Read Dogri 1 कुरिन्थियों 8 Bible Online

1 कुरिन्थियों 8 - Dogri bible

1 कुरिन्थियों 8

¹तुसें अपनी चिट्ठी च मूर्तियें दे सामने बलि कित्ती दी चीजें दे बारै च पूछया हा। अस सारे एस गल्ल दे बारै च केछ जांनयां न। ज्ञान कमंड पैदा करदा ऐ, लेकन प्यार कन्ने तरकी ओंदी ऐ।

²जेकर कोई समझै, के आऊँ केछ जाननां ऐं, तां जियां जाननां चाईदा ओ जियां अयें तकर नेई जानदा।

³लेकन जेकर कोई परमेसर कन्ने प्यार करदा ऐ, तां परमेसर ओस मनुक्ख गी पनछांनदा ऐ।

⁴एस आसतै मूर्तियें दे सामने बलि कित्ती दी चीजें दे खाणे दे बारै च अस जाननयां न, के मूरत दुनिया बेच कोई चीज नेई, ते एक गी छुड़ीयै कोई परमेसर नेई।

⁵आलां के अम्बर ते तरती उपर मते सारे ईश्वर आखे जंदे न, जियां के मते ईश्वर ते मते प्रभु न।

⁶तां बी साड़े आसतै एक गै परमेसर ऐ मतलब पिता जेस थमां सारीयां चीजां पैदा ओईयां, ते अस उसै बासतै न। ते एक गै प्रभु ऐ, मतलब यीशु मसीह जेस थमां सारीयां चीजां पैदा ओईयां, ते अस बी उसै थमां न।

⁷सारें गी एस सच्चाई दा पता नेई, लेकन किन्नें ते अयें तकर मूरत गी केछ समझने दे कारन मूर्तियें दे अगें बलि कित्ती दी चीज गी केछ समझीयै खंदे न, ते उन्दी अन्तर आत्मा कमजोर ओईयै अशोद्ध ओई जन्दी ऐ।

⁸पोजन असेंगी परमेसर दे कोल नेई पजांदा। जेकर अस नेई खाचै, तां साड़ा केछ नुकसान नेई, ते जेकर खाचै, तां केछ फायदा नेई।

⁹लेकन चकने रवो, ऐसा नेई उवै, के थूआडी ए अजादी कुदै कमजोर विश्वास आसतै ठोकर दा कारन ओई जा।

¹⁰किके जेकर कोई तुगी ज्ञानीयें गी मूर्ति दे मंदर च पोजन करदे दिखै, ते ओ कमजोर विश्वासी उवै, तां के ओदी कमजोर अन्तर आत्मा च मूरत दे अगें बलि कित्ती दी चीज खाणे दा औसला नेई ओग।

¹¹एस चाली कन्ने तेरी ओस सच्चाई गी जांननें दे कारन ओ कमजोर विश्वासी प्रा जेस आसतै मसीह मरया, ओ मसीह उपर विश्वास करना बन्द करी देग।

¹²एस चाली विश्वासी प्राऐं दे वरोध पाप करने थमां ते उन्दी कमजोर अन्तर आत्मा गी ठोकर पजाने थमां, तोस मसीह दे वरोध पाप करदे ओ।

¹³एस कारन जेकर पोजन मेरे विश्वासी प्रा गी ठोकर पुजा, तां आऊँ कदें किसे आलत च मास नेई खागा, नेई उवै के आऊँ अपने प्रा आसतै ठोकर दा कारन बनां।