Read Dogri रोमियो 15 Bible Online

रोमियो 15 - Dogri bible

रोमियो 15

¹एस लेई असेंगी जेड़े विश्वासी च मजबूत न चाईदा, के कमजोरें दी कमजोरीयें च मदद करचै, नां के अपने आप गी खोश करचै।

²साड़े बिचा अर एक अपने गुआंडी गी ओदी पलाई दे लेई खोश करै के ओदी तरक्की उवै।

³किके मसीह ने अपने आप गी खोश नेई कित्ता, लेकन जियां पवित्र शास्त्र च लिखे दा ऐ; “तेरी निंदया करने आलें मेरी निंदया कित्ती ऐ।”

⁴जिनियां गल्लां पैलैं थमां पवित्र शास्त्र च लिखीयां गेईयां, ओ साड़ी गै शिखया आसतै लिखीयां गेईयां न के अस सबर ते पवित्र शास्त्र दे औसले थमां आस रखचै।

⁵मेरी प्रार्थना थुआड़े आसतै ए ऐ, के सबर ते औसला देने आला परमेसर तुसेंगी ए वरदान दे, के मसीह यीशु दे मताबक अप्पुं बिचें च एक मन रवो।

⁶तां जे तोस सारे एक मन ते एक बाज ओईयै साड़े प्रभु यीशु मसीह दे पिता परमेसर दी स्तुति करो।

⁷एसकरी, जियां मसीह ने परमेसर दी मैमा लेई तुसेंगी ग्रेण कित्ता ऐ, इयां गै तोस बी एक दुए गी ग्रेण करो।

⁸एसकरी आऊँ आखना ऐं, के जेड़े बायदा, बुजुर्गें गी दिते गेदे हे, उनेंगी पक्का करने आसतै मसीह, परमेसर दी सच्चाई दा सबूत देने दे लेई, यहूदी लोकें दा सेवक बनया;

⁹ते दुई जातीयां बी परमेसर दी दया दे कारन परमेसर दी स्तुति करन; जियां पवित्र शास्त्र च लिखे दा ऐ, “एस लेई आऊँ जाती-जाती च तेरी स्तुति करगा, ते तेरे नां दे पजन गागा।”

¹⁰पी अख्खे ऐ, “ए दुई जाती दे सारे लोको, परमेसर दे अपने लोकें कन्ने खुशी मनाओ।”

¹¹ते पी पवित्र शास्त्र आखदा ऐ, “ए दुई जाती दे सारे लोकें, प्रभु दी स्तुति करो; ते ए लाकें-लाकें दे सारे लोकें, ओसदी स्तुति करो।”

¹²ते पी यशायाह पविख्व्कता आखदा ऐ, “यिशै दी एक जड़ परकट ओग, ते दुई जातीयें दा मुखीआ ओनें लेई एक निकलग, ओदे उपर दुई जातीयां आस रखगन।”

¹³मेरी परमेसर कन्ने ए प्राथना ऐ, जेड़ा आस दा दाता ऐ तुसेंगी विश्वास करने च सारे चाली दी खुशी ते शान्ति कन्ने परपुर करै, के पवित्र आत्मा दी शक्ति कन्ने थुआड़ी आस बददी जाग।

¹⁴ए मेरे साथी प्राओ, आऊँ अप्पुं थुआड़े बारै च पक्का जाननां ऐ, के तोस बी अप्पुं गै पलाई कन्ने परुओ ते परमेसर दे ज्ञान कन्ने परपुर ओ, ते एक दुए गी समझाई सकदे ओ।

¹⁵पी बी मैं कदें-कदें चेता कराने आसतै तुसेंगी जेड़ा बड़ी इम्त करियै लिखया। ए ओस क्रपा दे कारन ओया, जेड़ी परमेसर ने मिगी दिती ऐ,

¹⁶के आऊँ दुई जातीयें आसतै मसीह यीशु दा सेवक ओईयै परमेसर दे शोभ समाचार दी सेवा याजक आला लेखा करां, जेदे कन्ने दुई जातीयें दा समझो पेंट चढ़ाया जाना, पवित्र आत्मा कन्ने पवित्र बनियें ग्रेण कित्ता जा।

