Read Dogri रोमियो 8 Bible Online

रोमियो 8 - Dogri bible

रोमियो 8

¹एस लेई ऊन जेड़े मसीह यीशु च न, उन्दे उपर सजा दा उक्म नेई। (किके ओ जिंदु दे मताबक चलने आले नेई लेकन आत्मा दे मताबक चलदे न)।

²किके जिंदड़ी दी आत्मा दी शक्ति ने मसीह यीशु च मिगी पाप दी ते मौत दे कनून थमां अजाद करी दिता।

³किके जेड़ा कम मूसा दा कनून जिंदड़ी दे पाप दे कारन कमजोर ओईयै नेई करी सकया, उसी परमेसर ने कित्ता, यनिके अपने गै पुत्तर गी पाप क्न्ने परी दी जिंदु आला लेखा ते पाप लेई बलि ओनें आसतै पेजीयै, परमेसर ने जिंदु च पाप गी सजा दा उक्म दित्ता।

⁴तां करी के कनून दी विधि साड़े च जेड़े जिंदु दे मताबक नेई मगर पवित्र आत्मा दे मताबक चलनयां न, पूरी कित्ती जा।

⁵किके शरीरक मनुक्ख जिंदु दी गल्लें उपर मन लांदे न; लेकन आत्मिक मनुक्ख आत्मा दी गल्लें उपर मन लांदे न।

⁶जिंदु उपर मन लाना तां मौत ऐ, लेकन आत्मा उपर मन लाना जिंदड़ी ते शान्ति ऐ;

⁷किके जेंद उपर मन लाना तां परमेसर कन्ने बैर रखना ऐ, किके शरीरक मनुक्ख नां गै परमेसर दे कनून दे थलै ऐ, ते नां ओई सकदा ऐ;

⁸ते जेड़े जिंदु दे पाप दी आलात च न, ओ परमेसर गी खोश नेई करी सकदे।

⁹लेकन जेकर परमेसर दा आत्मा (पवित्र आत्मा) थुआड़े च बसदा ऐ, तां तोस जिंदु दी आलत च नेई लेकन आत्मिक आलत च ओ। जेकर कुसे च मसीह दा पवित्र आत्मा नेई तां ओ मसीह दा बंदा नेई।

¹⁰जेकर मसीह थुआड़े च ऐ, तां जेंद पाप दे कारन मरी दी ऐ; लेकन आत्मा धर्म दे कारन जिन्दा ऐ।

¹¹जेकर परमेसर दा आत्मा जेस ने यीशु गी मोड़दें चा जिन्दा कित्ता, थुआड़े च बसे दा ऐ; तां जेनें मसीह गी मोड़दें चा जिन्दा कित्ता, ओ थुआड़े नाश ओनें आली जिंदु गी बी अपने आत्मा दे क्न्ने, जेड़ा थुआड़े बसे दा ऐ, जिन्दा करग।

¹²एसकरी ए मेरे साथी प्राओ, अस जिंदु दे कर्जदार नेई के जेंद दे मताबक देन कटचै,

¹³किके जेकर तोस जिंदु दे मताबक देन कटगे ओ तां मरगे, जेकर आत्मा दी शक्ति कन्ने जिंदु दे पाप दे कम्में गी मारगे तां जिन्दे रौगे।

¹⁴एसकरी के जिन्नें लोक परमेसर दी आत्मा दे चलाए चलदे न, उवै गै परमेसर दी औलाद न।

¹⁵किके तुसेंगी गुलामी दी आत्मा नेई मिली के पी डरियै रवो, लेकन गोदीपुत्र बनने दी आत्मा मिली ऐ, जेदे कन्ने अस ए अब्बा, ए पिता बोलियै कुआलनयां न।

¹⁶परमेसर दी आत्मा अप्पुं गै साड़ी आत्मा दे कन्ने गवाई दिन्दी ऐ, के अस परमेसर दे बच्चे आं;

¹⁷ते जेकर बच्चे आं तां वारस बी, मतलब परमेसर दे वारस ते मसीह दे संगी वारस न, के जेलै अस ओदे कन्ने दोख चेलने न तां ओदे कन्ने मैमा बी पाचै।

¹⁸आंऊँ समझना के एस बेलै दे दोख ते कलेश ओस मैमा दे सामने, जेड़ी साड़े उपर परकट ओनें आली ऐ, केछ बी नेई ऐ।

¹⁹किके सृष्टि बड़ी आस परी नजरें कन्ने परमेसर दे पुत्रें दे परकट ओनें दे इंतजार च ऐ।

²⁰किके सृष्टि अपनी इच्छया कन्ने नेई लेकन थलै करने आले तरफुं, व्यर्थता दे थलै एस आस च कित्ती गई

