Read Dogri प्रेरितों के कम 27 Bible Online

प्रेरितों के कम 27 - Dogri bible

प्रेरितों के कम 27

¹जेसलै फिस्तुस राजपाल थमां ए तय ओया के अस चाजे थमां इतालिया जाचै, तां उनै पौलुस ते केछ बाकीं कैदीयें गी बी यूलियुस नां दे औगुस्तुस बादशाह दी पलटन दे एक सूबेदार दे अथ्थ सौंपी दिता।

²अद्र्मुत्तियुम शैर दे एक चाज उपर जेड़ा आसिया लाकें दे कंडै दी जगें गी जाने आला हा, चढ़ीयै असैं अपना सफर शुरू कित्ता, ते अरिस्तर्खुस नां दा थिस्सलुनीके शैर दा एक मकिदुनिया लाके दा वासी साड़े कन्ने हा।

³दुए देन असैं सैदा शैर च पूजे, ते यूलियुस ने पौलुस उपर कृपा करियै उसी मित्रें दे इत्थैं जाना दिता के ओसदा सत्कार कित्ता जा।

⁴उत्त्थुआं असैं पर्तियै सफर शुरू कित्ता। अवा वरोध ओनें दे कारन अस साइप्रस टापू दी आड़ च ओईयै गै;

⁵ते किलिकिया ते पंफूलिया लाके दे कंडै कोल दे समुंद्र चा ओदे ओई लूसिया लाके दे मूरा शैर च उतरे।

⁶उत्थें सूबेदार गी सिकन्दरिया शैर दा एक चाज इतालिया लाके च जंदा लबया, ते ओसने असेंगी ओस चाज उपर चाढ़ी दिता।

⁷जेलै अस मते देन तकर बलें-बलें चलीयै मुश्कल कन्ने कनिदुस शैर दे सामने पूजे, तां एस-आसतै के अवा असेंगी अगें बदन नेई दिंदी ही, अस सलमोन थमां ओईयै क्रेते टापू दी आड़ च चलै;

⁸ते ओदे कंडै-कंडै मुशकिल कन्ने चलीयै शोभ लंगरबारी नां दी एक जगा च पूजे, जिथुआं दा लसया शैर कोल हा।

⁹जेसलै मते देन बीती गै तां समुंदरी सफर च खतरा एस आसतै ओंदा हा के उपवास दे देन ऊन बीती गेदे हे। एस आसतै पौलुस ने उनेंगी ए आखीयै समझाया,

¹⁰“ए सज्जनो, मिकी ऐसा लगदा ऐ के एस सफर च प्रेशानी ते मता नकसान, नां सेर्फ माल ते चाज दा बरना साड़े प्राणें दा बी ओनें आला ऐ।”

¹¹लेकन सूबेदार ने पौलुस दी गल्लें थमां कप्तान ते चाजे दे स्वामी दी गल्लें गी जादै मनया।

¹²ओ बंदरगाह ठणढु दे देन कटने आसतै ठीक नेई हा, एस आसतै मतें दा बिचार ए ओया के उत्त्थुआं दा चाज खोलियै जेकर कुसे रीति कन्ने ओई सके तां फिनिक्स बंदरगाह पूजियै उत्थें ठणढु दे देन कटचै। ए तां क्रेते नां दे टापू दा एक बंदरगाह ऐ जेड़ा दक्षिण करोंदी बखी ते चडदी करोंदी बखी गी खुलदा ऐ।

¹³जेसलै केछ-केछ दक्षिणी अवा चलना लगी, तां उनै सोचया के उनै जेसदी लोड़ ऐ ओ उनै कोल ही, एस लेई उनै लंगर चुकया ते कंडै-कंडै क्रेते दे कन्ने जाई लगे।

¹⁴लेकन थोड़ी देर बाद जमीन आली बखी दा बड़ी अंधी आई, जेड़ी यूरकुलिन आखी जंदी ऐ।

¹⁵जेसलै अंधी चाज उपर लगी ते ओ ओदे अगें रुकी नेई सकया, एस् आसतै असैं उसी रुडना दिता ते इसै चाली रुडदे-रुडदे चली गै।

¹⁶ओस बेलै कौदा नां दे एक निके जे टापू दी आड़ च रुडदे-रुडदे अस मुशकल कन्ने डोंगी गी काबू करी सके।

¹⁷पी किशती चलानें आलें उसी चुकियै मते तरीके लाईयै चाज गी थलै दा बनयां, ते सुरतिस दे रेत् दे उपर टिकने दे डर कन्ने पाले आला ते लेखा उतरीयै रुड़दे गै।

¹⁸जेसलै अस अंधी कन्ने मते उश्लदे ते तके खादे, तां दुए देन ओ चाज दा माल सुटना लगे;

¹⁹ते त्रिऐ देन उनै अपने अथ्थें कन्ने उनै चाज दा सारा समान सुट्टी दिता।

²⁰जेसलै मते देन तकर नां सूरज, नां तारे लबे ते बड़ी अंधी चलदी रेई, ते खीरी च साड़ी बचने दी सारी आस जंदी रेई।

