Read Dogri 1 कुरिन्थियों 1 Bible Online

1 कुरिन्थियों 1 - Dogri bible

1 कुरिन्थियों 1

¹आऊँ पौलुस एस चिट्ठी गी लिखाना ऐं। आऊँ परमेसर दी मरजी थमां यीशु मसीह दा प्रेरित ओनें गी बलाया गीया। मैं साड़े विश्वासी प्रा सोस्थिनेस थमां जेड़ा मेरी मदद करा दा ऐ।

²मैं एस चिट्ठी गी परमेसर दी ओस कलीसिया दे नां जेड़ी कुरिन्थुस शैर बेच ऐ, मतलब उन्दे सबनी दे नां जेड़े मसीह यीशु च पवित्र कित्ते गेदे, ते पवित्र ओनें आसतै बलाए गै न; ते उन्दे सारें दे नां बी जेड़े अर जगा साड़े ते अपने प्रभु यीशु मसीह दे नां कन्ने प्रार्थना करदे न।

³मेरी प्रार्थना ऐ के साड़े पिता परमेसर ते प्रभु यीशु मसीह थमां तुसेंगी क्रपा ते शान्ति मिलदी रवै।

⁴आऊँ थुआड़े बारै च अपने परमेसर दा शुक्र मेशा करना ऐं, एस लेई के परमेसर दी ए क्रपा मसीह यीशु च ओई के तुसेंगी अच्छियाँ चीजां दे।

⁵के मसीह च ओईयै तोस अर गल्ल च, मतलब सारे वचन ते सारे ज्ञान च सोखे कित्ते गेदे ओ।

⁶एसकरी परमेसर एस स गल्ल गीं पक्का करदा ऐ के जेड़ा संदेश मसीह दे बारै च दित्ता गेदा ओ सच्च ऐ।

⁷एस लेई कुसे बी वरदान च तुसेंगी घटी नेई, ते तोस साड़े प्रभु यीशु मसीह दे परकट ओनें गी एन्तजार करदे रौंदे ओ।

⁸परमेसर तुसेंगी खीरी तकर विश्वास च बी पक्का करग, के तोस साड़े प्रभु यीशु मसीह बापस औने दे देन च नर्दोश ठैरो।

⁹परमेसर जे आखदा उसी पूरा करने च मांनदार ऐ, जेस ने तुसेंगी अपने पुत्तर साड़े प्रभु यीशु मसीह दी संगति च बलाए दा ऐ।

¹⁰ए विश्वासी प्राओ, आऊँ थुआड़े कन्ने साड़े प्रभु यीशु मसीह दे बड्डे अख्त्यार आले नां कन्ने अर्ज करना ऐं, के तोस सारे एक गै गल्ल च सेंमत ओई जाओ, ते थुआड़े च फोट नेई उवै, लेकन एक गै मन ते एक मत ओईयै मिले दे रवो।

¹¹किके ए मेरे विश्वासी प्राओ, खलोए जाती दे कराने दे लोकें मिकी थुआड़े बारै च सनाया ऐ, के थुआड़े च लड़ाईयां उआ दियां न।

¹²मेरे आखने दा मतलब ए ऐ, के थुआड़े बिचा कोई तां अपने आप गी “पौलुस दा,” कोई “अपुल्लोस दा,” कोई “कैफा दा,” ते कोई “मसीह दा,” चेला आखदा ऐ।

¹³तोस जेड़ा करा करदे ओ ए ठीक नेई ऐ। के मसीह बंडोई गीया? के आऊँ पौलुस थुआड़े आसतै सूली उपर चढ़ाया गीया? जां तुसें पौलुस दे नां च पवित्रशनांन लेता?

¹⁴आऊँ परमेसर दा शुक्र करना ऐ, क्रिस्पुस ते गयुस, ए दो मसीह प्राऐं गी छुड़ीयै, मैं थुआड़े बिचा कुसे गी बी पवित्रशनांन नेई दिता।

¹⁵कुत्ते ऐसा नेई उवै, के कोई आखे, के तुसेंगी मेरे नां च पवित्रशनांन मिलया।

¹⁶ते आं, मैं स्तिफनुस दे टब्बर गी बी पवित्रशनांन दिता; इनेंगी छुड़ीयै, मिकी नेई पता के मैं ओर कुसे गी पवित्रशनांन दिता।

