Read Dogri प्रेरितों के कम 5 Bible Online

प्रेरितों के कम 5 - Dogri bible

प्रेरितों के कम 5

¹हनन्याह नां दा एक मानु, ते ओसदी करेआली सफिरा ने अपनी केछ जमीन बेची

²ते ओदे पैसें चा केछ रखी दिता; ते ए गल्ल ओसदी करेआली बी जानदी ही, ते ओसदा एक ऐसा आनीयै प्रेरितें गी देई दित्ता।

³लेकन पतरस ने आखया, “ए हनन्याह! शतान ने तेरे मन च ए गल्ल कि पाई ऐ के तू पवित्र आत्मा कन्ने चुठ बोले, ते जमीन दे केछ पैसे रखी ले?

⁴जेलै तकर ओ तेरे कोल रेई, के तेरी नेई ही? ते जेलै बिकी गेई तां के ओदी कीमत तेरे वश च नेई ही? तो ए गल्ल अपने मन च कि बचारी? तो मनुक्ख कन्ने नेई लेकन परमेसर कन्ने चुठ गलाया ऐ।”

⁵ए गल्लां सुनदे गै हनन्याह जमीन उपर टेई गीया ते प्राण शुड़ी दिता, ते सारें सुनने आलें उपर बड़ा डर शाई गीया।

⁶पी जवानें आईयै ओसदा कीड़ा बनाया ते बार लेईयै संसकार करी दिता।

⁷लगपग त्रै कैंटे बाद ओसदी करेआली, जे केछ ओया हा नेई जानियें, अन्दर आई।

⁸ओस बेलै पतरस ने उसी आखया, “मिकी सना के तुसें ओ जमीन इनें गै पैसें कन्ने बेची ही?” ओनें आखया, “आं, इनें च गै।”

⁹पतरस ने उसी आखया, “ए के गल्ल ऐ के तुसें दौनीं प्रभु दे आत्मा दी परिख्या आसतै एक कित्ता? देख, तेरे करेआले दा संसकार करने आले दरबाजे उपर गै खड़ोते न, ते तुगी बी बार लेई जागन।”

¹⁰ओस बेलै ओ फोरन ओदे पैरें च पेई गई, ते प्राण छुड़ी दिते; ते जवानें कोल आईयै उसी मरीदियें गी दिखया, ते बार लेईयै उसी ओदे करेआले कन्ने संसकार करी दिता।

¹¹सारी कलीसिया उपर ते इनें गल्लें गी सब सुनने आलें यरूशलेम दे विश्वासियें उपर, मता डर शाई गीया।

¹²प्रेरितें दे अथ्थें थमां मते सारे चेन्न ते चमत्कार लोकें बेच दसे जंदे हे, मसीह दे विश्वासी सारे एक चेत्त ओईयै सुलैमान दे चबारे च किट्ठे ओदे हे।

¹³लेकन बाकीयें बिचा कुसे गी बी इम्त नेई ओंदी ही के, उन्दे कन्ने मिलचै; पी बी लोग उंदी बड़ाई करदे हे।

¹⁴ते बश्वास करने आले मते सारे मरद ते जनांनीयां प्रभु दी कलीसिया च बड़ी गिनती च मिलदे रे।

¹⁵इत्थैं तकर के लोग बीमारें गी सिड़कें उपर लेयाई-लेयाईयै, खट्टे ते खटोलें उपर लटाई दिंदे हे, के जेलै पतरस अवै, ते ओसदे परधांमा गै कुसे उपर पेई जा।

¹⁶ते यरूशलेम दे आसे पासे दे शैरें थमां बी मते लोग बमारें ते अशोद्ध आत्मा दे सताएं दें गी लेयाई-लेयाईयै, किट्ठे ओदे हे, ते सारे चंगे करी दिते जंदे हे।

¹⁷ओस बेलै महायाजक ते ओदे सारे साथी जेड़े सदूकियें दे पंथ दे हे, गुस्सै कन्ने परोई गै

¹⁸ते प्रेरितें गी पकड़ीयै जेलै च बंद करी दिता।

¹⁹लेकन रात गी प्रभु दे एक सोर्गदूत जेले दे दरबाजे खोलियै उनेंगी बार आनीयै आखया,

²⁰“जाओ, मंदर च खड़ोईयै, एस मेशा दी जिंदड़ी दियां सब गल्लां लोकें गी सनाओ।”

²¹ओ ए गल्लां सुनीयै सबेरे ओदे गै मंदर च जाईयै शिखया देन लगे। लेकन महायाजक ते ओदे साथियें आईयै महासभै गी ते इस्राएलियें दे सब बुजुर्गें गी किट्ठा कित्ता, ते जेले च आखी पेजया के उनेंगी लेई औन।

²²लेकन जेल दे अधिकारियें उत्थें पूजियै उनेंगी जेल च नेई दिखया, ते मुड़ीयै सनिया दिता,

