Read Dogri प्रेरितों के कम 24 Bible Online

प्रेरितों के कम 24 - Dogri bible

प्रेरितों के कम 24

¹पंज्ज देन दे बाद हनन्याह महायाजक केई प्राचीन ते तिरतुल्लुस नां दे कुसे वकील गी कन्ने लेईयै आया। ओ राजपाल दे सामने पौलुस उपर कसुर लान लगे।

²जेसलै पौलुस बलाया गीया तां तिरतुल्लुस ओस उपर कसुर लाईयै आखन लगया; “ए महामहिम फेलिक्स राजपाल, तेरे राज बेच असेंगी बड़ा चैन ओंदा ऐ; ते तेरे प्रबंध कन्ने एस जाती लेई मती सारीयां बराईयां सुधरदी जंदियां न।

³एस गल्ल गी अस अर जगा ते अर चाली दी शुक्रगुजारी कन्ने मनने न।

⁴लेकन एस आसतै के तुगी अस ओर दोख नेई देना चानयां, आंऊँ तेरे कन्ने अर्ज करना ऐं, के कृपा करियै साड़ीयां दो एक गल्लां सुनी लै।

⁵किके असैं एस मनुक्ख गी प्रेशानी बनानें आला ते दुनिया दे सारे यहूदीयें च लड़ाई लुआनें आला, ते नासरत दे रौनें दे बेच फेरका बनांदे दिखया ऐ।

⁶ओसने मंदर गी अशोद्ध करना चाया, लेकन असैं उसी पकड़ी लेता (असैं उसी अपने कनून दे मताबक सजा दिती ओंदी;

⁷लेकन पलटन दे प्रधान लूसियास ने उसी जबरदस्ती साड़े अथ्थें बिचा छुड़काई लेता,

⁸ते मुदईयें गी तेरे सामनें औने दा उक्म दित्ता)। ए सब गल्लें गी जिंदे बारै च अस ओदे उपर कसुर ला करनयां न, तू अप्पुं गै उसी जाचियै जानी लैगा।”

⁹यहूदीयें बी ओसदा साथ देईयै आखया, ए गल्लां इसै चाली दियां न।

¹⁰जेसलै राजपाल ने पौलुस गी बोलने दा शारा कित्ता, तां ओसने जबाब दिता; “आंऊँ ए जानियें के तू मते सालें दा एस जाती दे लोकें दा न्याय करा करना ऐं, एसकरी खुशी कन्ने अपना जबाब दिना ऐ।

¹¹तू अप्पुं जानी सकना ऐ, के जेसलै दा आंऊँ यरूशलेम मन्दर च अराधना करने गी आएदा, मिकी बारां देन थमां उपर नेई ओए।

¹²उनै मिकी नां मंदर च नां प्रार्थनाकार च, नां शैर च कुसे कन्ने बैस करदे जां पीड़ लांदे दिखया;

¹³ते नां तां ओ उनै गल्लें गी, जिन्दा ऊन ओ मेरे उपर कसुर लांदे न, तेरे सामने ओसदा सबूत करी सकदे न।

¹⁴लेकन आंऊँ तेरे सामने ए मनी लेना ऐ, के जेस रस्ते गी ओ फेरका आखदे न, आंऊँ अपने बजुर्गें दे परमेसर दी सेवा करना ऐ; ते जेड़ीयां गल्लां कनून ते पविखवक्तें दी कताबें च लिखी दियां न, उनै सबनी उपर आंऊँ विश्वास करना ऐ।

¹⁵ते परमेसर उपर आस रखना ऐ जेड़ी ओ अप्पुं बी रखदे न, के तरमी ते अतर्मी दौनीं दा मरें चा जिंदा ओना ओग।

¹⁶एस कन्ने आंऊँ अप्पुं बी कोष्ट करना ऐ के परमेसर दी, ते मनुक्खें त्र्फुं मेरा मन मेशा बेकसुर रवै।

¹⁷मते सालें बाद आंऊँ अपने लोकें गी जेड़े गरीब हे उनेंगी दान पजाने आया हा, ते पेंट चढ़ाने गी यरूशलेम आया हा।

¹⁸उनै मिकी मंदर च, शोद्ध आलात च, बगैर पीड़ दे, ते बगैर दंगा करदे ओई पेंट चाढ़दे दिखया हा, आसिया दे केई यहूदीयें ए उनेंगी ठीक हा

¹⁹के जेकर मेरे खलाफ च उन्दे कोल कोई गल्ल ऊऐ तां इत्थैं तेरे सामने आईयै मेरे उपर कसुर लांदे।

²⁰जां ए अप्पुं गै सनान के जेसलै आंऊँ महासभा दे सामने खड़ोते दा हा, ते उनै मेरे च केड़ा पाप दिखया?

²¹एस एक गल्ल गी छुड़ीयै जेड़ी मैं उन्दे बेच खड़ोईयै पुकारीयै बोलया हा; मरें दे बिचा जिंदा ओनें दे बारै च अज्ज मेरा थुआड़े सामने मुकदमा ओआ करदा ऐ।”

²²फेलिक्स राजपाल, जेड़ा एस रस्ते दियां गल्लां ठीक-ठीक जानदा हा, उनेंगी ए आखीयै टाली दिता, “जेसलै पलटन दा प्रधान लूसियास औग, तां थुआड़ी गल्ल दा फैसला करगा।”

²³ते सूबेदार गी उक्म दित्ता के पौलुस गी केछ अजादी देईयै पैरें च रखया जा, लेकन ओदे मित्रें बिचा कुसे गी बी ओसदी सेवा करने आसतै नेई रोकयो।

²⁴केछ देन दे बाद फेलिक्स राजपाल अपनी करेआली द्रुसिल्ला गी, जेड़ी यहूदीनी ही, कन्ने लेईयै आया ते पौलुस गी बलाईयै ओस विश्वास दे बारै च जेड़ा मसीह यीशु उपर ऐ, ओस थमां सुनया।

²⁵जेसलै ओ तर्म, ते अपने आप गी वश च करने, ते औने आले न्याय दी चर्चा करा दा हा, तां फेलिक्स राजपाल ने चकने ओईयै जबाब दिता, “ऊन ते जा; मौका दिखियै आंऊँ तुगी पी बलागा।”

²⁶उसी पौलुस थमां केछ पैसे मिलने दी बी आस ही, एस आसतै ओर बी बुलाई-बलाईयै ओस कन्ने गल्लां करदा हा।

²⁷लेकन जेसलै दो साल बीती गै पुरकियुस फेस्तुस, फेलिक्स राजपाल दी जगा राजपाल बनया; ते फेलिक्स राजपाल यहूदीयें गी खोश करने दी इच्छया कन्ने पौलुस गी कैद बेच गै रखया।