²¹जेसलै मते देन तकर पुखे दे रिये, तां पौलुस ने उन्दे बेच खड़ोईयै आखया, “ए लोको, चाईदा हा के तोस मेरी गल्ल मनियै क्रेते दीप चा नां चाज खोलदे ते नां ए प्रेशानी ओंदी ते नां ए आनी चुकदे।

²²लेकन ऊन आंऊँ तुसेंगी समझाना ऐं के जिगरा रखो, किके थुआड़े बिचा कुसे दे प्राण दी आनी नेई ओग, लेकन सेर्फ चाज दी।

²³किके परमेसर जेसदा आंऊँ ऐं, ते जेसदी सेवा करना ऐ, ओदे सोर्गदूत ने पिछली रातीं मेरे कोल आईयै आखया,

²⁴ए पौलुस, मत डर! तुगी कैसर बादशाह दे अगें खड़ोना जरुरी ऐ। परमेसर ने सबनी गी जेड़े तेरे कन्ने सफर करा करदे न, क्रपा कन्ने जिंदड़ी दित्ती ऐ।

²⁵एस आसतै, ए सज्जनो, जिगरा रखो; किके आंऊँ परमेसर उपर विश्वास करना ऐ, के जियां मेरे कन्ने गलाया ऐ, उयांगै ओग।

²⁶लेकन असैं कुसे टापू उपर जाई टिकना ओग।”

²⁷जेसलै चौदवीं रात आई, ते अस अद्रिया समुंद्र च पडका करदे हे, ते अध्दी राती दे कोल किशती चलाने आलें तजरबे कन्ने जानया के अस कुसे देश दे कोल पुज्जा करनयां न।

²⁸थां लेने उपर उनेंगी पानी सेंती मीटर गैरा लबया, ते थुड़ा अगें जाईयै पी थाह लेई तां पंद्राह सताई मीटर गैरा लबया।

²⁹जेसलै पत्थर आली जगा कन्ने टकराने दे डर कन्ने उनै चाजे दी पछाड़ी चार लंगर पाए, ते सबेरा ओनें दी आस करदे रे।

³⁰लेकन जेसलै चलाने आले चाजे उपरा नसना चांदे हे, तां गल्लें कन्ने लंगर पाने दे बाने डोंगी समुंद्र च तुआरी दिती;

³¹तां पौलुस ने सूबेदार ते सपाईयें गी आखया, “जेकर ए चाज उपर नेई रे, तां तोस बी नेई बची सकदे।”

³²ओस बेलै सपाईयें रस्से कटीयै डोंगी केरी दिती।

³³जेसलै सबेरा ओनें पर हा, ओस बेलै पौलुस ने ए आखीयै, सबनी गी रुट्टी खाणे आसतै समझाया, “अज्ज चौदां देन ओए के तोस मेद करदे-करदे पुखे दे रे, ते केछ रुट्टी नेई खादी।

³⁴एस आसतै तुसेंगी समझाना ऐ के केछ खाई लियो, जेस कन्ने तोस बची सको; किके थुआड़े बिचा कुसे दे सिरे दा एक बी बाल नेई किरग।”

³⁵ए आखीयै ओसने रुट्टी लेईयै सारें दे अगें परमेसर दा शुकर कित्ता ते तोड़ीयै खाण लगया।

³⁶ओस बेलै ओ सारे बी जिगरा करियै रुट्टी खाण लगे।

³⁷अस सारे मिलीयै चाज उपर दो सौ छियतर मनुक्ख हे।

³⁸जेसलै ओ रुट्टी खाईयै रजी गै, कनक गी समुंद्र च सुट्टीयै चाज गी हल्का करना लगे।

³⁹जेसलै देन निकलया, तां उनै ओस देश गी नेई पनछानया, लेकन एक बसती दिखी जेसदा कंडा चौरस हा, ते वचार कित्ता के जेकर ओई सकै तां इसै उपर चाज गी टकाचे।

⁴⁰एसकरी उनै लंगर गी खोलियै समुंद्र च शुड़ी दिता ते उसै बेलै पतवारें दे बंधन खोली दिते, ते अवा दे अगें अगलै पाल दे रस्से चढ़ीयै कंडै दी बखी चलया।

⁴¹लेकन दो समुंद्र दे रेत् आली जगा च पेईयै उनै चाज गी टकाया, ते गल्लें तका खाईयै दबोई गेई ते खिसकी नेई सकी; लेकन पछाड़ी लैरें दे जोर कन्ने पजना लगी।

⁴²ओस बेलै सपाईयें दा ए वचार ओया के कैदीयें गी मारी देचै, ऐसा नेई ऊऐ के कोई तैरीयै नसे।

⁴³लेकन सूबेदार ने पौलुस गी बचाने दी मरजी कन्ने उनेंगी एस वचार थमां रोकया ते ए आखया, के जेड़े तारी लाइ सकदे न, पैलैं कूदीयै कंडै उपर निकली जांन;

⁴⁴ते बाकी कोई चाज दे टुकड़े उप्पर, ते कोई चाज दी बाकी चीजें दे सारे निकली जांन। एस रीति कन्ने सब कोई जमीन उपर सलामती कन्ने बची गै।