Read Dogri प्रेरितों के कम 4 Bible Online

प्रेरितों के कम 4 - Dogri bible

प्रेरितों के कम 4

¹जेसलै पतरस ते यूहन्ना लोकें कन्ने ए आखा करदे हे, तां याजकें ते मंदर दे प्रधान ते सदूकी उंदे उपर चढ़ी आए।

²ओ बड़े गुस्सै च ओए के पतरस ते यूहन्ना लोकें गी यीशु दे बारै च सखांदे हे ते ओसदे मरीयै जिंदा ओनें दा परचार करदे हे

³उनै उनेंगी पकड़ीयै दुए देन तकर अवालात बेच रखया किके शाम ओई गेदी ही।

⁴लेकन वचन गी सुनने आलें बिचा मतें सारें यीशु उपर बश्वास कित्ता, ते उंदी गेनती पंज्ज जार मरदें दे लगपग ओई गई।

⁵दुए देन ऐसा ओया के उंदे मोधकर ते प्राचीन ते शास्त्री

⁶ते माहायाजक हन्ना ते कैफा ते यूहन्ना ते सिकन्दर ते जिनैं बी महायाजक दे कराने दे हे, सारे यरूशलेम च किट्ठे ओए।

⁷ते पतरस ते यूहन्ना गी बेच खड़ेरियै पूछन लगे, तुसें ए कम केस शक्ति कन्ने ते केस नां कन्ने कित्ता ऐ।

⁸ओसलै पतरस ने पवित्र आत्मा कन्ने परपुर ओईयै उन्दे कन्ने आखया

⁹ए लोकें दे प्रधानो ते प्राचीन, एस अंग हिनें मनुक्ख दे कन्ने जेड़ी पलाई कित्ती गई ऐ, जेकर अज्ज साड़े थमां एदे बारै च पोछ-पड़ताल कित्ती जंदी ऐ, के ओ कियां चंगा ओया।

¹⁰तां तोस सब ते सारे इस्राएली लोग जानी लियो के यीशु मसीह नासरी दे नां कन्ने जिसी तुसें सूली उपर चढ़ाया, ते परमेसर ने मरें दे बिचा जिंदा कित्ता, ए मनुक्ख थुआड़े सामनें पला-चंगा खडोते दा ऐ।

¹¹ऐ उवै पत्थर ए जिसी तुसें राजमिस्त्रियें नकमां समझया ते ओ कोने दे सिरे दा पत्थर ओई गीया।

¹²ते यीशु दे बगैर कुसे दुए नां कन्ने मुक्ति नेई; किके सोर्ग दे थलै मनुक्खें च ओर कोई दुआ नां नेई दिता गीया, जेस थमां अस मुक्ति पाई सकचै।

¹³जेसलै उनै पतरस ते यूहन्ना दी इम्त दिखी, ते ए जानया के ए अनपढ़ ते साधे मनुक्ख न, ते रांनगी कित्ती; पी उनेंगी पनछानया के ए यीशु दे कन्ने रौंदे हे।

¹⁴लेकन ओस मनुक्ख गी जेड़ा चंगा ओया हा, पतरस ते यूहन्ना दे कन्ने खड़ोते दे दिखियै, ओ वरोध च केछ नेई आखी सके।

¹⁵लेकन उनेंगी महासभै दे बार जाने दा उक्म देईयै, ओ अप्पुं बिचें वचार करन लगे,

¹⁶“अस इनें मनुक्खें कन्ने के करचै? किके ए यरूशलेम दे सारे रौनें आलें उपर परकट ऐ, के इंदे थमां एक बड़ा चमत्कार दसेया गीया ऐ; ते अस ओसदा एन्कार नेई करी सकदे।

¹⁷लेकन एस आसतै के ए गल्ल लोकें च ओर मती नेई फैली जा, अस उनेंगी तमकाचै, के ओ एस नां कन्ने पी कुसे मनुक्ख कन्ने गल्लां नेई करन।”

¹⁸ओस बेलै पतरस ते यूहन्ना गी बलाया ते ठाकीयै ए आखया, “यीशु दे नां कन्ने केछ बी नेई बोलयो ते नेई सखायो।”

