Read Dogri 1 कुरिन्थियों 10 Bible Online

1 कुरिन्थियों 10 - Dogri bible

1 कुरिन्थियों 10

¹ए विश्वासी प्राओ, आऊँ नेई चानां, के तोस एस गल्ल थमां अन जांन रवो, के साड़े सारे बजुर्ग परमेसर थमां लाए दे डीगलें थलै हे, ते सारें दे सारे लाल समुंदर बिचें पार टपे।

²सारें डीगलें ते समुंदर च, मूसा दा चेला बननें आसतै पवित्रशनांन लीता।

³सारें उवै रुट्टी खादी जेड़ी परमेसर ने उनेंगी सोर्ग चा दिती।

⁴सारें उवै जल पित्ता जेड़ा परमेसर ने उनेंगी दित्ता, किके ओ ओस आत्मिक चट्टान थमां पींदे हे, जेड़ी उन्दे कन्ने-कन्ने चलदी ही, ते ओ चट्टान मसीह हा।

⁵लेकन परमेसर उन्दे च मतें सारें उपर खोश नेई हा, एस आसतै ओ संसान गजे च मरी गै।

⁶ए गल्लां साड़े आसतै मसाल बनी गेईयां, के जियां उनै लालच कित्ता, उयां अस बुरी चीजें दा लालच नेई करचै।

⁷ते नां तोस मूरत पुजने आले बनो, जियां के उन्देचा किन्नें गै बनी गेदे दे हे, जियां पवित्र शास्त्र च लिखे दा ऐ, “लोग खाणे-पीने आसतै बैठे, ते मूर्तियें दे चेलें आला लेखा उन्दे अगें नचन लगे।”

⁸अस अर किसम दे कंजर कम नेई करचै, जियां उन्देचा कन्ने गै लोकें कित्ते; ते एक देन च त्रेइ जार मरी गै।

⁹अस प्रभु गी नेई परखचै, जियां उन्देचा किन्नें गै परख्या, परमेसर ने सप्प पुडानें थमां मारी दित्ते।

¹⁰तोस कोड़कड़ाओ नेई, जेस रीति कन्ने उन्देचा किन्नें गै कोड़कड़ाए, परमेसर ने दूत पेजीयै उनेंगी मारी दित्ता।

¹¹लेकन ए सारीयां गल्लां, जेड़ीयां उन्दे कन्ने बीतीयां, एक मसाल आले लेखा साड़े बासतै हियां; ते ओ असेंगी चकने रौने आसतै जेड़े अस दुनिया दे खीरी बेलै च रौनयां न लिखीयां गेदियां न।

¹²एस आसतै जेड़ा समझदा ऐ, “आऊँ टिके-टकादा ऐं,” ओ चकना रवै; के कुदै डिगी नेई जा।

¹³तोस कुसे ऐसी परिख्या च नेई पे, जेड़ी मनुक्ख दे बर्दाश करने थमां बार ऐ। परमेसर विश्वासजोग ऐ; ओ तुसेंगी थुआड़े सैने थमां बार अजमैश बेच नेई पौन देग, लेकन अजमैश दे कन्ने नकास बी करग; के तोस बर्दाश करी सको।

¹⁴एस आसतै, ए मेरे प्यारे वश्वासीयो, मूर्ति पुजा थमां बचे रवो।

¹⁵आऊँ बुद्धिमान समझीयै, थुआड़े कन्ने आखना ऐं, जे केछ आऊँ आखना उसी तोस परखो।

¹⁶प्रभु पोज दे बेलै ओ शुक्रगुजारी दा कटोरा, जेस आसतै अस परमेसर दी शुक्रगुजारी करनयां न; के ओ मसीह दे खून दी पागे दारी नेई? ओ रुट्टी जिसी अस तोड़नयां न, के ओ मसीह दी जेंद दी पागे दारी नेई?

¹⁷एस आसतै, के एक गै रुट्टी ऐ तां अस बी जेड़े मते न, एक जेंद न; किके अस सब उसै एक रुट्टी च पागीदार ओनयां न।

¹⁸इस्राएली लोकें दे बारै च सोचो; के बलि चढ़ांई दी चोजें गी खाणे आले बेदी च शामल नेई?

¹⁹पी आऊँ के आखना ऐ? के ए के मूर्ति दे अगें चाढ़ी दी कुर्बानी केछ ऐ, जां मूरत केछ ऐ?

²⁰नेई, बस ए, के ओ लोक जेड़े मूर्तियें दे अगें बलि चाढ़दे न; ओ परमेसर आसतै नेई, लेकन दोष्टआत्मायें आसतै चाढ़दे न ते आऊँ नेई चानां, के तोस दोष्टआत्मा दे पागीदार उयो।

²¹तोस प्रभु दे कटोरे ते दोष्टआत्मायें दे कटोरे दौनीं बिचा नेई पी सकदे। तोस प्रभु दी मेज ते दोष्टआत्मायें दी मेज दौनीं दे पागीदार नेई ओई सकदे।

²²ऐसा करने कन्ने तोस प्रभु गी गुस्सा चड़ानयां न। असेंगी याद रखना ऐ के अस प्रभु कोलां जादै शक्ति आले नेई ऐंन।

²³सारीयां चीजां मेरे आसतै ठीक ते ऐ न, लेकन सारीयां फायदे दियां नेई; सारीयां चीजां मेरे आसतै ठीक ते ऐ न, लेकन सारीयें चीजें थमां विश्वास दी तर्की नेई ओंदी।

²⁴कोई अपनी गै पलाई नेई, वरन दुए दी पलाई आसतै बी सोचे।

²⁵जे केछ कसाईयें दे इत्थैं बिकदा ऐ, ओ खाओ ते ओ कुथुआं दा आया केछ नेई पूछो?

²⁶तोस खाई सकदे ओ किके पवित्र शास्त्र आखदा ऐ “तरती ते ओसदी परपुरी प्रभु दी ऐ।”

²⁷ते जेकर गैर वश्वासीयें थमां कोई तुसेंगी तामें लेई सद्दै, ते तोस जाना चाओ, तां जे केछ थुआड़े सामने रखया जा उवै खाओ; ते ओ चीज कुथुआं दा आई केछ नेई पूछो।

²⁸लेकन जेकर कोई थुआड़े कन्ने आखे, “ए ते मूरत गी बलि कित्ती दी चीज ऐ,” तां ओदे सुनानें आले दे कारन, ते अपनी अन्तर आत्मा दे कारन नेई खाओ।

²⁹मेरा मतलब, तेरी अन्तर आत्मा नेई, लेकन ओस दुए दी अन्तर आत्मा दे कारन। पला, मेरी अजादी दुए दे वचार कन्ने कि परखी जा?

³⁰जेकर आऊँ परमेसर दा शुक्र करियै शामल ओना ऐं, तां जेस खाणे लेई आऊँ परमेसर दा शुक्र करियै खनां ऐं, ओदे कारन मेरी बदनामी कि ओंदी ऐ?

³¹एस आसतै तोस पवें खाओ, पवें पीओ, पवें जे केछ करो, सारा केछ परमेसर दी मैमा आसतै करो।

³²तोस नां यहूदीयें, नां दुई जातीयें, ते नां परमेसर दी कलीसिया आसतै ठोकर दा कारन बनो।

³³जियां आऊँ बी सारीयें गल्लें च सारें गी खोश रखना ऐं, ते अपना नेई, लेकन मते सारें दा फायदा टूणढनां ऐं, के ओ उद्धार पान!