Read Dogri 1 कुरिन्थियों 9 Bible Online

1 कुरिन्थियों 9 - Dogri bible

1 कुरिन्थियों 9

¹के आऊँ अजाद नेई? के आऊँ प्रेरित नेई? के मैं यीशु गी जेड़ा साड़ा प्रभु ऐ, नेई दिखया? के तोस प्रभु च मेरे थमां नेई आए?

²जेकर आऊँ दुए आसतै प्रेरिताई, पी बी थुआड़े आसतै ते ऐं; किके तोस यीशु मसीह उपर विश्वास करदे ओ एस दा ए सबूत ऐ के आऊँ प्रेरित ऐं।

³जेड़े मिगी जाचदे न, उन्दे आसतै इयै मेरा जबाब ऐ।

⁴मिगी ते बरनबास गी प्रेरित ओनें दे नातै ए अख्त्यार जरुर ऐ के अपनी सेवा लेई खाणे-पीने।

⁵के असेंगी ए अख्त्यार नेई, के कुसे मसीह पैन कन्ने विवाह करियै सेवा च जाचै, जियां बाकी प्रेरित ते प्रभु दा अपना प्रा ते कैफा करदे न?

⁶जां सेर्फ मिगी ते बरनबास गी गै जीनें आसतै कम करना जरुरी ऐ?

⁷कोन कदें अपने कर दे खर्च उपर सपाई दा कम करदा ऐ? कोन अंगुरें दा बाग लाईयै ओस चा फल नेई खंदा? कोन पिड्डें गी चारीयै उन्दा दोध नेई पींदा?

⁸आऊँ ए गल्लां मनुक्ख दी सोच दे मताबक नेई आखे करना ऐं।

⁹मूसा दा कनून बी इयै आखदा ऐ। कनून च ए लिखे दा ऐ। “अल्ल बांदे दांदें दा मुंह नेई बनयो।” के परमेसर दांदें दी गै चेंता करदा ऐ?

¹⁰जां खास करियै साड़े आसतै आखदा ऐ। आं साड़े आसतै गै लिखे दा ऐ, किके मनासव ऐ, के दांद वानें आला आस कन्ने जुगडे, ते खलाड़े च कम करने आला शामल ओनें दी आस कन्ने कम करै।

¹¹जेकर असैं थुआड़े आसतै आत्मिक चीजां राइयां, तां के ए कोई बड़ी गल्ल ऐ, के थूआडी शरीरक चीजें दी फसल कटचै।

¹²जेकर दुए दा थुआड़े उपर अख्त्यार ऐ, तां के साड़ा एस थमा मता नेई ओग? असैं ए अख्त्यार कम च नेई आंदा; लेकन सारा केछ सैन करनयां न, के साड़े थमां मसीह दे शोभ समाचार च केछ अड़चन नेई उवै।

¹³के तोस नेई जांनदे के जेड़े मंदर च सेवा करदे न, ओ मन्दर थमां खंदे न; ते जेड़े के बेदी दी सेवा करदे न, ओ के बेदी दे कन्ने पागीदार ओदे न?

¹⁴इसै चाली कन्ने प्रभु ने बी ए पक्का कित्ता के जेड़े लोग शोभ समाचार सनांदे न, उन्दा खर्चा शोभ समाचार थमां उवै।

¹⁵लेकन मैं इंदे बिचा कोई बी गल्लें छा कम नेई लेत्ता, ते मैं तां ए गल्लां एस लेई नेई लिखीयां, के मेरे आसतै ऐसा कित्ता जा, किके एस थमां तां मेरा मरना पला ऐ; के कोई मेरे कमंड गी बेअर्थ करै।

¹⁶जेकर आऊँ शोभ समाचार सनां, तां मेरी केछ कमंड दी गल्ल नेई; किके ए ते मेरे आसतै जरुरी ऐ। जेकर आऊँ शोभ समाचार नेई सनां, तां मेरे उपर बसोस!

¹⁷किके जेकर अपनी मर्जी कन्ने ए करना ऐं, तां मजदूरी मिगी मिलदी ऐ, ते जेकर अपनी मर्जी कन्ने नेई करना, मगर ए जिमेंबारी परमेसर ने मिगी सौंपी दी ऐ तां आऊँ कोई मजदूरी दी आस नेई करी सकदा।

¹⁸तां मेरी पी केड़ी मजदूरी ऐ? ए के शोभ समाचार सनाने च आऊँ मसीह दा शोभ समाचार मोफत च सुनां, इत्थैं तकर के शोभ समाचार च जेड़ा मेरा अख्त्यार ऐ, ओस छा आऊँ पूरी चाली कन्ने कम लियां।

¹⁹किके सारें थमां जादै अजाद ओनें उपर बी मैं अपने आप गी सबनी दा सेवक बनाई दित्ते दा ऐ; के मते लोकें गी प्रभु आली बक्खी खिची लेई अवां।

²⁰आऊँ यहूदीयें आसतै यहूदी बनयां के यहूदीयें गी प्रभु आली बक्खी खिची लेई अवां, जेड़े लोग यहूदीयें दे कनून दे दीन च न उन्दे आसतै आऊँ कनून दे दीन नेई ओनें उपर बी कनून दे दीन ओया, के उनेंगी जेड़े कनून दे दीन च न, प्रभु आली बक्खी खिची लेई अवां।

²¹इसै चाली जेसलै आऊँ दुई जातीयें च सेवा करना ऐं तां आऊँ दुई जातीयें आला लेखा बननां ऐं जेड़े कनून गी नेई मंनदे उनेंगी आऊँ खिची लेई अवां। लेकन मिगी पता ऐ के आऊँ परमेसर दे कनून दे बिना नेई रौंदा हा किके आऊँ मसीह दे कनून दे दीन च आं।

²²आऊँ कमजोरें आसतै कमजोर जियां बनयां, के कमजोरें गी प्रभु आली बक्खी खिची लेई अवां। आऊँ सबनी मनुक्खें आसतै सारा केछ बने दा ऐं, के कुसे नीं कुसे चाली कुसे एक दा उद्धार कराई सकां।

²³ते आऊँ सब केछ शोभ समाचार दी खातर करना ऐं, तां जे आऊँ उनै वरकतें दा पागीदार बनी सकां जिंदा शोभ समाचार च बायदा कित्ते गेदा ऐ।

²⁴के तोस नेई जांनदे, के दौड़ च तां दौड़दे सारे गै न, लेकन नाम एक गै लेई जंदा ऐ? तोस इयां गै दौड़ो के जीती जायो।

²⁵अर एक पैलवान सारी चाली दी त्यारी करदा ऐ; ओ तां एक सुकडने आले मोकट आसतै ए सारा केछ करदे न, लेकन अस तां ओस मोकट आसतै करनयां न, जेड़ा सुकडने आला नेई।

²⁶एस आसतै आऊँ तां एस चाली कन्ने दौड़ना ऐं, लेकन मकसद दे बगैर नेई; आऊँ बी एस चाली मुक्कें कन्ने लड़ना ऐं, लेकन ओस आला लेखा नेई जेड़ा अवा च मुक्कें कन्ने लड़दा ऐ।

²⁷लेकन आऊँ अपनी जिंदु गी काबू च करना ऐं तां जे आऊँ ओदी बुरी इच्छ्यें दे मताबक नेई चलां कुदै ऐसा नेई उवै के दुए गी शोभ समाचार सनांने दे बाद अप्पुं गै नाम गी मुआई दियां।