¹⁹लेकन पतरस ते यूहन्ना ने उनेंगी जबाब दिता, “तोस गै न्याय करो, के के ए परमेसर दे कोल पला ऐ, के अस परमेसर दी गल्ल थमां बद थुआड़ी गल्ल मनचै।

²⁰किके ए तां साड़े थमां ओई नेई सकदा के जे असैं दिखया ते सुनया ऐ, ओ नेई आखचै।”

²¹ओस बेलै उनै उनेंगी ओर तमकाईयै छुड़ी दिता, किके लोकें दे कारन उनेंगी सजा देने दा कोई बानां नेई थुआ, एसकरी के जेड़ी कटना ओई ही ओसदे कारन सब लोग परमेसर दी बड़ाई करदे हे।

²²किके ओ मनुक्ख, जेसदे उपर ए चंगा करने दा चमत्कार दसया गीया हा, चाली साल थमां बद उम्र दा हा।

²³पतरस ते यूहन्ना छुड़कियै अपने साथियें दे कोल आए, ते जे केछ प्रधान याजकें ते प्राचीन उनेंगी गलाया हा, उनेंगी सनाई दिता।

²⁴ए सुनीयै, उनै एक मन ओईयै उच्ची बाज कन्ने परमेसर कन्ने आखया, “ए प्रभु, तू उवै ऐं जेस ने सोर्ग ते तरती ते समुंद्र ते जे केछ ओस बेच ऐ बनाया।”

²⁵तो पवित्र आत्मा थमां अपने सेवक साड़े पिता दाऊद दे मुं थमां आखया, “दुई जातीयें हुल्लड़ कि मचाया? ते देश देश दे लोकें कि बेअर्थ गल्लां सोचीयां?

²⁶प्रभु ते ओदे मसीह दे वरोध च तरती दे राजा खड़ोते, ते कीम एक मुठ्ठ ओई गै।”

²⁷“किके सचमुच तेरे सेवक यीशु दे वरोध च, जेसदा तो अभिषेक कित्ता, हेरोदेस राजा ते पुन्तियुस पिलातुस बी दुई जातीयें ते इस्राएलियें दे कन्ने किट्ठे ओए,

²⁸के जे केछ पैलैं थमां तेरी शक्ति ते मकसद थमां पक्का हा उवै करै।

²⁹ऊन ए प्रभु, उंदी तमकीयें गी देख; ते अपने दासें गी ए वरदान दे के तेरा वचन बड़ी दलेरी कन्ने सुनाँन।

³⁰ते चंगा करने आसतै तू अपना अथ्थ बदा के चेन्न ते चमत्कार तेरे पवित्र सेवक यीशु दे नां कन्ने कित्ते जांन।”

³¹जेसलै ओ प्रार्थना करी चुके, तां ओ जगा जित्त्थें ओ किट्ठे हे हिली गेई, ते ओ सब पवित्र आत्मा कन्ने परपुर ओई गै, ते परमेसर दा वचन दलेरी कन्ने सुनांदे रे।

³²बश्वास करने आलें दी मंडली एक चेत्त ते एक मने दी ही, इत्थैं तकर के कोई बी अपनी सम्पति अपनी नेई समझदा हा, लेकन सब केछ सांझे च हा।

³³ते प्रेरित बड़ी शक्ति कन्ने प्रभु यीशु दे जिंदा ओनें दी गुआई दिंदे रे ते उंदे सारें उपर मती क्रपा ही।

³⁴उंदे च कोई बी गरीब नेई हा; किके जिंदे कोल जमीन जां कर हे, ओ उनेंगी बेची-बेचियै, बिकी दी चीजें दा मोल्ल आनदे,

³⁵ते उसी प्रेरितें गी दिंदे हे; ते जेसदी बी लोड ओंदी ही, ओसदे मताबक अर एक गी बंडदे हे।

³⁶युसूफ नां साइप्रस दा एक लेवी हा जेसदा नां प्रेरितें बरनबास (मतलब शांति दा जाकत) रखया हा।

³⁷ओसदी केछ जमीन ही, जिसी ओसने बेचया, ते मोल्ल दे पैसे आनीयै प्रेरितें गी देई दिंदे हे।