²¹सृष्टि बी अप्पुं गै वनाश चां छुटकारा पाईयै, परमेसर दे बच्चें दी मैमा दी अजादी आसल करग।

²²किके अस जाननयां न के सारी सृष्टि ऊन तकर मिलीयै क्र्लांदी ते दुखें च पेदी तड़फा दी ऐ;

²³ते सेर्फ उवै नेई लेकन असैं बी जिन्दे कोल पवित्र आत्मा दा पैला फल ऐ, अप्पुं गै अपने च क्रलांदी ऐ; ते परमेसर दे गोदीपुत्र ओनें दे, मतलब अपनी जेंद दे छुटकारे दी ईखी रखदे न।

²⁴आस दे थमां साड़ा उद्धार ओया ऐ; लेकन जेस चीज दी आस कित्ती जन्दी ऐ, जेलै ओ दिखने च आई जा तां पी आस कुत्थें रेई? किके जेस चीज गी कोई दिखा दा ऐ ओदी मैमा दी आस के करग?

²⁵लेकन जेस चीज गी अस नेई दिखदे, जेकर ओदी आस रखने आं, तां सबर कन्ने ओदा इंतजार करदे बी आं।

²⁶इसै तरीके पवित्र आत्मा बी साड़ी कमजोरी च मदत करदा ऐ; किके अस नेई जांनदे के प्रार्थना केस तरीके कन्ने करना चाईदी ऐ, लेकन पवित्र आत्मा अप्पुं गै ऐसीयां आहां परी परी, जेड़ीयां साड़ी समझ चा बार न, साड़े लेई अर्ज करदा ऐ;

²⁷ते दिलें गी जाचने आला परमेसर जानदा ऐ के पवित्र आत्मा दी मन दी इच्छया के ऐ? किके ओ पवित्र लोकें आसतै परमेसर दी मरजी दे मताबक अर्ज करदा ऐ।

²⁸अस स जानने आं के जेड़े लोक परमेसर कन्ने प्यार करदे न, उन्दे आसतै सारीयां गल्लां मिलीयै पलाई गी पैदा करदीयां न; मतलब उन्दे लेई जेड़े ओदी मरजी दे मताबक चुनें दे न।

²⁹किके जिनेंगी परमेसर ने पैलैं दा चुनी लेता ऐ उनेंगी आखया बी ऐ के ओ ओदे पुत्तर दे रूप च ओन, तां जे ओ मते प्राऐं च परमेसर दे जेठे पुत्तर ओन।

³⁰पी जिनेंगी ओनें पैलैं जेठे आखया, उनेंगी चुनयां बी; ते जिनेंगी बलाया, उनेंगी तरमी बी बनाया ऐ, ते जिनेंगी तरमी बनाया, उन्दे कन्ने मैमा बी दिती ऐ।

³¹आखर; अस इनें गल्लें दे बारै च के आखचै? जेकर परमेसर साड़े क्न्ने ऐ, तां साड़ा वरोधी कोन ओई सकदा ऐ?

³²परमेसर ने अपने सक्के पुत्तर गी बी अपने आसतै नेई रखया, लेकन साड़े सारें आसतै देई ओडया, ओ ओदे कन्ने असेंगी सारा केछ कि नेई देग?

³³परमेसर दे चुने दें गी दोष कोन लाग? परमेसर गै जेड़ा उनेंगी तरमी बनाने आला ऐ।

³⁴पी कोन ऐ जेड़ा सजा दा उक्म देग? मसीह ओ ऐ जेड़ा मोड़दें चा जिन्दा बी ओया, ते परमेसर दे सजे पासे ऐ, ते साड़े आसतै अर्ज बी करदा ऐ।

³⁵केडीयां चीजां असेंगी मसीह दे प्यार कोलां लग करगन? के कलेश, जां संकट, जां जोलम, जां काल, जां नंगापन, जां खतरा, जां तलवार?

³⁶जिजां पवित्र शास्त्र च लिखे दा ऐ, “तेरे आसतै साड़ी अत्या ओंदी ऐ; अस बलि करने आलियां पिड्डें आला लेखा गिने गेदे न।”

³⁷लेकन इनें सारीयें माड़ीयें गल्लें च अस ओदे थमां जेस ने साड़े कन्ने प्यार कित्ता, जीतें दे लोकें कोलां बी साड़े बासतै बद्द ऐ।

³⁸किके आंऊँ पक्का जानना ऐं के नां मौत, नां जिंदड़ी, नां सोर्गदूत, नां प्रधानता, नां उनै दा बेला, नां औने आला बेला, नां शक्ति, नां उचाई,

³⁹नां गराई, ते नां उचाई, ते नां कोई ओर सृष्टि असेंगी परमेसर दे प्यार छा जेड़ा साड़े प्रभु मसीह यीशु च ऐ, लग्ग करी सकग।