Read Dogri रोमियो 7 Bible Online

रोमियो 7 - Dogri bible

रोमियो 7

¹ए प्राओ, तोस जानदे ओ (आंऊँ कनून दे जानने आलें गी आखन ऐं) के जदू तकर मनुक्ख जिन्दा रौंदा ऐ, तदुं तकर ओदे उपर कनून दा राज रौंदा ऐ?

²ब्याह कित्ती दी जनानी कनून आले लेखा अपने करेआले दे जिन्दे जी ओदे कन्ने बंधी ऐ, लेकन जेकर करेआला मरी जा, तां ओ करेआले दे कनून चा छुडकी गेई।

³एसकरी जेकर करेआले दे जिन्दे जी ओ कुसे दुए मनुक्ख दी ओई जा, तां उसी दुआल आखया जाग, लेकन जेकर करेआला मरी जा, तां ओ ओस कनून कोलां छुडकी गेई, इत्थैं तकर के जेकर कुसे दुए मनुखे दी ओई जा तां बी उसी दुआल नेई आखया जाग।

⁴इयां गै ए मेरे प्राओ, तोस बी मसीह दी जेंद थमां कनून दे लेई मरे दे बनी गै, के ओस दुए दे ओई जाओ, मसीह जेड़ा मरें दे बिचा जिन्दा ओया; ताके अस परमेसर आसतै फल आंनचै।

⁵किके जदू अस शरीरक हे, तां पापें दी इच्छ्यां जेड़ीयां कनून थमां हियां, मौत दा फल पैदा करने लेई साड़े जेंद दे अंगें च कम करदी ही।

⁶लेकन जिसदे बेच अस बझे दे हे ओसदे लेई मरी गै, ऊन कनून कोलां ऐसे छुटकी गै, के लेख दी पुराने तरीके क्न्ने नेई, बरना आत्मा दे नमें तरीके क्न्ने सेवा करदे न।

⁷तां अस के आखचै? के कनून पाप ऐ? कदें बी नेई! मतलब बिना कनून दे आंऊँ पाप गी नेई पछानदा; कनून जेकर नेई बोलदा, के लालच नेई करो तां आंऊँ लालच गी नेई जानदा के लालच करना गलत ऐ।

⁸लेकन पाप ने मौका पाईयै उक्म थमां मेरे च सारे चाली दा लालच पैदा कित्ता, किके बिना कनून दे पाप मोड़दा ऐ।

⁹आंऊँ तां कनून बिना पैलैं जिन्दा हा, लेकन जदू मैं उक्म गी जानया, तां पाप जिन्दा ओई गीया, ते आंऊँ परमेसर कोलां लग्ग ओई गीया।

¹⁰ते ऊऐ उक्म जेड़ा जीनें आसतै हा, मेरे आसतै मौत दा कारन बनी गीया।

¹¹किके पाप ने मौका पाईऐ उक्म थमां मिगी तोखा दित्ता, ते उसै थमां मिगी आत्मा च मारी बी ओड़या।

¹²एस आसतै कनून पवित्र ऐ, ते उक्म पवित्र, तरमी, ते ठीक ऐ।

¹³ते के जेड़ा कनून मूसा ने दित्ता खरा हा, मेरे लेई मौत बनी गीया? कदें बी नेई! लेकन पाप ओस ठीक चीज थमां मेरे लेई मौत गी पैदा करने आला ओया के ओदा पाप ओना परकट ऊऐ, ते उक्म थमां पाप बड़ा गै पाप कराने आला बनया।

¹⁴किके अस जाननयां न के कनून तां आत्मिक ऐ, लेकन आंऊँ जिंदु च ते पाप दे अथ्थ गलाम आं।

¹⁵ते जे आंऊँ करना ऐं ओसगी नेई जानदा; किके जे आंऊँ चांना ऐं ओ नेई करदा, लेकन जेदे कन्ने मिगी नफरत ओंदी ऐ ऊऐ करना ऐं।

¹⁶जेकर आंऊँ जे नेई चांदा ऊऐ करना ऐं, तां आंऊँ मन्नी लेना ऐं के कनून ठीक ऐ।

¹⁷तां ऐसी आलात च ओसदा करने आला आंऊँ नेई, मतलब पाप ऐ जेड़ा मेरे च बसदा ऐ।

¹⁸किके आंऊँ जाननां ऐं, के मेरे च मतलब मेरी जेंद च कोई ठीक चीज वास नेई करदी। इच्छया तां मेरे च ऐ के आंऊँ पले कम करां, लेकन पले कम मेरे थमां बनी नेई सकदे।

¹⁹किके जेस ठीक कम करने दी इच्छया आंऊँ करना, ओ तां आंऊँ नेई करदा, लेकन जेस बुरे कम दी इच्छया नेई करदा, उवै कम करना ऐं।

²⁰लेकन अगर आंऊँ उवै करना ऐं जेसदी इच्छया नेई करदा, तां ओसदा करने आला आंऊँ नेई रिया, लेकन पाप जेड़ा मेरे च बसे दा ऐ।

²¹एस चाली आंऊँ ए कनून पानां ऐं के जेलै पला करने दी इच्छया करना ऐं, तां आंऊँ ओ करना जेड़ा ठीक नेई ऐ।

²²किके आंऊँ पूरे दिले कन्ने परमेसर दे कनून च बड़ा खोश रौना ऐं।

²³लेकन मिगी अपनी जिंदु दे अंगें च दुए चाली दा कनून लबदा ऐ, जेड़ा मेरी बुद्धि दे कनून कन्ने लड़दा ऐ ते मिगी पाप दे कनून च बन्नीयै रखदा ते मेरी जेंद दे अंगें च कम करदा ऐ।

²⁴आंऊँ किन्ना पैड़ा मनुक्ख आं! मिगी एस जेंद कोलां कोन छुड़ाग जेड़ी मौत लेई ओंदी?

²⁵साड़े प्रभु यीशु मसीह थमां परमेसर दा शुकर ऐ। एसकरी आंऊँ अप्पुं बुद्धि कन्ने तां परमेसर दे कनून दा, लेकन जेंद च पाप दे कनून दी सेवा करना ऐं।