Read Dogri 1 कुरिन्थियों 6 Bible Online

1 कुरिन्थियों 6 - Dogri bible

1 कुरिन्थियों 6

¹के थुआड़े बिचा कुसे गी ए इम्त ऐ, के जेसलै थुआड़ा एक दुए कन्ने चगडा ओए दा उवै, तां फैसले आसतै अतर्मी जजें दे कोल कचैरी च जायो; ते कलीसिया दे वश्वासीयें दे कोल नेई जायो?

²के तोस नेई जांनदे, के कलीसिया दे विश्वासी लोक दुनिया दा न्याय करगन? ते जेसलै तुसें एस दुनिया दे लोकें दा न्याय करना ऐ, तां के तोस निक्के थमां निक्के चगड़े दा बी फैसला करने दे काबल नेई?

³के तोस नेई जांनदे, के असैं औने आले बेलै च सोर्ग चा किरे दे सोर्गदूतें दा न्याय करना ऐ? तां के एस जिंदड़ी दी अर रोज दी निकी-मूटी गल्लें दा फैसला नेई करी सकदे?

⁴जेकर तुसें एस जिंदड़ी दी अर रोज दी निकी-मूटी गल्लें दा फैसला करना ओग, तां के उनेंगी गै फैसला करने गी बठागे जिंदी कलीसिया च कोई इज्जत नेई?

⁵आऊँ तुसेंगी शर्मिंदा करने आसतै ए आखना ऐं। के सच्चें गै थुआड़े च एक बी बुद्धिमान नेई लबदा, जेड़ा अपने विश्वासी प्राऐं दा फैसला करी सकै?

⁶थुआड़े च एक विश्वासी प्रा दा दुए विश्वासी प्रा कन्ने चगड़ा ओंदा ऐ, ते ओ बी गैर वश्वासीयें दे सामने।

⁷लेकन सच्चें गै थुआड़े च बड़ा कसुर तां ए ऐ, के अप्पुं बिचें चगडा करदे ओ। वरन बेन्यायी गी कि नेई बर्दाश करदे? अपना नुक्सान कि नेई चलदे?

⁸लेकन तोस ते अप्पुं बिचें बेन्यायी करदे ते एक दुए दा नुस्कान करदे ओ, ते ओ बी अपने विश्वासी प्राऐं दा।

⁹के तोस नेई जांनदे, के बेन्यायी लोक परमेसर दे राज दे वारस नेई ओगन? तोखा नेई खाओ; कंजरवूना करने आलें, नां मूर्ति पुजा करने आलें, नां जनांनीयां कन्ने गलत करने आलियां, नां लुच्चे, नां मर्द मडदें कन्ने गलत कम करने आले,

¹⁰नां चोर, नां लालची, नां शराव पीने आले, नां गाली देने आले, नां दुए गी तोखा देने आले परमेसर दे राज दे वारस ओगन।

¹¹ते थुआड़े बिचा किन्नें ऐसे हे, लेकन तोस प्रभु यीशु मसीह दे नां कन्ने ते साड़े परमेसर दी आत्मा कन्ने धोते, ते पवित्र कित्ते ओए ते तरमी बनें।

¹²सारीयां चीजां मेरे आसतै बाजब ते ऐ न, लेकन सारीयां चीजां फायदे दियां नेई; सारीयां चीजां मेरे आसतै बाजब ते ऐ न, लेकन आऊँ कुसे बी गल्ल दे ताबे च नेई ओगा।

¹³रुट्टी टेड्ड आसतै, ते टेड्ड रुट्टी आसतै ऐ, लेकन परमेसर इसी ते उनै दौनी गी नाश करग। लेकन जेंद ब्यभिचार आसतै नेई, वरन ए जेंद प्रभु दी ऐ ते एस जिंदु कन्ने प्रभु दी सेवा करनी ओग।

¹⁴ते परमेसर ने अपनी शक्ति कन्ने प्रभु गी जिंदा कित्ता, ते ओ असेंगी बी जिंदा करग।

¹⁵के तोस नेई जांनदे के थुआड़ी जेंद मसीह दे अंग न? तां के आऊँ मसीह दे अंग लेईयै उनेंगी कंजरी दे अंग बनां? कदें बी नेई।

¹⁶के तोस नेई जांनदे के जेड़ा कोई कंजरी कन्ने संगति करदा ऐ, ओ ओदे कन्ने एक तन ओई जंदा ऐ? किके पवित्र शास्त्र च लिखे दा ऐ, “ओ दुए एक तन ओगन।”

¹⁷ते जेड़ा प्रभु दी संगति च रौंदा ऐ, ओ ओदे कन्ने एक आत्मा ओई जंदा ऐ।

¹⁸ब्यभिचार थमां बचे रवो। जिन्नें बाकी पाप मनुक्ख करदा ऐ, ओ जिंदु च जादै असर नेई करदे, लेकन ब्यभिचार करने आला अपनी गै जेंद दे खलाफ च पाप करदा ऐ।

¹⁹के तोस नेई जांनदे के, थुआड़ी जेंद पवित्र आत्मा दा मन्दर ऐ, जेड़ा थुआड़े च बसे दा ऐ ते तुसेंगी परमेसर थमां मिले दा ऐ; ते तोस अपने नेई ओ?

²⁰किके तोस कीमत देईयै खरीदे गेदे ओ, एस आसतै अपनी जेंद थमां परमेसर दी मैमा करो।