¹⁷एसकरी उनै गल्लें दे बारै च जेड़ीयां परमेसर कन्ने जोड़ रखदियां न, आऊँ मसीह यीशु च बड़ाई करी सकना ऐं।

¹⁸किके उनै गल्लें गी छुड़ीयै मिगी ओर कुसे गल्ल दे बारै बोलने दी इम्त नेई, जेड़ी मसीह ने मेरे थमां दुई जातीयें गी मनानें दे लेई वचन, ते कर्म,

¹⁹ते चेन्न, ते चमत्कार कम्में दी शक्ति कन्ने, ते पवित्र आत्मा दी शक्ति कन्ने मेरे थमां कित्ते; इत्थैं तकर के मैं यरूशलेम चा लेईयै आले दूआले इल्लुरिकुम तकर मसीह दा शोभ समाचार पूरा-पूरा प्रचार कित्ता।

²⁰लेकन मेरी मन दी चात ए ऐ, के जिथें-जिथें मसीह दा नां नेई लेता गीया, उत्थें गै शोभ समाचार सुनां, ऐसा नेई उवै, के दुए दी मनेंदें उपर कार बनां।

²¹लेकन जियां पवित्र शास्त्र च लिखे दा ऐ, उयांगै उवै, “जिनेंगी ओदा शोभ समाचार नेई पूजया, उवै दिखगन, ते जिनैं नेई सुनयां, उवै समझगन।”

²²एसकरी आऊँ थुआड़े कोल औने थमां बार-बार रुके दा रिया।

²³लेकन ऊन इनें देशें च मेरे कम दे लेई जगा नेई रेई, ते मते सालें थमां मिगी थुआड़े कोल औने दी इच्छया ऐ।

²⁴एस लेई जदू आऊँ स्पेन देश गी जागा तां जंदे बेलै थुआड़े कोल औगा। किके मिगी आस ऐ, के आऊँ थुआड़े इत्थैं ओदे ओई जागा के थुआड़ी संगति कन्ने मेरा मन खोश ओई जा, तां तोस मिगी केछ दूर अगें तकर पजागे,

²⁵लेकन ऊन ते आऊँ पवित्र संतें दी सेवा करने लेई यरूशलेम गी जा करना ऐं।

²⁶किके मकिदुनिया लाकें ते अखाया दे लोकें दे वश्वासीयें गी ए अच्छा लगया, के यरूशलेम दे पवित्र लोकें च गरीबें दे लेई केछ चंदा करचै।

²⁷उनै ए खुशी कन्ने कित्ता, लेकन ओ यरूशलेम दे रौने आले दे कर्जदार बी ऐ न, किके जेकर दुई जातीयें दे लोक उन्दे आत्मिक गल्लें च पागीदार ओए, तां उन्दे आसतै बी बाजब ऐ, के शरीरक गल्लें च उन्दी सेवा करचै।

²⁸एसकरी आऊँ ए कम पूरा करियै ते उनेंगी ए चंदा सोंपियै थुआड़े कोलां ओदे ओई स्पेन देश गी जागा।

²⁹ते आऊँ जाननां ऐं, के जदू आऊँ थुआड़े कोल औगा, तां मसीह दी पूरी आशीष दे कन्ने औगा।

³⁰ए साथी प्राओ, साड़े प्रभु यीशु मसीह दे ते पवित्र आत्मा दे प्यार दा चेत्ता कराईयै आऊँ थुआड़े अगें अर्ज करना ऐं, मेरे आसतै परमेसर अगें प्रार्थना करने च मेरे कन्ने मिलीयै लगातार करदे रवो

³¹के आऊँ यहूदीया दे गैर वश्वासीयें कोलां बचे दा रवां, ते मेरी ओ सेवा जेड़ी यरूशलेम दे लेई ऐ, पवित्र संत लोकें गी अच्छी लगे;

³²ते आऊँ परमेसर दी मरजी कन्ने थुआड़े कोल खुशी दे कन्ने आईयै चैन पां।

³³शान्ति दा परमेसर थुआड़े सारें दे कन्ने रवै। आमीन।