Read Dogri प्रेरितों के कम 3 Bible Online

प्रेरितों के कम 3 - Dogri bible

प्रेरितों के कम 3

¹पतरस ते यूहन्ना त्रिऐ पैर प्रार्थना दे बेलै मंदर च जा करदे हे।

²ते लोग एक जन्म दे लंगड़े गी आना करदे हे, जिसी ओ अर रोज मंदर दे ओस फाड़क उपर जिसी छैल आखया जंदा ऐ बठाई दिंदे हे। के ओ मन्दर च जाने आलें थमां पेख मंगैं।

³जेसलै ओसने पतरस ते यूहन्ना गी मंदर च जंदे दिखया, ते उंदे थमां पेख मंगी।

⁴पतरस ने यूहन्ना दे कन्ने ओसदी बखी त्यान कन्ने दिखियै आखया, “साड़ी आली बखी देख!”

⁵एस आसतै ओ उंदे थमां केछ पाने दी आस रखदे ओई उंदी बखी तकन लगया।

⁶ओस बेलै पतरस ने आखया, “चांदी ते सुन्ना तां मेरे कोल नेई, लेकन जे मेरे कोल ऐ ओ तुगी दिना ऐं; यीशु मसीह नासरी दे नां कन्ने ओठ चल फेर।”

⁷ते पतरस ने ओदा सज्जा अथ्थ पकड़ीयै उसी ठुआलया; ते फोरन ओदे पैरें ते गोडें च जोर आई गीया।

⁸ओ उड़कीयै खड़ोई गीया, ते चलना-फिरना लगया; ते चलदा, ते उड़दा, ते परमेसर दी सतुति करदे ओई उन्दे कन्ने मंदर दे च गीया।

⁹ओस बेलै सारें लोकें उसी चलदे-फिरदे ते परमेसर दी स्तुति करदे दिखियै,

¹⁰उसी उनै पंछानी लेता के ए उवै लंगड़ा ऐ, जेड़ा मंदर दे “छैल” फाटक उपर बैठीयै पेख्ख मंगा करदा हा; ते ओ कटना जेड़ी थमां ओदे कन्ने ओई दी ही; ओ मते रांन ते सोचे च पेई गै।

¹¹जेलै ओ पतरस ते यूहन्ना गी पकड़े दा हा, ते सारे लोग बडे रांन ओईयै ओस चबारे च जेड़ा सुलैमान दा आखया जंदा हा, उंदे कोल दौड़ी आए।

¹²ए दिखियै पतरस ने लोकें गी आखया, “ए इस्राएलियें, तोस एस मनुक्ख उपर कि रांनगी करदे ओ, ते साड़ी आली बखी कि इयां दिखा करदे ओ? के समझो असेंगै अपनी शक्ति जां पक्ति कन्ने इसी चलने-फिरने दे काबल बनाई दिता।

¹³अब्राहम, इसहाक, ते याकूब दे परमेसर साड़े बुजुर्गें दे परमेसर ने अपने सेवक यीशु दी मैमा कित्ती, जिसी तुसें पड़काई दित्ता, ते जेसलै पिलातुस ने उसी छुड़ी देने दा वचार कित्ता, तां तुसें ओदे सामने यीशु दा एन्कार कित्ता।

¹⁴तुसें ओस पवित्र ते तरमी दा एन्कार कित्ता, ते अर्ज कित्ती के एक अत्यारे गी थुआड़े आसतै छुड़ी दिता जा;

¹⁵ते तुसें ओस जंदडी गी बनाने आले गी मारी दिता, जिसी परमेसर ने मरें बिचा जिंदा कित्ता; ते एस गल्ल दे अस गवाह न।

¹⁶ते मसीह यीशु दे नां च विश्वास थमां एस मनुक्ख गी जिसी तोस दिखदे ओ, ते जानदे बी ओ, ताकत दित्ती ऐ। ए मनुक्ख यीशु दे नां च ते मसीह यीशु च पक्का ओस विश्वास दे कन्ने बेलकुल पला चंगा ओया ऐ, जियां तोस अप्पुं दिखी सकदे ओ।

¹⁷“ते ऊन ए प्राओ, आंऊँ ए जानना ऐं के ए कम तुसें अन जानें च कित्ता, ते उयांगै थुआड़े प्रधाने बी कित्ता।

¹⁸लेकन जीनें गल्लें गी परमेसर ने सारें पविखवक्तें दे मुआं बिचा पैलैं गै सनाई दिता हा, के ओसदा मसीह दोख चेलग, उनै एस रीति कन्ने पूरा कित्ता।

¹⁹एस लेई, मने गी फेरो ते परमेसर कोल मुड़ी आओ के थुआड़े पाप मटाए जांन, जेस कन्ने प्रभु थमां शांति दे देन औन

²⁰ते ओ ओस यीशु गी पेजै जेड़ा थुआड़े लेई पैलैं दा गै मसीह चुनयां गेदा ऐ।

²¹जरुरी ऐ के ओ सोर्ग च ओस बेलै तकर रवै जेलै तकर के ओ सारीयें गल्लें दा सधार नेई करी लै जेसदी चर्चा पैले जमानें थमां परमेसर ने अपने पवित्र पविखवक्तें दे मुआं बिचा कित्ती ऐ।

²²जियां के मूसा ने आखया, प्रभु परमेसर थुआड़े प्राऐं चा थुआड़े आसतै मेरे आला लेखा एक पविखवक्ता चुनग, जे केछ ओ तुसेंगी आखघ, ओसदी सुनयो।

²³लेकन अर एक मनुक्ख जेड़ा ओस पविखवक्तें दी नेई सनें, लोकें चा नाश कित्ता जाग।

²⁴ते शमूएल थमां लेईयै ओदे बाद आलें तकर जिनैं पविखवक्तें गल्ल आखी उनै सारें इनें दिनें दा सनाया दिता ऐ।

²⁵तोस सारे पविखवक्तें दी औलाद ते ओस बादा दे पागी ओ, जेड़ी परमेसर ने थआड़े बुजुर्गें कन्ने बन्नी, जेसलै ओनें अब्राहम कन्ने आखया, तेरे खांनदानें थमां तरती दे सारे कराने आशीष पागन।

²⁶परमेसर ने अपने सेवक यीशु गी मरें दे बिचा ठुआलीयै पैलैं थुआड़े कोल पेजया, के थुआड़े बिचा अर एक गी ओसदी बराईयां थमां फेरीऐ आशीष दे।”