Read Dogri 1 कुरिन्थियों 16 Bible Online

1 कुरिन्थियों 16 - Dogri bible

1 कुरिन्थियों 16

¹ऊँन ओस दान दे बारै च जेड़ा यरूशलेम दे पवित्र लोकें आसतै किट्ठा कित्ता जंदा ऐ, जेड़ा उक्म मैं दान दे बारै गलातिया दे लाके दी कलीसिया गी दित्ता, उयांगै तोस बी करो।

²हफ्ते दे पैले देन थुआड़े चा अर एक अपनी-आमदनी दे मताबक केछ अपने कोल रखा करो, के मेरे औने उपर चंदा किट्ठा नेई करना पवै।

³ते जेसलै आऊँ औगा, तां जिनैं गी तोस देना चागे उनेंगी आऊँ चिट्ठीयां देईयै पेजी देगा, के थुआड़ा दान यरूशलेम पजाई देंन।

⁴ते जेकर मेरा जाना बी बाजब ओया, तां ओ मेरे कन्ने जागन।

⁵ते आऊँ मकिदुनिया लाके थमां ओईयै थुआड़े कोल औगा, किके मिगी मकिदुनिया ओईयै जाना गै।

⁶लेकन ओई सकै के थुआड़े इत्थैं गै रेई पवां ते ठंड दा मोसम थुआड़े इत्थैं कटां, ओस बेलै जेस पासेगी मेरा जाना ओग, ओस पासेगी जाने लेई मेरी मदद करियै मिगी पजायो।

⁷अगर परमेसर दी मर्जी ऐ तां आऊँ बाद बेच थुआड़े कोल औगा तां जे जादै चेर थुआड़े कन्ने रेई सकां एदे बजाए के ऊन थुड़े बेलै आसतै मुलाका त करी सकां।

⁸लेकन आऊँ पिन्तेकुस्त दे तहयार तकर इफिसुस शैर च रौगा,

⁹किके मेरे आसतै उत्थें सेवा दा एक बड़ा ते फायदेमन्द सेवा करने दा मौका ऐ, आलां के वरोधी मते सारे न।

¹⁰जेकर तीमुथियुस थुआड़े कोलां औग, तां ओस आदर दे कन्ने ओदा सवागत करना, किके ओ मेरे आला लेखा प्रभु दी सेवा दा कम करदा ऐ।

¹¹एस आसतै कोई उसी तोच्छ नेई समझै, लेकन उसी सेवा आसतै केछ देईयै खुशी कन्ने एस बक्खी पजाई देना, के ओ मेरे कोल आई जा; किके आऊँ ओसदा इंतजार करै करना ऐं, के ओ विश्वासी प्राऐं दे कन्ने अवै।

¹²ते विश्वासी प्रा अपुल्लोस कन्ने मैं मती अर्ज कित्ती ऐ के थुआड़े कोल विश्वासी प्राऐं दे कन्ने जा; लेकन ओसने एस बेलै जाने दी कोई इच्छ्यां नेई कित्ती, लेकन जेसलै उसी मौका मिलग, ओस बेलै आई जाग।

¹³बिजे दे रवो, विश्वास च टिके रवो, इम्त रखो, विश्वास च तकड़े ओई जायो।

¹⁴जे केछ करदे ओ प्यार कन्ने करो।

¹⁵ए विश्वासी प्राओ, तोस स्तिफनुस दे कराने गी जांनदे ओ, के ओ अखाया लाके दे पैले विश्वास न, ते पवित्र लोकें दी सेवा आसतै त्यार रौंदे न।

¹⁶एस लेई आऊँ थुआड़े कन्ने अर्ज करना ऐं के इयै जें दे दीन रवो, वरन अर एक दे जेड़ा एस कम च मैनती ते साड़े कन्ने सेवा दा कम करदा ऐ।

¹⁷आऊँ स्तिफनुस ते फूर्तूनातुस ते अखईकुस दे औने उपर खोश ऐं, किके उनै थुआड़ी घटी गी पूरा कित्ता ऐ।

¹⁸उनै मेरी ते थुआड़ी आत्मा गी चैन दित्ता ऐ, एस लेई ऐसे लोकें दा आदर करो।

¹⁹आसिया दे लाके दी कलीसियें थमां तुसेंगी नमश्कार, अक्विला ते ओसदी पत्नी प्रिसकिल्ला दा ते उन्दे कर दी कलीसिया दा बी तुसेंगी प्रभु च मता-मता नमश्कार!

²⁰सारें विश्वासी प्राऐं दा तुसेंगी नमश्कार। एक दुए कि प्यार कन्ने नमश्कार करो।

²¹आऊँ पौलुस दा अपने अथ्थ कन्ने लिखे दा नमश्कार।

²²साड़े प्रभु, आ! प्रभु जेड़ा कोई साड़े प्रभु कन्ने प्यार नेई रखै तां ओ श्रापित उवै।

²³प्रभु यीशु दी क्रपा थुआड़े उपर ओंदी रवै।

²⁴मेरा प्यार प्रभु यीशु च थुआड़े कन्ने रवै। आमीन।