Read Dogri रोमियो 5 Bible Online

रोमियो 5 - Dogri bible

रोमियो 5

¹एसकरी अस विश्वास क्न्ने तरमी बनें, तां अपने प्रभु यीशु थमां परमेसर दे कन्ने मेल मलाप रखो,

²जेदे थमां विश्वास दे कारन ओस क्रपा तकर जेदे च अस बने न, अस उत्थें पूजे बी, ते परमेसर दी मैमा दी आस उपर कमंड करो।

³सेरफ इयै गै नेई, लेकन अस अपने संकटें च बी नन्द करचै, ए समझीयै के संकट थमां सेंन करना सिखेया जांदा ए,

⁴ते सेंन करने थमां खरा निकलना, ते खरा निकलने कन्ने आस पैदा ओंदी ऐ;

⁵ते आस कन्ने शर्मिंदगी नेई ओंदी, किके पवित्र आत्मा जेड़ा असेंगी परमेसर थमां दिता गीया ऐ ओदे थमां परमेसर दा प्यार साड़े मनें च परया गीया ऐ।

⁶किके जेलै अस कमजोर गै हे, तां मसीह सेई मौके उपर दुष्टें लेई मरया

⁷कुसे तरमी मानु लेई कोई मरे ए ते औखा ए, ए तां ओई नेई सकदा ऐ; लेकन के कोई कुसे पले मानु लेई मरने दी इम्त दसै।

⁸लेकन परमेसर साड़े उपर अपने प्यार दी पलाई एस तरीके कन्ने परकट करदा ऐ, के जेलै अस पापी गै हे तां मसीह साड़े लेई मरया

⁹तां जेलै के अस, ऊन यीशु दे खून दे कारन तरमी बने, तां मसीह थमां परमेसर दे गुस्सै कोलां कियां नेई बचगे?

¹⁰किके परमेसर दे बैरी ओनें दी आलत च ओदे पुत्तर दी मौत थमां साड़ा मेल परमेसर कन्ने ओया, पी मेल ओई जाने उपर ओसदे जिंदे ओई जाने दे कारन अस मुक्ति कि नेई पागे?

¹¹ते सेरफ इयै गै नेई, लेकन अस अपने प्रभु यीशु मसीह थमां, जेदे थमां साड़ा मेल परमेसर क्न्ने ओया ऐ, एसकरी अस परमेसर बेच खोश ओदे न।

¹²तां करी जियां एक मनुक्ख दे थमां पाप दुनिया च आया, ते पाप दे थमां मौत आई, ते एस तरीके कन्ने मौत सारे मनुक्खे च आई गई, किके सारे मनुक्खें पाप कित्ता

¹³कनून दे दिते जाने तकर पाप दुनिया च ते हा, लेकन जिथें मूसा दा कनून नेई उत्थें पाप गिनया नेई जनदा।

¹⁴पी बी आदम कोलां लेईयै मूसा तकर मौत ने उनै सारें लोकें उपर बी राज कित्ता, जीनें आदम आला लेखा जेड़ा औने आले मसीह दा चेन्न हा पाप नेई कित्ता।

¹⁵लेकन जींया पाप दी आलात ऐ, इयां क्रपा दे वरदान दी नेई, किके जदू एक मनुक्ख दे पाप कन्ने मते लोक मरे, तां परमेसर दी क्रपा ते ओसदा जेड़ा दान एक मनुक्ख दे, मतलब यीशु मसीह दी क्रपा च ओया मते गै लोकें उपर जरुर उबरीयै ओया।

¹⁶जियां एक मनुक्ख दे पाप करने दा फल ओआ, इयां गै दान दी आलत च नेई, किके एक दे पाप दे कारन न्याय दे उक्म दा फैसला ओया, लेकन मते सारे पापें दे कारन ऐसा वरदान पैदा ओया, के लोक तरमी बनें

¹⁷किके जदू एक मनुक्ख दे पाप दे कारन मौत ने ओस एक दे गै थमां राज कित्ता, तां जेड़े लोक क्रपा ते तरमी रूपी वरदान उबरने थमां पांदे न, ओ एक मनुक्ख दे, मतलब यीशु मसीह थमां जरुर गै मेशा दी जेंदडी च राज करगन।

¹⁸एसकरी जियां एक पाप सारे मनुक्खें लेई सजा दा उक्म दा कारन ओया, इयां गै एक तर्म दा कम बी सारे मनुक्खें लेई मेशा दी जिंदड़ी आसतै तरमी बनी जाने दा कारन ओया।

¹⁹किके जियां एक मनुक्ख दे उक्म नेई मनने कन्ने मते लोक पापी बनें, इयां गै एक मनुक्ख दे उक्म मनने कन्ने मते लोक तरमी ओगन।

²⁰मूसा दे कनून बेच उक्म आया के लोक मते पाप करन, लेकन जिथें पाप बड़ा ओया उत्थें परमेसर दी क्रपा ओस थमां बी जादै ओई,

²¹के जियां सारें दे पाप ने मौत गी फलांदे ओई राज कित्ता, इयां गै साड़े प्रभु यीशु मसीह थमां क्रपा बी मेशा दी जिंदड़ी आसतै तरमी बनाईयै राज करै।