Read Dogri प्रेरितों के कम 26 Bible Online

प्रेरितों के कम 26 - Dogri bible

प्रेरितों के कम 26

¹अग्रिप्पा ने पौलुस गी आखया, “तुगी अपने बारै च बोलने दा उक्म ऐ।” ओस बेलै पौलुस अथ्थ बदाईयै जबाब देन लगया,

²“ए राजा अग्रिप्पा, जिन्नी गल्लें दा यहूदी अगबें मेरे उपर कसुर लांदे न, अज्ज तेरे सामने उन्दा जबाब देने गी आंऊँ अपने आप गी तन्न समझना ऐ।

³खास करी एस आसतै के तू यहूदीयें दे सारे रीति रबाज ते बैस आलियें गल्लें गी जानना ऐ। एसकरी आंऊँ अर्ज करना ऐ, सबर कन्ने मेरी सोन।

⁴“मेरा चाल-चालन शुरू थमां जदूं आंऊँ जवान हा अपनी जाती ते यरूशलेम च जियां हा ओ सारे यहूदी जांनदे न।

⁵ओ जेकर गुआई देना चांदे न, तां शुरू थमां मिकी पनछानदे न, के आंऊँ फरीसी ओदे ओई अपने तर्म दे सबनी थमां खरे रस्ते उपर चलया।

⁶ते ऊन ओस बायदे दी आस दे कारन जेड़ी परमेसर ने साड़े बजुर्गें कन्ने कित्ती ही, मेरे उपर मकदमा चला करदा ऐ।

⁷उसै बायदे दे पूरा ओनें दी आस लाए दे, साड़े बारां गोत्र अपने सारे मन कन्ने रात देन परमेसर दी सेवा करदे आए न। ए राजा, इसै आस दे बारै च यहूदी मेरे उपर कसुर लांदे न।

⁸जेकर परमेसर मरें गी जिंदा करदा ऐ, तां थुआड़े इत्थैं ए गल्ल कि विश्वास दे जोग नेई समझी जंदी?”

⁹“मैं बी समझ हा के यीशु नासरी दे नां दे वरोध च मिकी मता केछ करना चाईदा।

¹⁰ते मैं यरूशलेम बेच ऐसा गै कित्ता; ते प्रधान याजकें थमां अख्त्यार पाईयै मते पवित्र लोकें गी जेल च पाया, ते जेसलै ओ मारी दिते जंदे हे, तां आंऊँ बी उंदे वरोध च अपना साथ दिन्दा हा।

¹¹ते अर प्रार्थनाकार च आंऊँ उनेंगी सजा देई-देईयै यीशु दी निंदया करांदा हा, इत्थैं तकर के गुस्सै दे मारे ऐसा पागल ओई गीया के दुज्जे शैर च बी जाईयै उनेंगी सतांदा हा।”

¹²इसै इच्छै बेच जेसलै आंऊँ प्रधान याजकें थमां अख्त्यार ते उक्म दी चिट्ठी लेईयै दमिश्क शैर गी जा करदा हा;

¹³तां ए राजा, रस्ते च दोपेरीं दे बेलै आंऊँ अम्बर चा सूरज दी लोई थमां बी बद एक लो, अपने उपर ते अपने कन्ने चलने आलें दे चौनी बखी चमकदी दिखी।

¹⁴ते जेसलै अस सारे तरती उपर किरी गै, तां मैं इब्रानी पाषा च, मेरे कन्ने आखदे ए बाज सुनी, ए शाऊल, ए शाऊल, तू मिकी कि सताना ऐ? पैने उपर लत मारना तेरे आसतै मुश्कल ऐ।

¹⁵मैं आखया, “ए प्रभु, तू कोन ऐ?” प्रभु ने आखया, आंऊँ यीशु ऐं, जिसी तुं सताना ऐ।

¹⁶लेकन तू ओठ, अपने पैरें उपर खड़ो; किके मैं तुगी एस आसतै दर्शन दिता ऐ के तुगी उनै गल्लें दा बी सेवक ते गवाह बनगा, जेड़ीयां गल्लां तो दिखियां न, ते उन्दा बी जिन्दे आसतै आंऊँ तुगी दर्शन देगा।

