Read Dogri 1 कुरिन्थियों 15 Bible Online

1 कुरिन्थियों 15 - Dogri bible

1 कुरिन्थियों 15

¹ए विश्वासी प्राओ, आऊँ तुसेंगी उवै शोभ समाचार सुनानां ऐ, जेड़ा पैलैं सनाई चुके दा ऐं, जिसी तुसें मन्नी बी लेत्ता हा ते जेस च तोस टिके दे बी ओ।

²उसै थमां थुआड़ा उद्धार बी ओंदा ऐ, जेकर ओस शोभ समाचार गी जेड़ा मैं तुसेंगी सनाया हा याद रखदे ओ; नेई तां थुआड़ा विश्वास करना बेकार ओआ।

³एस कारन मैं सबनी थमां पैलैं तुसेंगी उवै गल्ल पजाई दित्ती, जेड़ी मिकी पूजी ही, के पवित्र शास्त्र दे वचन दे मताबक यीशु मसीह साड़े पापें आसतै मरी गीया,

⁴दबया गीया, ते पवित्र शास्त्र दे मताबक त्रिये देन जिंदा बी ओई गीया।

⁵जिंदे ओनें कोलां बाद कैफा गी ते पी बारें चेलें गी लबया।

⁶पी ओ पंज सौ थमां मते चेलें गी किट्ठा लबया, जिंदे चा मते सारे अयें तकर जिंदे न लेकन केछ मरी गेदे।

⁷पी ओ याकूब गी लबया ओस बेलै प्रेरितें गी लबया।

⁸सारें थमां बाद मिगी बी लबया जेड़ा एक बखरे चाली कन्ने प्रेरित बनयां।

⁹किके आऊँ प्रेरितें च सबनी थमां कहट कीमत आला ऐं, वरन चेला खुआने दे काबल बी नेई, किके मैं परमेसर दी कलीसिया दे वश्वासीयें गी सताया हा।

¹⁰लेकन आऊँ जे केछ बी ऐं, परमेसर दी क्रपा थमां ऐं। ते ओसदी क्रपा जेड़ी मेरे उपर ओई, ओ बेकार नेई ओई; लेकन मैं उनै सबनी प्रेरितें थमां मती मेंनत बी कित्ती; तां बी ए मेरे थमां नेई ओआ लेकन परमेसर दी क्रपा थमां जेड़ी मेरे उपर ही।

¹¹एस आसतै पवें आऊँ ऐं, पवें ओ ओंन, अस इयै प्रचार करनयां न, ते इसै उपर तुसें विश्वास बी कित्ता ऐ।

¹²एस आसतै जेसलै के मसीह दा ए प्रचार कित्ता जंदा ऐ, के ओ मरें दे बिचा जिंदा ओया, तां थुआड़े चा किन्नें कि आखदे न, के मरें दे बिचा जिंदा ओना ऐ गै नेई?

¹³जेकर मरें दे बिचा जिंदा ओना ऐ गै नेई, तां मसीह बी जिंदा नेई ओया।

¹⁴ते जेकर मसीह जिंदा नेई ओया, तां साड़ा प्रचार करना बी बेकार ऐ, ते थुआड़ा विश्वास करना बी बेकार ऐ।

¹⁵वरन अस परमेसर दे चुठे गवाह बनें; किके असैं परमेसर दे बारै च ए गुआई दित्ती के ओसने मसीह गी जिंदा कित्ता, जेकर जिंदा नेई कित्ता, तां मोड़दे जिन्दे बी नेई ओदे।

¹⁶जेकर मोड़दे जिंदे नेई ओदे, तां मसीह बी नेई जिंदा ओया;

¹⁷ते जेकर मसीह नेई जिंदा ओया, तां थुआड़ा विश्वास बेकार ऐ, ते तोस अयें तकर अपने पापें च फसे दे ओ।

¹⁸वरन जेड़े मसीह च मरी गै उंदा उद्धार नेई ओया, ते ओ परमेसर कोलां मेशा आसतै लग्ग ओई गै।

¹⁹जेकर अस सेर्फ एस जिंदड़ी च मसीह थमां आस रखदे न तां अस सारें मनुक्खें थमां जादै बद नसीब ओं।

²⁰लेकन सच्चाई ए ऐ के परमेसर ने मसीह गी मोड़दें चा जिंदा कित्ते दा गेदा ऐ, तां पक्का जेड़े मरी दे न ओ उनेंगी बी जिंदा करग।

