Read Dogri प्रेरितों के कम 28 Bible Online

प्रेरितों के कम 28 - Dogri bible

प्रेरितों के कम 28

¹जेसलै अस बची गै, तां पता चलया के एस टापू गी मैलीते आखया जंदा ऐ।

²ते उत्थें दे रौने आलें साड़े उपर बड़ी कृपा कित्ती; किके बरखा ओनें दे कारन ठंड ही, एसकरी तां उनै अग्ग बालियै असैं सबनी अग्ग सेकी।

³जेसलै पौलुस ने लकड़ीयें दा गट्ठा किट्ठा करियै अग्गी उपर रखया, तां एक सप्प चोभ लगने दे कारन गठे चा निकलया ते ओदे अथ्थ कन्ने चमकी गीया।

⁴जेसलै उनै उत्थें दे रौने आलें सप्प गी ओदे अथ्थ कन्ने चमके दा दिखया, तां अप्पुं बिचें आखया, “सचें गै ए मनुक्ख अत्या करने आला ऐ, के ए समुंद्र थमां बची गीया, तां बी न्याय ने इसी जिंदा नेई रौन दिता।”

⁵ओस बेलै ओसने सप्पे गी अग्गी बेच सुट्टी दिता, ते उसी केछ आनी नेई ओई।

⁶लेकन ओ लोक दिखा करदे हे के ओ सोजी जाना जां एकदम मरी जाना, लेकन जेसलै ओ मते चेर तकर दिखदे रे के ओसदा केछ बी नेई बिगड़या, तां अपना वचार बदलीयै आखया, “ए तां कोई देवता ऐ।”

⁷ओस जगा दे आसे पासे ओस टापू दे प्रधान पुबलीयुस दी जगा ही। ओसने असेंगी अपने कर लेईयै त्रै देन मित्र पाव कन्ने साड़ा आदर खातर कित्ता।

⁸पुबलीयुस दा पिता बुखार ते पेचस कन्ने बमार पेदा हा। एदे आसतै पौलुस ने ओदे कोल कर जाईयै प्रार्थना कित्ती ते ओस उपर अथ्थ रखियै उसी चंगा कित्ता।

⁹जेसलै ऐसा ओया तां ओस टापू दे बाकी बमार पौलुस कोल आए ते ओसने उनेंगी चंगा कित्ता।

¹⁰उनै साड़ा बड़ा आदर कित्ता, ते जेसलै अस चलना लगे तां जे केछ साड़े आसतै जरुरी हा, चाजे उपर रखी दिता।

¹¹त्रै मिने दे बाद अस सिकन्दरिया दे एक चाज उपर चली पे, जेड़ा ओस टापू च ठणढु दे देन कटे करदा हा, ते जेसदी नशानी जुड़े दा देवता दियुसकूरी हा।

¹²सुरकूसा शैर च असैं लंगर लाईयै त्रै देन टिके दे रे।

¹³उत्त्थुआं अस मुड़ीयै रेगियुम शैर च आए; ते एक देन दे बाद दक्षिणी अवा चली, एसकरी अस दुए देन पुतियुली शैर च आए।

¹⁴उत्थें असैं विश्वासी प्रा मिले, ते उन्दे आखने कन्ने अस उत्थें सत देन तकर रे; ते एस रीति कन्ने अस रोम शैर गी चलै।

¹⁵उत्त्थुआं दा विश्वास प्रा साड़ी खबर सुनीयै के अस आ करने न, अप्पियुस दे चौक ते त्रै सरांई तकर आईयै साड़े कन्ने मुलाका त करने लेई निकली आए, जिनेंगी दिखियै पौलुस ने परमेसर दा शुकर कित्ता ते इम्त रखी।

¹⁶जेसलै अस रोम शैर च पूजे, तां पौलुस गी एक सपाई कन्ने जेड़ा ओसदी रखया करै करदा हा, इकलै रौने दा उक्म मिली गीया।

