Read Dogri रोमियो 16 Bible Online

रोमियो 16 - Dogri bible

रोमियो 16

¹आऊँ तेरे कन्ने फीबे लेई जेड़ी साड़ी पैन ते किंख्रिया शैर दी कलीसिया दी सेविका ऐ, अर्ज करना ऐं।

²के थुआड़े, जिए पवित्र लोकें गी चाईदा ऐ, उसी प्रभु च ग्रेण करो; ते जेस कुसे गल्ल च उसी तेरी जरुरत ओग, ओदी मदद करो, किके ओ बी मते दी वरन मेरी बी मदद करने आली ओई दी ऐ।

³प्रिसकिल्ला ते अक्विला गी जेड़े मसीह यीशु च मेरे कन्ने सेवा करने आले न, मेरा नमश्कार दियां।

⁴उनै मेरे प्राण लेई अपनी गै जेंद जोखमें च पाई दिती ही; ते सेर्फ आऊँ गै नेई, वरन दुई जातीयें दी सारी कलीसियां बी उन्दा शुक्र करदीयां न।

⁵ते ओस कलीसिया गी बी नमश्कार जेड़ी उन्दे कर च ऐ। मेरे प्रिय इपैनितुस गी, जेड़ा मसीह दे लेई आसिया लाके दा पैला फल ऐ, नमश्कार।

⁶मरियम गी, जेस ने थुआड़े लेई बड़ी मेंनत कित्ती, नमश्कार।

⁷अन्दरूनीकुस ते युनियास गी जेड़े मेरे साथी इको करे दे न, ते मेरे कन्ने कैद च हे, ते प्रेरितें च आदर दे जोग न, ते मेरे कोलां पैलैं मसीही च आए हे, नमश्कार।

⁸अम्पलियातुस गी, जेड़ा प्रभु च मेरा प्रिय ऐ, नमश्कार।

⁹उरबानुस गी, जेड़ा मसीह च मेरे कन्ने सेवा दा कम करने आला ऐ, ते मेरे प्रिय इस्तखुस गी नमश्कार।

¹⁰अपिल्लेस गी जेड़ा मसीह च खरा निकलया, नमश्कार। अरिस्तुबुलुस दे कराने गी नमश्कार।

¹¹मेरे यहूदी करे दे हेरोदियोन गी नमश्कार। नरकिस्सुस दे कराने गी जेड़े लोक प्रभु च न, उनेंगी नमश्कार।

¹²त्रूफेना ते त्रूफोसा गी जेड़ीयां प्रभु च मेंनत करदीयां न, नमश्कार। प्रिय पिरसिस पैन गी, जेस ने प्रभु च मती मेंनत कित्ती, नमश्कार।

¹³रुफुस गी जेड़ा प्रभु च चुने दा ऐ, ते ओसदी माता गी, जेड़ी मेरे लेई बी माता जेई ऐ, दौनी गी नमश्कार।

¹⁴असुंक्रितुस ते फिलगोन ते हिर्मेस, ते पत्रुबास, ते हिर्मास ते उन्दे साथी प्राऐं गी नमश्कार।

¹⁵फिलुलुगुस ते यूलिया ते नेर्युस ते ओसदी पैन, ते उलुम्पास ते उन्दे कन्ने दे सारे पवित्र संत लोकें गी नमश्कार।

¹⁶अप्पुं बिचें पवित्र चुम्बन कन्ने नमश्कार करो। तुसेंगी मसीह दी सारी कलीसिया थमां नमश्कार।

¹⁷ऊन ए साथी प्राओ, आऊँ थुआड़े कन्ने अर्ज करना ऐं, के जेड़े लोक ओस ठीक शिखया दे ओलट, जेड़ी तुसें लेती ऐ, फोट पुआने ते ठोकर खलाने दा कारन ओदे न, उन्दे कोलां दूर रवो।

¹⁸किके ऐसे लोक साड़े प्रभु मसीह दी नेई, लेकन अपने पेट दी सेवा करदे न; ते चिकनी चुपड़ी गल्लें कन्ने सीधे-साधे मन दे लोकें गी बहकाई ओडदे न।

¹⁹थुआड़ी उक्म मनने दी चर्चा सारे लोकें च फैली गई ऐ, एसकरी आऊँ थुआड़े बारै च खुशी मनानां ऐं, लेकन आऊँ ए चानां ऐं, के तोस पलाई आसतै अच्छे बुद्धिमान, लेकन बराई दे लेई पोले बने रवो।

²⁰शान्ति दा परमेसर शतान गी थुआड़े पैरें दे थल्लै तौला कुचली देग। साड़े प्रभु यीशु मसीह दी क्रपा थुआड़े उपर ओंदी रवै।

²¹मेरे कन्ने सेवा दा कम करने आले तीमुथियुस दा, ते मेरे यहूदी करे दे लूकियुस ते यासोन ते सोसिपत्रुस मेरे करे दा, तुसेंगी नमश्कार।

²²आऊँ पत्री दे लिखने आले तिरतियुस दा, प्रभु च तुसेंगी नमश्कार।

²³गयुस जेड़ा मेरी ते कलीसिया दी प्रौनगदी करने आला ऐ, ओसदा तुसेंगी नमश्कार। इरास्तुस जेड़ा शैर दा पण्डारी ऐ, ते साड़ा प्रा क्वारतुस दा तुसेंगी नमश्कार।

²⁴मेरी प्रार्थना ए ऐ, के साड़े प्रभु यीशु मसीह दी क्रपा थुआड़े उपर ओंदी रवै। आमीन।

²⁵ऊन जेड़ा तुसेंगी मेरे शोभ समाचार मतलब यीशु मसीह दे बारै च प्रचार दे मताबक मजबूत करी सकदा ऐ, ओस पेद दे परकट ओनें दे मताबक जेड़ा सनातन थमां छिपे दा रिया,

²⁶लेकन ऊन परकट ओईयै सनातन परमेसर दे उक्म कन्ने पविख्ब्कतें दी शास्त्र थमां सारीयें जातीयें गी दसया गीया ऐ, के ओ विश्वास कन्ने उक्म मनने आले ओई जान,

²⁷उसै एक थमां गै बुद्धिमान परमेसर दी यीशु मसीह थमां योग-योग मैमा ओंदी रवै! आमीन।