¹⁷किके मसीह ने मिकी पवित्रशनांन देने आसतै नेई, वरन शोभ समाचार सनाने गी पेजे दा ऐ, ते एबी मनुक्खें दी गल्लें दे ज्ञान दे मताबक नेई, ऐसा नेई उवै के मसीह दी सूली बेअर्थ उवै।

¹⁸किके जेड़े लोक सजा आसतै पर्मेसरे कोलां दूर कित्ते जागन, उन्दे आसतै सूली दी कथा दी कोई कीमत नेई ओंनी, लेकन अस मुक्ति पाएदे लोकें आसतै परमेसर दी शक्ति ऐ।

¹⁹किके पवित्र शास्त्र च लिखे दा ऐ, “आऊँ ए दसगा के ज्ञान आलें जेस गल्ल गी ज्ञान दे वचार आखदे न ओ असल च बेबकूफी दे वचार न।”

²⁰एस थमां अस ए जाननयां न के ज्ञान आलें दी बुद्धि दी इत्त्थैं कीमत नेई यहूदीयें दे शास्त्र गी जाननें आलें दी ते जेड़े छैल बोली सकदे न उन्दी कोई कीमत नेई, एस थमां परमेसर ने ए दसया ऐ के बुद्धि जेड़ी एस दुनिया थमां ऐ ओसदी कोई कीमत नेई ऐ।

²¹किके जेसलै परमेसर दे ज्ञान दे मताबक दुनिया ने ज्ञान कन्ने परमेसर गी नेई जानयां, तां परमेसर गी ए छैल लगया, के एस प्रचार दी बेबकूफी थमां विश्वास करने आलें गी उद्धार दियै।

²²ए यहूदीयें दी नजरें च बेबकूफी ऐ तां जे ओ सोर्ग चा चेन्न चांदे न के ओ साबत करै के ए सच्च ऐ, ते दुई जाती बी जेड़े मनुक्खे दे ज्ञान गी चांदे न।

²³लेकन अस तां ओस सूली उपर चढ़ाए दे मसीह दा प्रचार करनयां न, जेड़ा असेंगी पापें थमां छटकारा देने आसतै मोया, जेड़ा यहूदीयें दे लेई ठोकर ते दुई जातीयें आसतै बेवकुखुफी ऐ।

²⁴लेकन जेड़े परमेसर दे बलाए दे न, के यहूदी, के दुई जाती, उन्दे आसतै इयै मसीह परमेसर दी शक्ति, ते परमेसर दा ज्ञान ऐ।

²⁵किके जेड़ा परमेसर दी बेबकूफी सेई ओंदी ओ मनुक्खें दे ज्ञान थमां ज्ञानवान ऐ, ते परमेसर दी कमजोरी मनुक्खें दे बल थमां मती तकड़ी ऐ।

²⁶ए विश्वासी प्राओ, सोचो के परमेसर ने तुसेंगी मसीह दे कन्ने जोड़ने दे बेलै तोस के जिये हे, के नेई जिंदु दे मताबक मते ज्ञानआले, ते नेई मते शक्ति आले, ते नेई मते खास बलाए गेदे।

²⁷लेकन एदे बजाए परमेसर ने दुनिया दे बेबकूफी गी चुनी लेता ऐ, के ज्ञान आलें गी शर्मिंदा करै, ते परमेसर ने दुनिया दे कमजोरें गी चुनी लेता ऐ, के जोरे आलें गी शर्मिंदा करै;

²⁸परमेसर ने उनेंगी चुनयां, जेदे दुनिया दी नजरें च नीदें न, तोच्छ न ते जेड़े ऐ गै नेई के उसी बेअर्थ करी उड़े, जेड़े खास समझें जंदे न।

²⁹परमेसर ने ए एसकरी कित्ता तां जे कोई प्राणी परमेसर दे अगें कमंड नेई करी सक्कै।

³⁰लेकन परमेसर थमां तोस मसीह यीशु च ओं, जेड़ा परमेसर थमां साड़े आसतै ज्ञान बनयां, मतलब तरमी, ते पवित्रता, ते छुटकारा;

³¹तां जे जियां पवित्र शास्त्र च लिखे दा ऐ, उयांगै उवै, “जेड़ा कमंड करै ओ प्रभु च कमंड करै के ओनें साड़े आसतै के कित्ता।”