²¹किके जियां आदम दे पाप थमां मौत आई, उयांगै मसीह थमां मरें दें बिचा जिंदा ओना बी आया।

²²ते जियां आदम च सारे मरदे न, उयांगै मसीह च सारे जिंदे कित्ते जागन।

²³लेकन अर एक अपनी-अपनी बारी च जिंदा ओग पैलैं मसीह जिंदा ओग, पी मसीह दे दवारा औने उपर ओदे लोग बी जिंदे ओगन।

²⁴एस दे बाद दुनिया दा ऐन्त ओग। ओस बेलै ओ सारी प्रधानता, ते सारा अख्त्यार, ते शक्ति दा ऐन्त करियै राज गी पिता परमेसर दे अथ्थ च सौंपी देग।

²⁵किके जेसलै तकर ओ अपने बैरीयें गी अपने पैरें दे थलै नेई लेई अवै, ओस बेलै तकर मसीह दा राज करना जरुरी ऐ।

²⁶सारें थमां खीरी बैरी जेड़ा पूरी चाली कन्ने नाश कित्ता जाग, ओ मौत ऐ।

²⁷पवित्र शास्त्र च लिखे दा ऐ “परमेसर ने सारा केछ ओदे पैरें थलै करी दिता ऐ,” लेकन जेसलै ओ आखदा ऐ के सारा केछ ओदे दीन करी दित्ता ऐ, तां ए साफ़, ऐ के जेस ने सारा केछ ओदे दीन करी दित्ता, ओ अप्पुं एस कम्में छा लग्ग रिया।

²⁸ते जेसलै सारा केछ मसीह दे दीन ओई जाग, तां पुत्तर अप्पुं बी परमेसर दे दीन ओई जाग, जेस ने सारा केछ मसीह दे दीन करी दित्ता, तां जे सारें च परमेसर सारा केछ उवै।

²⁹अगर मोड़दे जिंदे नेई कित्ते जागन तां जेड़े लोग मरें दें आसतै पवित्रशनांन लैंदे न, ओ के करगन? जेकर मोड़दे जिंदे ओदे गै नेई तां पी कि उन्दे लेई पवित्रशनांन लैंदे न?

³⁰ते अस बी कि अर बेलै खतरे च पेदे रौनयां न?

³¹ए विश्वासी प्राओ, आऊँ अर देन मारे जाने दे खतरे च रौंना ऐं। आऊँ ए सच्च आखे करना असल च आऊँ खोश ऐं किके तोस यीशु मसीह उपर परोसा करदे ओ।

³²जेकर आऊँ मनुक्ख दी रीति उपर इफिसुस शैर च जंगली पशुयें जिये लोकें कन्ने लड़या, तां मिगी के फायदा ओया? जेकर मोड़दे जिंदे नेई कित्ते जागन जियां कावत ऐ, “तां आओ, खाचै-पीचै, किके कल तां मरी गै जाना।”

³³तोखा नेई खायो, “बुरी संगति अच्छे चाल चलन गी बगाड़ी दिन्दी ऐ।”

³⁴तार्मिकता आसतै बीजी जाओ ते पाप नेई करो; किके केछ ऐसे न जेड़े परमेसर गी नेई जांनदे। आऊँ तुसेंगी शर्मिंदा करने आसतै ए आखना ऐ।

³⁵ऊँन कोई ए आखघ, “मोड़दे कियां जिंदे ओदे न, ते केड़ी जेंद च औंदे न?”

³⁶ए निर्बुद्धि! जे केछ तू मिटी च रानां ऐं, जेसलै तकर दबे दा दाना मरे नेई ओ जिंदा नेई कित्ता जंदा।

³⁷ते जे तू रानां ऐं, ए ओ जेंद नेई जेड़ी पैदा ओनें आली ऐ, लेकन निरा दाना ऐ, पवें कनंक दा, पवें कुसे ओर नाज दा।

³⁸लेकन परमेसर अपनी मर्जी दे मताबक उसी जेंद दिन्दा ऐ, ते अर एक बी गी ओसदी खास जेंद।

³⁹सारीयां जिंदु एक जेईयां नेई; लेकन मनुक्खें दी जेंद बखरी ऐ, डंगरें दी जेंद बखरी ऐ; पैंछीयें दी जेंद बखरी ऐ; मछीयें दी जेंद बखरी ऐ।

