Read Dogri रोमियो 10 Bible Online

रोमियो 10 - Dogri bible

रोमियो 10

¹ए विश्वासी प्राओ, मेरे मन दी खुआश ते अपने लोकें लेई परमेसर अगें मेरी प्रार्थना ऐ, के उनेंगी परमेसर बचा।

²किके आऊँ उन्दी गुआई दिना ऐं, के उनेंगी परमेसर दे लेई जोश तां ऐ, लेकन समझदारी क्न्ने नेई।

³किके ओ परमेसर दी तार्मिकता कन्ने अनजांन ओईयै, ते अपनी तार्मिकता गी कैम करने दी कोष्ट करियै, परमेसर दी तार्मिकता दे दीन नेई ओए।

⁴किके अर एक विश्वास करने आले दे लेई तार्मिकता दी खातर मसीह कनून दा ऐन्त ऐ।

⁵किके मूसै कनून थमां आसल कित्ती दी तार्मिकता दे बारै ए लिखया ऐ; जेड़ा मनुक्ख उनै कनुनें गी मनदा ऐ, ओ उन्दे कन्ने जिन्दा रौग।

⁶लेकन जेड़ी तार्मिकता विश्वास कन्ने ऐ, ओ ए आखदी ऐ, “तू अपने मन च ए नेई आखेयां के सोर्ग च कोन जाग?” (मतलब मसीह गी तुआरने लेई)

⁷जां “नरक च कोन उतरग?” (मतलब मसीह गी मोड़दें चा जिदां करियै उपर आननें आसतै)!

⁸लेकन ओ तार्मिकता के आखदी ऐ? ए, के “वचन तेरे कोल ऐ, तेरे मुंह च ते तेरे मन च ऐ, ए उवै विश्वास दा वचन ऐ, जेसदा अस प्रचार करनयां न।”

⁹के जेकर तू अपने मुंह थमां यीशु गी अपना प्रभु मन्नीयै सारे दे सामने अंगीकार करें, ते अपने मन कन्ने विश्वास करें, के परमेसर ने उसी मोड़दें चा जिन्दा कित्ता, तां तू जरुर बची जागा।

¹⁰किके तार्मिकता लेई मन थमां विश्वास कित्ता जन्दा ऐ, ते मुक्ति दे लेई मुंह चा अंगीकार कित्ता जन्दा ऐ।

¹¹किके यश्याहा पविख्वक्ता पवित्र शास्त्र च ए आखदा ऐ, “जेड़ा कोई ओदे उपर विश्वास करग ओ शर्मिंदा नेई ओग।”

¹²यहूदीयें ते यूनानियें च केछ फर्क नेई, एसकरी के परमेसर सारें दा प्रभु ऐ, ते अपने सारे नां लेने आलें लेई खुशी ऐ।

¹³किके, “जेड़ा कोई प्रभु दा नां लैग, ओ बचाया जाग।”

¹⁴पी जेस उपर उनै लोकें विश्वास नेई कित्ता, ओ ओदा नां कियां लैगन? ते जेसदे बारै च सुनया नेई ओस उपर कियां विश्वास करगन? ते प्रचार करने आलें दे बगैर कियां सुनगन?

¹⁵ते जेकर पेजे नेई जांन, तां कियां प्रचार करगन? जियां पवित्र शास्त्र च लिखे दा ऐ, “उन्दे पैर किनें शैल न, जेड़े अच्छी गल्लें दा शोभ समाचार सुनांदे न!”

¹⁶लेकन सारें इस्राएली लोकें ओस शोभ समाचार गी ग्रहण नेई कित्ता; यशायाह पविख्व्कता आखदा ऐ, “ए प्रभु, किन्नें साड़े शोभ समाचार उपर विश्वास कित्ता ऐ?”

¹⁷एसकरी विश्वास वचन सुनने थमां ते सुनना मसीह दे वचन चा ओंदा ऐ।

¹⁸लेकन आऊँ पूछना ऐं, के इस्राएल दे लोकें नेई सुनया? उनै सुनयां ते सेई किके पवित्र शास्त्र च लिखे दा ऐ, “उन्दी बाज सारी तरती उपर, ते उन्दे वचन दुनिया दे कोने तकर पूजी गै न।”

¹⁹आऊँ पी पूछना ऐं, के इस्राएली नेई जांनदे हे? पैलैं तां प्रभु ने मूसा थमां ए खुआया, “आऊँ उन्दे थमां जेड़े मेरी जाती नेई, थुआड़े मन च जलन पैदा करागा, आऊँ एक मुर्ख जाती थमां तुसेंगी गुस्सै च करागा।”

²⁰पी यशायाह पविख्वक्ता मती दलेरी कन्ने आखदा ऐ, “जेड़े मिगी नेई तुपदे हे, आऊँ उनेंगी मिली गीया ऐं; ते जेड़े मिगी पुछदे बी नेई हे, उन्दे उपर आऊँ परकट ओई गीया।”

²¹लेकन इस्राएली लोकें दे बारै च ओ ए आखदा ऐ, “आऊँ सारा देन एक जाती जेड़ी उक्म नेई मनने आली ते बैस करने आली ऐ ओदे अगें अथ्थ बद्दाईयै सद्दै करना ऐं।”