¹⁷ते आंऊँ तुगी तेरे लोकें थमां ते दुई जातीयें थमां बचांदा रौगा, जिंदे कोल आंऊँ ऊन तुगी एस आसतै पेजना ऐ

¹⁸के तू उन्दिआं अखां खोले किके ओ न्हेरा चा लो आली बखी, ते शतान दी शक्ति थमां परमेसर दी बखी फिरन; के परमेसर उन्दे पापें दी माफी ते उनै लोकें दे कन्ने जेड़े मेरे उपर विश्वास करने कन्ने पवित्र कित्ते गै न, मेरी जायासत पांन।

¹⁹“एस लेई; ए राजा अग्रिप्पा, मैं ओस सोर्ग दे दर्शन दी गल्ल नेई टाली।

²⁰लेकन पैलैं दमिश्क शैर दे, पी यरूशलेम दे रौने आलें गी, ओस बेलै यहूदीया दे सारे देश च रौने आलें गीं, ते दुई जातीयें गी प्रचार करदा रिया, के मने गी फेरो ते परमेसर आली बखी फिरीयै मन फराव दे जोग कम करो।

²¹इनें गल्लें दे कारन यहूदी मिगी मंदर च पकड़ीयै मारने दी सलाह करदे हे।

²²लेकन परमेसर दी मदद कन्ने आंऊँ अज्ज तकर बनें दा ऐं ते निके बड्डे सारें दे सामने गुआई दिना ऐं, ते उनै गल्लें गी छुड़ीयै केछ नेई आखदा जेड़ा पविखवक्तें ते मूसा ने बी गलाया के ओ ओनें आलियां न।

²³के मसीह गी दोख चेलना पौग, ते उवै सबनी थमां पैलैं मरें दे बिचा जिंदा ओईयै, साड़े लोकें च ते दुई जातीयें च लोई दा प्रचार करग।”

²⁴जेसलै पौलुस एस रीति कन्ने जबाब दे करदा हा, तां फेस्तुस ने उच्ची बाज कन्ने आखया, “ए पौलुस, तू पागल ऐ। मती पढ़ाई ने तुगी पागल करी दिता ऐ।”

²⁵लेकन पौलुस ने आखया, “ए महामहिम फेस्तुस, आंऊँ पागल नेई, लेकन सचाई ते बुद्धि दियां गल्लां आखन ऐं।

²⁶राजा बी जेसदे सामने आंऊँ बे डर ओईयै बोलाना ऐ, ए गल्लां जानदा ऐ; ते मिगी विश्वास ऐ, के इनें गल्लें चा कोई ओस थमां छ्प्पी दी नेई, किके ए घटना कुसे कोने च छपीयै नेई ओई।

²⁷ए राजा अग्रिप्पा, के तू पविखवक्तां दा विश्वास करना ऐ? आं, आंऊँ जानना ऐ के तू विश्वास करना ऐं।”

²⁸ओस बेलै अग्रिप्पा ने पौलुस गी आखया, “के तू थुड़ा समझाने कन्ने मिकी मसीह बनाना चांना ऐ?”

²⁹पौलुस ने आखया, “परमेसर अगें मेरी प्रार्थान ऐ के थुड़े च ते के मते च, सेर्फ तू गै नेई लेकन जिन्नें लोग अज्ज मेरी सुना करदे न, मेरे इनें जंजीरें गी छुड़ीयै ओ मेरे आला लेखा ओई जांन।”

³⁰ओस बेलै राजा ते राजपाल ते बिरनीके ते उन्दे कन्ने बैठने आले उठीयै चली गै;

³¹जियां गै ओ बार जा दे हे, तां लग्ग जाईयै अप्पुं बिचें आखन लगे, “ए मनुक्ख ऐसा तां केछ नेई करदा, जेड़ा मौत जां जेल च पाने दे जोग ओ।”

³²अग्रिप्पा ने फेस्तुस गी आखया, “जेकर ए मनुक्ख कैसर बादशाह दी दुआई नेई दिन्दा, तां छुड़की सकदा हा।”