Read Dogri 1 कुरिन्थियों 13 Bible Online

1 कुरिन्थियों 13 - Dogri bible

1 कुरिन्थियों 13

¹जेकर आऊँ मनुक्खें ते सोर्गदूतें दी बोलियां बोलां, ते प्यार नेई रखां, तां आऊँ ठनकदी पीतल, ते छन-छन करने आली झाँझ ऐं।

²ते जेकर आऊँ पविखवाणी करी सक्कां, ते सारे पेदें ते सारे किसम दे ज्ञान गी समझां, ते मिगी इत्थैं तकर पूरा विश्वास उवै, के आऊँ पाड़ें गी टाई दियां, लेकन प्यार नेई रखां, तां आऊँ केछ बी नेई।

³जेकर आऊँ अपनी पूरी तन्न दौलत गरीबें गी खलाई दियां, जां अपनी जेंद जलाने आसतै देई दियां, ते प्यार नेई रखां, तां मिकी केछ बी फायदा नेई।

⁴प्यार सबर करने आला ऐ, ते क्रपा करने आला ऐ; प्यार जलन नेई करदा, प्यार अपनी बड़ाई नेई करदा, ते फसोंदा नेई,

⁵ओ दुए गी बे आदरा नेई करदा, ओ अपनी पलाई नेई चांदा, चेडदा नेई, बुरा नेई मनदा।

⁶गन्दे कम उपर खोश नेई ओंदा, लेकन सच्चाई उपर खोश ओंदा ऐ।

⁷ओ सारीयां गल्लां बर्दाश करी लैंदा ऐ, सारीयें गल्लें दा विश्वास करदा ऐ, सारीयें गल्लें दी आस रखदा ऐ, सारीयें गल्लें च सबर रखदा ऐ।

⁸प्यार कदें टलदा नेई; पविख्वानीयां ओंन, तां खतम ओई जागन; पाषां खत्म ओई जागन; ज्ञान उवै, तां मिटी जाग।

⁹किके साड़ा ज्ञान धुरा ऐ, ते साड़ी पविखवाणी धुरी ऐ;

¹⁰लेकन जेसलै सर्व सेध औग, तां धुरा पन मिटी जाग।

¹¹जेलै आऊँ बच्चा हा, तां आऊँ बच्चें आला लेखा बोलदा हा, बच्चें आला लेखा मन ते समझ ही; लेकन जेसलै सयाना ओई गीया, तां बच्चें आलियां गल्लां छुड़ी दित्तियां।

¹²अयें तकर अस परमेसर दे बारै च सब केछ नेई जांनदे असेंगी शीशे च तूंदला जियां लबदा ऐ, लेकन ओस बेलै मुहआँ मुंह दिखगे; एस बेलै मेरा ज्ञान धुरा ऐ, लेकन ओस बेलै ऐसी पूरी रीति कन्ने पनछानगा, जियां आऊँ पनछानयां गेदा ऐं

¹³लेकन ऊन विश्वास, आस, प्यार ए त्रोयै अटल न, लेकन इंदे सबनी च बड़ा प्यार ऐ।