी दिखें, ते ओदे मुंह थमां गल्लां सुनें।

¹⁵किके तू ओस थमां सारे मनुक्खें दे सामने उनै गल्लें दा गवाह ओगा जेड़ीयां तुसें दिखियां ते सुनीयां न।

¹⁶ऊन कि चेर लाना ऐं? ओठ, पवित्रशनांन लै, ते ओसदा नां लेईयै अपने सारें पापें गी तोई सोट।

¹⁷“जेसलै आंऊँ पी यरूशलेम च आईयै मंदर च प्रार्थना करा दा हा, तां आंऊँ बेसोध ओया ते दर्शन दिख्या,

¹⁸ते ओसगी दिखया के ओ मेरे कन्ने आखदा ऐ, तौल करियै यरूशलेम बिचा चट निकली जा; किके जेड़े लोक एस शैर च न ओ मेरे बारै च तेरी गुआई नेई मनगन।

¹⁹मैं आखया, ए प्रभु, ओ तां अप्पुं जांनदे न, के तेरे उपर विश्वास करने आलें गी जेले च सुटना ते जगा-जगा प्रार्थनाकार च मार चढ़ांदा हा।

²⁰ते जेसलै तेरे गवाह स्तिफनुस दा खून ओआ करदा हा ओस बेलै आंऊँ बी खड़ोते दा हा, ते एस गल्ल च सैमत हा, ते उसी मारने आलें दे कपड़े दी राखी करदा हा।

²¹ते प्रभु ने मेरे कन्ने आखया, चली जा; किके आंऊँ तुगी दुईयें जातीयें दे कोल दूर-दूर पेजगा।”

²²लोक एस गल्ल तकर ओदी सुनदे रे, ओस बेलै उच्ची बाज कन्ने करलाए, “ऐसे मनुक्ख गी मारी उडो, ओसदा जिंदा रौना ठीक नेईयैं!”

²³जेसलै ओ करलांदे ते कपड़े सूटदे ते अम्बर च तुड ढुआंदे हे;

²⁴ते पलटन दे प्रधान ने आखया, “इसी अबलात च लेई जाओ, ते कोड़े मारीयै परखो, के आंऊँ जानां के लोग केस कारन ओदे वरोध च इयां करलांदे न।”

²⁵जेसलै उनै ओसदे अथ्थ पैर बन्ने तां पौलुस ने ओस सूबेदार कन्ने जेड़ा कोल खड़ोते दा हा, आखया, “के ए सेई ऐ, के तोस एक रोमी मनुक्ख गी, ते ओ बी बगैर दोष लाए दे, कोड़े मारो?”

²⁶सूबेदार ने ए सुनीयै पलटन दे प्रधान कोल जाईयै आखया, “तू ए के करना ऐ? ए तां रोमी मनुक्ख ऐ।”

²⁷एसकरी पलटन दे प्रधान ने ओदे कोल आईयै आखया, “मिकी सना, के तू रोमी ऐं?” ओसने आखया, “आं।”

²⁸ए सुनीयै पलटन दे प्रधान ने आखया, “मैं रोमी बनने दा औदा मते पैसे देईयै लेते दा ऐ।” पौलुस ने आखया, “आंऊँ तां जन्म थमां गै रोमी ऐ।”

²⁹ओस बेलै जेड़े लोग उसी जाचने उपर हे, ओ फोरन ओदे कोलां पिछें अटी गै; ते पलटन दा प्रधान बी ए जानियें के ए रोमी ऐ ते मैं उसी बन्ने दा ऐ, डरी गीया।

³⁰दुए देन ओसने ठीक-ठीक जानने दी इच्छया कन्ने के यहूदी ओस उपर कि कसुर लाना चांदे न, एस लेई ओदे बंधन खोली दिते; ते प्रधान याजकें ते सारी महासभा गी किट्ठा ओनें दा उक्म दित्ता, ते पौलुस गी थलै लेईयै उन्दे सामने खड़ा करी दिता।