²³“असैं जेल गी बडे चक्न्नें ओईयै बंद कित्ते दा हा, ते पैरेदारें गी बार दरबाजें उपर खड़ोते दे दिखया; लेकन जेसलै खोलया, तां कोल अन्दर कोई नेई मिलया।”

²⁴जेसलै मंदर दे प्रधान ते प्रधान याजकें ए गल्लां सुनींयां, तां उंदे बारै च बड़ी चेंता च पेई गै के उंदा के ओया

²⁵इनें च कुसे आईयै उनेंगी सनाया, “दिखो, जिनेंगी तुसें जेले च रखा दा हा, ओ मनुक्ख मंदर च खड़ोईयै लोकें गी शिखया दे करदे न।”

²⁶ओस बेलै प्रधान, अधिकारियें कन्ने जाईयै, उनेंगी लेई आया, लेकन जबरदस्ती नेई, किके ओ लोकें थमां डरदे हे, के साड़े उपर कोई पत्थर नेई मारे।

²⁷उनै उनेंगी पी आनीयै महासभा दे सामने खड़ा करी दिता ते ओस बेलै महायाजक ने उनेंगी पूछया,

²⁸“के असैं तुसेंगी ठाकीयै उक्म नेई दिता हा, के तोस एस नां कन्ने शिखया नेई दियो? तां बी दिखो, तुसें सारे यरूशलेम गी अपनी शिखया कन्ने परी दित्ता दा ऐ ते ओस मनुक्ख दी अत्या साड़ी मुंडी उपर आनना चांदे ओ।”

²⁹ओसलै पतरस ते, दुए प्रेरितें जबाब दिता, “मनुक्खें दे उक्म थमां बद परमेसर दे उक्म दा पालन करना गै साड़ा फर्ज ऐ।

³⁰साड़े बजुरगें दे परमेसर ने यीशु गी जिंदा कित्ता, जिसी तुसें सूली उपर लटकाईयै मारी दिता हा।

³¹उसी गै परमेसर ने प्रभु ते मुक्ति देने आला रखया, अपने सज्जे अथ्थ कन्ने उच्चा कित्ता, के ओ इस्राएलियें गी मन फेरने दी ते पापें दी माफी दियें।

³²ते अस इनें गल्लें दे गवाह न, ते उय्यां गै पवित्र आत्मा बी, जिसी परमेसर ने उनेंगी दिता दा ऐ, जेड़े ओसदे उक्म गी मनदे न।”

³³ए सुनीयै सभा दे लोक बलि उठे, ते उनेंगी मारना चाया।

³⁴लेकन गमलीएल नां दा एक फरीसी जेड़ा यहूदीयें दे कनून गी जाननें आला ते सब लोकें च आदरमान आला हा, महासभै च खड़ोईयै प्रेरितें गी थुड़े चेर आसतै बार कढी देने दा उक्म दित्ता।

³⁵ओस बेलै ओनें सभा दे लोकें गी आखया, “ए इस्राएलियें, तोस जे केछ इनें मनुक्खें कन्ने करना चांदे ओ, सोची समझीयै करयो।

³⁶किके इनें दिनें थमां पैलैं थियूदास ए आखदे ओई जागया, के आंऊँ बी केछ ऐं; ते कोई चार सौ मनुक्ख ओदे कन्ने ओई गै, लेकन ओ मारा गीया; ते जिनैं लोग उसी मनदे हे, सारे तितर-बितर ओए ओ ते मिटी गै।

³⁷एस दे बाद नां लिखाई दे दिनें च यहूदा गलीली जागया, ते केछ लोग अपनी बखी करी लेते; ओ बी मरोई गीया, ते जिनैं लोग उसी मनदे हे, सारे तितर-बितर ओई गै।

³⁸एस आसतै आंऊँ थुआड़े कन्ने आखन ऐं, इनें मनुक्खें कोलां दूर गै रवो ते उन्दे कन्ने केछ लैंन देंन नेई रखो; किके जेकर ए योजना जां कम मनुक्खें थमां ओग तां ओ मिटी जागन;

³⁹लेकन जेकर परमेसर थमां ऐ, तां तोस उनेंगी कदें बी नेई मिटाई सकगे। कुत्ते ऐसा नेई उवै के तोस परमेसर कन्ने बी लड़ने आले बनो।”

⁴⁰ओस बेलै उनै ओसदी गल्ल मनी लेई; ते प्रेरितें गी बलाईयै मार चढ़ांई; ते ए उक्म देईयै छुड़ी दिता, के यीशु दे नां कन्ने पी कोई गल्ल नेई करयो।

⁴¹ओ एस गल्ल कन्ने खोश ओईयै महासभा दे सामने थमां चली गै, के अस यीशु दे नां कन्ने बे आदरे ओनें दे जोग तां बनें।

⁴²एस दे बाद प्रेरित रोज मंदर च ते कर-कर च लगातार शिखया दिंदे, ते शोभ समाचार प्रचार करदे हे के यीशु गै मसीह गै।