¹⁷त्रै देन दे बाद ओसने यहूदीयें दे अगबें लोकें गी बलाया, ते जेसलै ओ किटठे ओए तां ओसने आखया, “ए मेरे अपने यहूदी प्राओ, मैं अपने लोकें दे जां साड़े बजुर्गें दे रीति रबाजें दे वरोध बेच केछ नेई कित्ता, तां बी कैदी बनाईयै यरूशलेम बिचा रोमीं सरकार दे अथ्थ सोंपया गीया।

¹⁸उनै मिकी जाचियै छुड़ना चाया, किके मिगी मारने दे जोग कोई कसुर नेई हा।

¹⁹लेकन जेसलै यहूदी अगबें एस दे वरोध च आखन लगे, ते मिकी कैसर दी दुआई देना पेई; ए नेई के मिकी अपने लोकें उपर कोई कसुर लाना हा।

²⁰एस आसतै मैं तुसेंगी बलाया ऐ, के थुआड़े कन्ने मिलां ते गल्ल बात करां; किके आंऊँ मसीह उपर विश्वास करना ते इस्राएल दी आस आसतै एस जंजीर कन्ने बन्ने दा ऐ।”

²¹उनै उसी आखया, “नां असैं तेरे बारै च यहूदीयें दे लाके थमां चिट्ठीयां पाईयां ते नां प्राऐं बिचा कुसे ने आईयै तेरे बारै च केछ गलाया ते नां बुरा गलाया।

²²लेकन तेरा वचार के ऐ? उवै अस तेरे थमां सुनना चानयां, किके अस जाननयां न, के अर जगा एस मत दे वरोध च लोग गल्लां करदे न।”

²³एसकरी उनै यहूदी पौलुस आसतै एक देन रख्या, ते मते सारे लोग ओदे इत्थैं किट्ठे ओए, ते ओ परमेसर दे राज दी गुआई दिंदा, ते मूसा दे कनून ते उनै पविखवक्तें दी कताबें बिचा यीशु दे बारै च समझाई-समझाईयै सबेरे थमां लेईयै शामी तकर खोलियै सुनादा रिया।

²⁴ओस बेलै केछ लोकें उनै गल्लें उपर विश्वास करी लेता, ते कईयें विश्वास नेई कित्ता।

²⁵जेसलै ओ अप्पुं बिचें एक मत नेई ओए, तां पौलुस दी एस गल्ल दे आखने उपर चली गै; पवित्र आत्मा ने यशायाह पविखवक्ता थमां थुआड़े बजुर्गें कन्ने ठीक गै आखया,

²⁶जाईयै इनें लोकें कन्ने बोल, के सुनदे ते रौगे, लेकन नेई समझगे, ते दिखदे ते रौगे, लेकन नेई बुझगे,

²⁷किके इनें लोकें दा मन मोटा ते उन्दे कन उच्चे ओई गेदे न, ते उनै अपनीयां अखीयाँ बंद कित्तियां न, ऐसा नेई उवै के ओ कदें अखीयाँ कन्ने दिखन ते कन्ने-कन्ने सुनन ते मन कन्ने समझन ते फिरि जांन, तां आंऊँ उनेंगी चंगा करां।

²⁸एस लेई तोस जानो के परमेसर दी एस मुक्ति दी कथा दुई जातीयें दे कोल पेजी गेई ऐ, ते ओ ग्रेण करगन।

²⁹जेसलै ओसने ए आखया, तां यहूदी अप्पुं बिचें मती बैस करना लगे ते उत्त्थुआं दा चली गै।

³⁰ते पौलुस पूरे दो साल अपने कराये आले कर च रिया,

³¹ते जेड़े ओदे कोल औंदे हे, उनै सबनीं कन्ने मिलदा रिया ते बगैर रोक टोक दे मता निडर ओईयै परमेसर दे राज दा प्रचार करदा ते प्रभु यीशु मसीह दियां गल्लां सखांदा रिया।