Read Dogri रोमियो 6 Bible Online

रोमियो 6 - Dogri bible

रोमियो 6

¹ते अस के आखचै? के अस पाप करदे रौचै के साड़े उपर क्रपा बड़ी ऊऐ?

²कदें बी नेई! अस जदू पाप दे लेई मरी गै तां अगें गी ओदे च कियां जीचै?

³के तोस जांनदे ओ के असैं सारे जिनैं मसीह यीशु च पवित्रशनांन लेता, असैं ओसदी मौत दा पवित्रशनांन लेता।

⁴एस लेई ओसदी मौत दा पवित्रशनांन पाने कन्ने अस ओदे कन्ने दब्बे गै, तां के जियां मसीह पिता परमेसर दी मैमा थमां मोदें बिचा जिन्दा कित्ता गीया, इयां गै अस बी नमीं जिंदड़ी आला लेखा चाल च चलचे।

⁵किके जेकर अस यीशु दी मौत दे क्न्ने ओदे सभागी ओए, तां जरुर ओदे जिंदा ओनें दी गल्ल बेच ओदे सभागी ओगे।

⁶किके अस जाननयां न के साड़ा पुराना अपना आप मसीह यीशु दे कन्ने सूली उपर चढ़ाया गीया, तां जे पाप आली जेंद खत्म ओई जा, ओर अस अगें गी पाप दे गलाम नेई रौचै।

⁷किके जेड़ा मसीह च मरी गीया, ओ पाप दे शक्ति कोलां छुटकियै तरमी बनी गीया।

⁸एसकरी जेकर अस मसीह दे कन्ने मरी गै, तां साड़ा विश्वास ए ऐ के ओदे कन्ने जिगे बी।

⁹किके अस जाननयां न के मसीह मोड़दें चा जिन्दा ओया, ते ओ फी कदें बी नेई मर्ग, ते मौत ओदे उपर राज नेई करग।

¹⁰किके मसीह जेड़ा मरी गीया तां पाप लेई एक गै बार मरी गीया; लेकन जेड़ा ओ जिन्दा ऐ, तां ओ परमेसर आसतै जिन्दा ऐ।

¹¹इयां गै तोस बी अपने आप गी पाप दी शक्ति दे लेई मरे दा, लेकन परमेसर दे लेई मसीह यीशु च जिन्दा समझो।

¹²एसकरी पाप थुआड़े नाश ओनें आली जिंदु उपर राज नेई करै, के तोस ओदी इच्छें दे थलै रवो

¹³ते नां अपनी जिंदु दे अंगें गी अतर्म दे थयार ओनें आसतै पाप गी सौंपो, लेकन अपने आप गी मोदें चा जिन्दा ओदे आला लेखा समझीयै परमेसर गी सौंपो, ते अपने अंगें गी तर्म दे थयार ओनें लेई परमेसर गी सौंपो।

¹⁴पी थुआड़े उपर पाप दा राज नेई चलग, किके तोस कनून दे थलै नेई मतलब क्रपा दे थलै ओ।

¹⁵तां के ओया? के अस एसकरी पाप करचै के अस कनून दे थलै नेई लेकन क्रपा दे थलै न? कदें बी नेई!

¹⁶तोस जांनदे ओ के जेसदा उक्म मनने कन्ने तोस अपने आप गी दासें आला लेखा सौपी दिन्दे ओ उसै दे दास ओ; पवें पाप दे, जेसदा नतीजा मौत ऐ, पवें उक्म मनन दे, जेसदा नतीजा तार्मिकता ऐ?

¹⁷लेकन परमेसर दा शुक्र ऐ, के तोस जेड़े पाप दे दास हे ऊन पूरे मन कन्ने ओस शिखया गी मनने आले ओई गै, जेसदे सांचे च पाए गेदे हे,

¹⁸ते पाप बिचा छुटकाईयै तर्म दे दास ओई गै।

¹⁹आंऊँ थुआड़ी जेंद दी कमजोरी दे कारन मनुक्खें आला लेखा आखन ऐं। जियां तुसें अपने अगें गी गलत कम दे लेई अशोद्धता दे दास ओनें लेई सोंपया हा, उयांगै ऊन अपने जेंद दे अगें गी पवित्रता लेई तार्मिकता दे दास करियै सौंपी दियो।

²⁰जदू तोस पाप दे दास हे, तां तर्म कोलां दूर हे।

²¹तां जिनैं गल्लें कन्ने ऊन तोस शरमिंदा ओदे ओ, उन्दे कन्ने ओस बेलै तोस के फल पांदे हे? किके उन्दा नतीजा तां मौत ऐ।

²²लेकन ऊन पाप थमां दूर ओईयै ते परमेसर दे दास बनियें तुसेंगी फल मिलया जेस च पवित्रता आसल ओंदी ऐ, ते ओसदा नतीजा मेशा दी जिंदड़ी ऐ।

²³किके पाप दी मजदूरी तां मौत ऐ, लेकन परमेसर दा वरदान साड़े प्रभु मसीह यीशु च मेशा दी जिंदड़ी ऐ।