Read Dogri रोमियो 4 Bible Online

रोमियो 4 - Dogri bible

रोमियो 4

¹तां अस के बोलचै, के साड़े पित्र पिता अब्राहम गी के मिलया?

²किके अगर अब्राहम अच्छे कर्मे दे क्न्ने तरमी बनया जंदा, तां उसी कमंड करने दा केछ कारन ओंदा, लेकन परमेसर दे कोल नेई।

³पवित्र शास्त्र के आखदा ऐ? ए के “अब्राहम ने परमेसर दी गल्ल उपर विश्वास कित्ता, ते ए ओसदे लेई तार्मिकता गिनया गीया।

⁴कम करने आले गी मजुरी देना दान नेई, लेकन हक समझया जन्दा ऐ।”

⁵लेकन जेड़ा कर्म नेई करदा वरन् बिना पक्ति दे तरमी बननें आले उपर विश्वास करदा ऐ, ओदा विश्वास ओदे लेई तार्मिकता गिनया जन्दा ऐ।

⁶जिसी परमेसर बिना कर्मे दे तरमी बनांदा ऐ, उसी दाऊद बी तन्न आखदा ऐ;

⁷“तन्न ऐ ओ जिन्दे अतर्म माफ़ ओए, ते जिन्दे पाप पुल्ले गै।

⁸तन्न ऐ ओ मनुक्ख जिसदे पाप दा परमेसर साव नेई रखदा।”

⁹तां ए सीस वचन खतना आलें दे गै लेई न, जां उन्दे लेई बी जिन्दा खतना नेई ओया? अस आखने न, जियां पवित्र शास्त्र च लिखे दा ए “अब्राहम दा विश्वास ओदे लेई तार्मिकता गिनया गीया।”

¹⁰तां ओ क्दूं ओया? ओदे खतना दी आलत च जां बिना खतने दी आलत च? खतने दी आलत च नेई, वरन् बिना खतने दी आलत च।

¹¹ते उसी खतने दा चैन मिलया, के ओस विश्वास दी ओस तार्मिकता दी मोर ओई जा, जेड़ा ओसने बिना खतने दी आलत च रख्या हा, जेस क्न्ने ओ उनै सारे दा पिता बनें जेड़ा बिना खतने दी आलत च विश्वास करदे न, तां जे बी तर्मी गिने जान,

¹²ते ओ खतना कित्ते गेदे दा ऊऐ, जेड़े नेई सेर्फ जिन्दा खतना कित्ते दा ऐ, लेकन साड़े पूर्वज अब्राहम दे ओस विश्वास दे रस्ते उपर बी चलदे न, जेड़ा ओसने बिना खतने दी आलत च कित्ता हा।

¹³ए बादा कित्ते गीया के अब्राहम ते ओदी औलाद दुनिया दी वारस ओग, नां अब्राहम गी, नां ओदी औलाद गी कनून मनने थमां दित्ती गेई, लेकन विश्वास दी तार्मिकता थमां मिली।

¹⁴किके अगर कनून मनने आले वारस न, तां बायदा बेअर्थ ते नेष्फल ओया;

¹⁵कनून तां परमेसर दा क्रोध पैदा करदा ऐ ते जिथें कनून नेई, उत्थें उसी मननां बी नेई।

¹⁶एस लेई, बायदा बश्वास उपर खडोते दा ऐ के क्रपा दे मताबक उवै, के ओ सारे औलादें लेई पक्का उवै, नां के सेर्फ उन्दे लेई जेड़ा कनून आला ऐ, लेकन उन्दे लेई बी जेड़े अब्राहम आला लेखा विश्वास आले न, ऊऐ तां साड़े सारें दा पिता ऐ,

¹⁷जियां पवित्र शास्त्र च लिखे दा ऐ, “मैं तुगी बड़ी सारी जातीयें दा पूर्वज बनाया ऐ” ओस परमेसर दे नजरें दे सामने जेसदे उपर ओनें विश्वास कित्ता, ते जेड़ा मोड़दें गी जिन्दा करदा ऐ, ते जेड़ीयां चीजां ऐ न गै नेई, उन्दा नां इयां लैंदा ऐ, के समझो ओ ऐ न।

¹⁸ओनें नराशा च बी आस रखियै विश्वास कित्ता, एसकरी के ओस वचन दे मताबक के “तेरी औलाद ए जेई ओग, ओ बड़ी सारी जातीयें दा पिता ओग।”

¹⁹ओ जेड़ा एक सौ बरें दा हा, अपने मरे दे शरीर ते अपनी करेआली सारा दे गर्भ दी मरी दी आलत समझीयै बी विश्वास च कमजोर नेई ओया,

²⁰ते नां अवश्वासी ओईयै परमेसर दे बायदा उपर शक कित्ता, लेकन विश्वास च पक्का ओईयै परमेसर दी मैमा कित्ती;

²¹ते पक्का समझी लेता के जेस गल्ल दा परमेसर ने बायदा कित्ता ऐ, ओ उसी पूरा करने च बी शक्ति रखदा ऐ।

²²एस विश्वास दे कारन, ए ओदे लेई तार्मिकता गिनया गीया।

²³ते ए वचन, “विश्वास ओस लेई तार्मिकता गिनया गीया,” नां सेर्फ ओसदे लेई लिखया गीया,

²⁴लेकन साड़े लेई बी जिन्दे लेई विश्वास तार्मिकता गिनया जाग, ते साड़े लेई जेड़े परमेसर दे उपर बश्वास करदे न, जेस ने साड़े प्रभु यीशु गी मोड़दें चा जिन्दा कित्ता।

²⁵यीशु साड़े पापें लेई मरने आसतै पड़काया गीया, ते साड़े तरमी बनने दे लेई परमेसर ने उस्सी जिन्दा बी कित्ता।