⁴⁰सोर्गीय जेंद ऐ, ते तरती दी जेंद बी ऐ। लेकन सोर्गीय जिंदु दी मैमा बखरी ऐ, ते तरती दी जिंदु दी मैमा बखरी।

⁴¹सूरज दी मैमा बखरी ऐ, चण दी मैमा बखरी ऐ, ते तारें दी मैमा बखरी ऐ, किके एक तारे थमां दुए तारे दी मैमा च फर्क ऐ।

⁴²मोड़दें दा जिंदा ओना बी ऐसा गै। जेंद नाशवान आलत च राई जन्दी ऐ, ते अविनाशी आलत च जींदी ओई जन्दी ऐ।

⁴³ओ बे आदर कन्ने राई जन्दी ऐ, ते मैमा दे कन्ने जींदी ओई जन्दी ऐ; कमजोरी दे कन्ने राई जन्दी ऐ, ते शक्ति दे कन्ने जींदी ओई जन्दी ऐ।

⁴⁴मिट्टी आली जेंद राई जन्दी ऐ, ते आत्मिक जेंद जींदी ओई जन्दी ऐ; जेलै के मिट्टी आली जेंद ऐ, तां आत्मिक जेंद बी ऐ।

⁴⁵ऐसा गै पवित्र शास्त्र च बी लिखे दा ऐ, “पैला मनुक्ख, मतलब आदम, जिंदा प्राणी बनया” ते खीरी आदम, मसीह मेशा दी जिंदड़ी देने आला बनया।

⁴⁶ऊन साड़े कोल मिट्टी आली जेंद ऐ, एस दे बाद असेंगी आत्मिक जेंद दिती जाग।

⁴⁷पैला मनुक्ख तरती थमां मतलब मिट्टी दा हा; दुआ मनुक्ख सोर्ग दा ऐ।

⁴⁸जियां ओ मिट्टी दा हा, उयांगै ओ बी ऐ न जेड़े मिट्टी दे न; ते जियां ओ सोर्ग आली जिंदु दा हा, उयांगै ओ बी सोर्ग दे न।

⁴⁹ते जियां असैं ओसदा रूप जेड़ा मिट्टी दा हा तारण कित्ता उयांगै ओस सोर्ग दी जेंद दा रूप बी तारण करगे।

⁵⁰ए विश्वासी प्राओ, आऊँ ए आखना ऐं के मास ते खून परमेसर दे राज दे अक्कदार नेई ओई सकदे, ते नेई नाशवान अविनाशी दा अक्कदार ओई सकदा ऐ।

⁵¹दिखो, आऊँ थुआड़े कन्ने पेद दी गल्ल आखना ऐं; के अस सारे ते नेई मरगे, लेकन सारे बदली जागे,

⁵²ते ए पल पर च, अख चमकदै गै खीरी तुतडी बजदे गै ओग किके तुतडी बजाई जाग ते मोड़दे अविनाशी आलत च जिन्दे कित्ते जागन, ते अस बदली जागे।

⁵³किके जरुरी ऐ, के ए नाशवान जेंद अविनाशी जेंद गी पाई लै, ते ए मरने आली जेंद अमर जेंद गी पाई लै।

⁵⁴ते जेसलै ए नाशवान जेंद अविनाशी जेंद गी पाई लैग, ते ए मरने आली अमर जेंद गी पाई लैग, ओस बेलै ओ वचन जेड़ा पवित्र शास्त्र च लिखे दा ऐ, पूरा ओई जाग। “जै ने मौत गी निंगली लेता।

⁵⁵ए मौत, तेरी जै कुत्थें रेई? ए मौत, तेरा डंग कुत्थें रिया?”

⁵⁶मौत दा डंग पाप ऐ, ते पाप दा जोर कनून ऐ।

⁵⁷लेकन परमेसर दा शुक्र उवै, जेड़ा असेंगी साड़े प्रभु यीशु थमां जीत दिन्दा ऐ।

⁵⁸एस आसतै ए मेरे प्यारे विश्वासी प्राओ, पक्के ते टिके दे रवो, ते प्रभु दे कम च मेशा जोश कन्ने बददे जाओ, किके ए जांनदे ओई, के थुआड़ी मेंनत प्रभु च बेकार नेई ऐ।